Hyundai i20 new variant : సన్రూఫ్ ఫీచర్తో హ్యుందాయ్ ఐ20 కొత్త వేరియంట్ లాంచ్..
05 February 2024, 15:42 IST
- Hyundai i20 Sportz (O) price : సన్రూఫ్ ఫీచర్తో హ్యుందాయ్ ఐ20 కొత్త వేరియంట్ లాంచ్ అయ్యింది. దాని పేరు హ్యుందాయ్ ఐ20 స్పోర్ట్జ్ (ఓ).
సన్రూఫ్ ఫీచర్తో హ్యుందాయ్ ఐ20 కొత్త వేరియంట్ లాంచ్..
Hyundai i20 Sportz on road price in Hyderabad : ఐ20 హ్యాచ్బ్యాక్.. హ్యుందాయ్ మోటార్స్కు బెస్ట్ సెల్లింగ్ మోడల్గా ఉంది. ఇక ఇప్పుడు.. ఈ మోడల్లో ఓ కొత్త వేరియంట్ని లాంచ్ చేసింది దిగ్గజ ఆటోమొబైల్ సంస్థ. దాని పేరు హ్యుందాయ్ ఐ20 స్పోర్ట్జ్ (ఓ). ఈ కొత్త వేరియంట్ ఫీచర్స్, ధర వంటి వివరాలను ఇక్కడ తెలుసుకుందాము..
హ్యుందాయ్ ఐ20 స్పోర్ట్జ్ (ఓ) విశేషాలు..
ఈ హ్యుందాయ్ ఐ20 స్పోర్ట్జ్ (ఓ) సింగిల్ టోన్ వేరియంట్ ఎక్స్షోరూం ధర రూ. 8.73లక్షలు. డ్యూయెల్ టోన్ వేరియంట్ ఎక్స్షోరూం ధర రూ. 8.88లక్షలు. ఇందులో మేనయువల్ గేర్బాక్స్ ఆప్షన్ మాత్రమే ఉంది.
తాజా లాంచ్తో.. హ్యుందాయ్ ఐ20లో 6 వేరియంట్లు ఉన్నాయి. అవి.. ఎరా, ఆస్టా, ఆస్టా (ఓ), మాగ్నా, స్పోర్ట్జ్, స్పోర్ట్జ్ (ఓ). ఐ20 హ్యాచ్బ్యాక్ ఎక్స్షోరూం ధర రూ. 7.04లక్షలు- రూ. 11.21లక్షల మధ్యలో ఉంటుంది.
Hyundai i20 Sportz (0) variant : ఇక.. స్టాండర్డ్ స్పోర్ట్జ్ వేరియంట్ కన్నా.. కొత్త వేరియంట్ ఐ20 స్పోర్ట్జ్ (ఓ) ధర రూ. 35వేలు ఎక్కువే. ఎక్స్ట్రా ఖర్చుతో.. కస్టమర్లకు మూడు కొత్త ఫీచర్స్ లభిస్తున్నాయి. అవి.. వయర్లెస్ ఛార్జర్, ఆర్మ్రెస్ట్, డోర్స్కి లెథరెట్ ఫినిష్, ఎలక్ట్రికల్లీ అడ్జెస్టెబుల్ సన్రూఫ్.
ఈ హ్యుందాయ్ ఐ20 స్పోర్ట్జ్ (ఓ)లో 1.2 లీటర్, నేచురల్లీ ఆస్పిరేటెడ్ పెట్రోల్ ఇంజిన్ ఉంటుంది. ఇది.. 82 హెచ్పీ పవర్ని, 115 ఎన్ఎం టార్క్ని జనరేట్ చేస్తుంది. ఇందాక చెప్పినట్టే.. ఇందులో 5 స్పీడ్ గేర్ బాక్స్ ఉంటుంది. ఆటోమెటిక్ ట్రాన్స్మిషన్ ఆప్షన్ లేదు.
Hyundai i20 Sportz new variant price : కొత్త వేరియంట్ ఎంట్రీతో.. హ్యుందాయ్ ఐ20 మరింత అట్రాక్టివ్గా మారుతుందని మార్కెట్లో అంచనాలు ఉన్నాయి. కొత్త ఫీచర్స్తో కూడిన ఈ స్పోర్ట్జ్ (ఓ) వేరియంట్.. కస్టమర్లను ఆకర్షిస్తుందని సంస్థ భావిస్తోంది.
హ్యుందాయ్ మోటార్ ఇండియా ఐపీఓ వచ్చేస్తోంది..!
Hyundai Motor India IPO : భారతీయ ఆటోమొబైల్ మార్కెట్లోని అతిపెద్ద సంస్థల్లో ఒకటి హ్యుందాయ్ మోటార్స్. సౌత్ కొరియాకు చెందిన ఈ హ్యుందాయ్ మోటార్ ఇండియాకు సంబంధించిన ఓ కీలక వార్త ఇప్పుడు బయటకు వచ్చింది. స్టాక్ మార్కెట్లోకి త్వరలోనే అతిపెద్ద ఐపీఓని తీసుకురావాలని హ్యుందాయ్ మోటార్ ఇండియా ప్లాన్ చేస్తోందట. దీపావళి (నవంబర్) నాటికి, ఈ ఐపీఓని లాంచ్ చేసేందుకు ఏర్పాట్లు చేసుకుంటోందని సమాచారం. ఈ మేరకు.. ప్రముఖ వార్తా సంస్థ ఎకనామిక్ టైమ్స్.. ఓ నివేదికలో పేర్కొంది. పూర్తి వివరాల కోసం ఇక్కడ క్లిక్ చేయండి.