Tata Punch EV : టాటా పంచ్​ ఈవీ బుకింగ్స్​ షురూ.. వేరియంట్లు- ఫీచర్స్​ వివరాలివే!-tata punch ev variants explained as bookings open ahead of launch ,బిజినెస్ న్యూస్
తెలుగు న్యూస్  /  బిజినెస్  /  Tata Punch Ev : టాటా పంచ్​ ఈవీ బుకింగ్స్​ షురూ.. వేరియంట్లు- ఫీచర్స్​ వివరాలివే!

Tata Punch EV : టాటా పంచ్​ ఈవీ బుకింగ్స్​ షురూ.. వేరియంట్లు- ఫీచర్స్​ వివరాలివే!

Sharath Chitturi HT Telugu
Jan 07, 2024 12:50 PM IST

Tata Punch EV : టాటా పంచ్​ ఈవీ బుకింగ్స్​ మొదలయ్యాయి. ఈ నేపథ్యంలో ఈ కొత్త ఎలక్ట్రిక్​ వెహికిల్​ వేరియంట్లు, వాటి ఫీచర్స్​ వివరాలను ఇక్కడ తెలుసుకుందాము..

టాటా పంచ్​ ఈవీ బుకింగ్స్​ షురూ.. వేరియంట్లు- ఫీచర్స్​ వివరాలివే!
టాటా పంచ్​ ఈవీ బుకింగ్స్​ షురూ.. వేరియంట్లు- ఫీచర్స్​ వివరాలివే!

Tata Punch EV price in India : మచ్​ అవైటెడ్​ టాటా పంచ్​ ఈవీని రివీల్​ చేసింది టాటా మోటార్స్​. ఈ ఎలక్ట్రిక్​ వెహికిల్​ని త్వరలోనే లాంచ్​ చేయనుంది దిగ్గజ ఆటోమొబైల్​ సంస్థ. ఇక ఇప్పుడు ఈ మోడల్​ బుకింగ్స్​ కూడా ప్రారంభమయ్యాయి. రూ. 21వేల టోకెన్​ అమౌంట్​తో సంస్థకు చెందిన అధికారిక వెబ్​సైట్​ లేదా డీలర్​షిప్​షోరూమ్స్​లో ఈ ఎలక్ట్రిక్​ ఎస్​యూవీని బుక్​ చేసుకోవచ్చు. బుకింగ్స్​ని క్యాన్సిల్​ చేసుకున్నా.. డబ్బులు 3,4 రోజుల్లో రీఫ్​ అయిపోతాయి. అయితే.. బుకింగ్స్​ మొదలైన నేపథ్యంలో టాటా పంచ్​ ఈవీ వేరియంట్లు, వాటి కీలక ఫీచర్స్​ రివీల్​ అయ్యాయి. వాటిపై ఓ లుక్కేద్దాము..

టాటా పంచ్​ ఈవీ వేరియంట్లు- వాటి ఫీచర్స్​..

టాటా పంచ్ ఈవీ​ ఎలక్ట్రిక్​ వెహికిల్​లో 5 వేరియంట్లు ఉన్నాయి. అవి.. స్మార్ట్​, స్మార్ట్​+, అడ్వెంచర్​, ఎంపవర్డ్​, ఎంపవరడ్​+. ఈ పంచ్​ ఈవీ.. 4 మోనోటోన్​, 5 డ్యూయెల్​ టోన్​ ఎక్స్​టీరియర్​ కలర్స్​లో అందుబాటులో ఉండనుంది. మోనోటోన్​ షేడ్స్​ అంటే.. సీవుడ్​ గ్రీన్​, డేటోనా గ్రే, ఫియర్​లెస్​ రెడ్​, ప్రిస్టీన్​ వైట్​.

ఇక ఇప్పుడు ఒక్కో వేరియంట్​తో పాటు దానికి లభిస్తున్న ఫీచర్స్​ని ఇక్కడ తెలుసుకుందాము..

Tata Punch EV variants : టాటా పంచ్​ ఈవీ స్మార్ట్​:- కొత్త ఎలక్ట్రిక్​ ఎస్​యూవీ బేస్​ వేరియంట్​ ఇది. ఇందులో ఎల్​ఈడీ హెడ్​ల్యాంప్స్​, స్మార్ట్​ డిజిటల్​ ఎల్​ఈడీ డేటైమ్​ రన్నింగ్​ లైట్స్​ వంటివి వస్తున్నాయి. ఇందులో మల్టీ- మోడ్​ రీజనరేటివ్​ బ్రేకింగ్​ సిస్టెమ్​ కూడా లభిస్తోంది. సేఫ్టీ విషయానికొస్తే.. ఈ ఎస్​యూవీలో 6 ఎయిర్​బ్యాగ్స్​తో పాటు ఎలక్ట్రానిక్​ స్టెబులిటీ ప్రోగ్రామ్​ (ఈఎస్​పీ) వంటి ఫీచర్స్​ ఉంటాయి.

