Paytm Payments Bank : 1000 అకౌంట్లు- 1 పాన్.. పేటీఎం పేమెంట్స్ బ్యాంక్ చేసిన తప్పులు ఇవే!
04 February 2024, 11:23 IST
Paytm Payments Bank crackdown : పేటీఎం పేమెంట్స్ బ్యాంక్లో ఏం తప్పులు జరిగాయి? దానిపై ఆర్బీఐ ఎందుకు కఠిన ఆంక్షలు విధించింది?
1000 అకౌంట్లు- 1 పాన్.. పేటీఎం పేమెంట్స్ బ్యాంక్ చేసిన తప్పులు ఇవే!
RBI's Paytm crackdown : ప్రముఖ ఫిన్టెక్ సంస్థ పేటీఎం గత కొన్ని రోజులుగా వార్తల్లో నిలుస్తోంది. పేటీఎం పేమెంట్స్ బ్యాంక్పై ఆర్బీఐ కఠిన ఆంక్షలు విధించడం ఇందుకు కారణం. మదుపర్లకు భారీ నష్టాలను తీసుకొస్తూ.. పేటీఎం స్టాక్ రెండు రోజుల్లో 40శాతం పతనమైంది. అసలు ఆర్బీఐ.. పేటీఎంపై ఎందుకు ఆంక్షలు వేసింది? అసలు పేటీఎం పేమెంట్స్ బ్యాంక్ చేసిన తప్పులేంటి? ఇక్కడ తెలుసుకుందాము..
Skoda new SUV : మారుతీ సుజుకీ బ్రెజాకు పోటీగా స్కోడా కొత్త ఎస్యూవీ..!
Infinix GT 20 Pro : ఇండియాలో ఇన్ఫీనిక్స్ జీటీ 20 ప్రో లాంచ్ డేట్ ఫిక్స్.. ఫీచర్స్ ఇవే!
Honda Civic into Lamborghini : హోండా సివిక్ని లంబోర్ఘినిగా మార్చిన యూట్యూబర్- నెటిజన్లు ఫిదా!
Motorola X50 Ultra : మోటోరోలా ఎక్స్50 అల్ట్రా లాంచ్.. సూపర్ కూల్ ఫీచర్స్తో!
పేటీఎం పేమెంట్స్ బ్యాంక్పై ఆంక్షలకు కారణం..
సంబంధిత వర్గాల ప్రకారం.. సరైన ఐడెంటిఫికేషన్ లేని వందలాది అకౌంట్స్.. పేటీఎం పేమెంట్స్ బ్యాంక్లో ఉన్నట్టు ఆర్బీఐకి తెలిసింది. వీటికి సరైన కేవైసీ లేదు. అయినప్పటికీ.. పేటీఎం వేదికగా రూ. కోట్లల్లో లావాదేవీలు జరిగాయి. ఈ నేపథ్యంలో మనీలాండరింగ్ జరిగిందా? అన్న అనుమానాలు మొదలయ్యాయి.
అంతేకాకుండా.. 1000 యూజర్స్కి సంబంధించిన అకౌంట్స్ అన్నింటికీ.. ఒక్కటంటే ఒక్కటే పాన్ (పర్మనెంట్ అకౌంట్ నెంబర్) ఉన్నట్టు సమాచారం. ఈ విషయంపై పేటీఎం ఇచ్చిన నివేదిక కూడా తప్పుగానే ఉందని.. ఆర్బీఐ వెరిఫికేషన్ ప్రాసెస్లో తేలింట. ఆర్బీఐ ఒక్కటే కాదు.. ఎక్స్టర్నల్ ఆడిటర్స్ కూడా ఇదే విషయాన్ని చెప్పినట్టు తెలుస్తోంది.