టాటా పంచ్​ ఈవీ అడ్వెంచర్​:- ఇందులో.. స్మార్ట్​ వేరియంట్​లోని ఫీచర్స్​తో పాటు.. ఫ్రెంట్​ ఫాగ్​ ల్యాంప్స్​, ఆప్షనల్​ సన్​రూఫ్​, క్రూజ్​ కంట్రోల్​, 17.78సెంటీమీటర్​ హర్మన్​ టచ్​స్క్రీన్​ ఇన్ఫోటైన్​మెంట్​ సిస్టెమ్​, యాపిల్​ కార్​ప్లే- ఆండ్రాయిడ్​ ఆటో కనెక్టివిటీ వంటివి లభిస్తున్నాయి. ఎలక్ట్రానిక్​ పార్కింగ్​ బ్రేక్​, ఆటో హోల్డ్​ ఫంక్షన్​ కూడా వస్తున్నాయి.

Tata Punch EV on road price Hyderabad : టాటా పంచ్​ ఈవీ- ఎంపవర్డ్​:- ఇది మిడ్​ రేంజ్​ వేరియంట్​. ఇందులో అడ్వెంచర్​ వేరియంట్​లోని ఫీచర్స్​తో పాటు డ్యూయెల్​ టోన్​ ఎక్స్​టీరియర్​ పెయింట్​, 16ఇంచ్​ డైమండ్​ కట్​ అలాయ్​ వీల్స్​, ఎయిర్​ ప్యూరిఫయర్​ విత్​ ఎయిర్​ క్వాలిటీ ఇండెక్స్​, 17.78 సెంటీమీటర్​ డిజిటల్​ కాక్​పిట్​ ఇన్​స్ట్రుమెంట్​ క్లస్టర్​, 26.03 సెంటీమీటర్​ హర్మాన్​ టచ్​స్క్రీన్​ హెచ్​డీ ఇన్ఫోటైన్​మెంట్​ సిస్టెమ్​ వంటివి లభిస్తున్నాయి. ఆటో ఫోల్డ్​ ఓఆర్​వీఎం, ఆప్షనల్​ సన్​రూఫ్​, ఎస్​ఓఎస్​ ఫీచర్స్​ కూడా వస్తున్నాయి.

టాటా పంచ్ ఈవీ-​ ఎంపవర్డ్​+ :- ఈ టాటా పంచ్​ ఈవీ టాప్​ ఎండ్​ వేరియంట్​లో లెథరేట్​ సీట్స్​, వయర్​లెస్​ స్మార్ట్​ఫోన్​ ఛార్జర్​, వెంటిలేటెడ్​ ఫ్రెంట్​ సీట్స్​, 26.03 ఇంచ్​ డిజిటల్​ కాక్​పిట్​ ఇన్​స్ట్రుమెంట్​ క్లస్టర్​, ఆర్కేడ్​.ఈవీ యాడ్​ సూట్​ వంటివి లభిస్తున్నాయి. బ్లైండ్​ స్పాట్​ వ్యూ మానిటర్​, 360 డిగ్రీ కెమెరా సెటప్​ కూడా ఉంటుంది.

టాటా పంచ్​ ఈవీ ధర ఎంత..?

Tata Punch EV launch date in India : టాటా పంచ్​ ఈవీని సరికొత్త ప్లాట్​ఫామ్​పై రూపొందిస్తోంది టాటా మోటార్స్​ సంస్థ. ఈ ప్లాట్​ఫామ్​లో రేంజ్​ 300కి.మీలు- 600కి.మీల మధ్యలో ఉంటుంది. ఇక టాటా పంచ్​ ఈవీ ధరకు సంబంధించిన వివరాలు ప్రస్తుతం అందుబాటులో లేవు. కాగా.. ఈ మోడల్​ ఎక్స్​షోరూం ధర రూ. 12లక్షలు- రూ. 14లక్షల మధ్యలో ఉండొచ్చని టాక్​ నడుస్తోంది.

WhatsApp channel

సంబంధిత కథనం