Paytm Payments Bank : 'వీటిల్లోని కొన్ని అకౌంట్స్ ద్వారా మనీ లాండరింగ్ జరిగి ఉంటుందని ఆర్బీఐ అనుమానిస్తోంది,' అని సోర్స్లు చెబుతున్నాయి. అంతేకాకుండా.. ఈ విషయాన్ని ఈడీకి కూడా చెప్పిందట. పూర్తి వ్యవహారంపై హోంశాఖతో పాటు ప్రధానమంత్రి కార్యాలయానికి కూడా నివేదిక సమర్పించిందని తెలుస్తోంది.
అక్రమ కార్యకలాపాలు జరిగాయని ఏదైనా ఆధారాలు లభిస్తే.. పేటీఎం పేమెంట్స్ బ్యాంక్పై దర్యాప్తు చేపట్టేందుకు ఈడీ సిద్ధంగా ఉందని సమాచారం. సంస్థతో పాటు అసోసియేటెడ్ పార్టీల మధ్య కూడా నాన్-డిస్ల్కోజర్ ట్రాన్సాక్షన్ జరిగాయని తెలుస్తోంది. ఇది రెగ్యులేటర్లకు మరింత ఆందోళన కలిగించే విషయం. సంస్థ గవర్నెన్స్ విషయంలో కూడా లోపాలు ఉన్నట్టు ఆర్బీఐ గుర్తించిందని సంబంధిత వర్గాలు వెల్లడించాయి. ఈ విషయం.. పేటీఎం మాతృసంస్థ వన్97 కమ్యూనికేషన్స్- పేటీఎం పేమెంట్స్ బ్యాంక్ మధ్య చాలా ఎక్కువగా ఉందని పేర్కొన్నాయి.
Paytm share price target : సోర్స్ల ప్రకారం.. పేటీఎం పేరెంట్ కంపెనీ ద్వారా చేసిన లావాదేవీలు.. డేటా ప్రైవసీకి విరుద్ధంగా జరిగినట్టు అనుమానాలు వ్యక్తమవుతున్నాయి. అందుకే.. పేటీఎం పేమెంట్స్ బ్యాంక్లో ట్రాన్సాక్షన్స్ని ఆర్బీఐ నిలిపివేసింది. వినియోగదారులు సేవింగ్స్ అకౌంట్స్, వాలెట్స్, ఫాస్టాగ్స్, ఎన్సీఎంసీ కౌంట్స్పై ఇప్పటికప్పుడు ప్రభావం పడలేదు. కానీ.. ఫిబ్రవరి 29 వరకు.. థర్డ్ పార్టీ యాప్స్పై సంస్థ భారీగా ఆధారపడాల్సిన పరిస్థితి ఏర్పడింది.
భారీగా పతనమైన పేటీఎం స్టాక్..
ఆర్బీఐ నిర్ణయం.. పేటీఎం స్టాక్పై పెద్ద ప్రభావమే చూపించింది. వాస్తవానికి.. ఈ పేటీఎం పేమెంట్స్ బ్యాంక్పై షేర్హోల్డర్స్లో భారీ అంచనాలు ఉండేవని మార్కెట్ నిపుణులు చెబుతున్నారు. ఈ సంస్థ.. ఓ పెద్ద ఎంటీటీగా మారే అవకాశం ఉందని గతంలో అంచనాలు ఉండేవని, కానీ ఆర్బీఐ నిర్ణయంతో ఇప్పుడు ఆ పరిస్థితి కనిపించడం లేదని అంటున్నారు.
Paytm share price : పేటీఎం స్టాక్.. రెండు రోజుల్లో 40శాతం పతనమైంది. గురు, శుక్ర ట్రేడింగ్ సెషన్స్లో వరుసగా రెండుసార్లు 20శాతం లోవర్ సర్క్యూట్ని హిట్ చేసింది ఈ స్టాక్. ఫలితంగా.. ఐదు రోజుల ముందు రూ. 800 దగ్గర ఉన్న పేటీఎం షేర్.. ఇప్పుడు.. రూ. 487.20 వద్దకు పడిపోయింది.