Audi bike: ఈ ఎలక్ట్రిక్ మౌంటెయిన్ బైక్ డిటైల్స్ తెలుసా?

జర్మన్ ఆటో మొబైల్ దిగ్గజం ఆడి (Audi) జెన్యూన్ యాక్సెసరీస్ రేంజ్ లో భాగంగా ఒక ఎలక్ట్రిక్ మౌంటెయిన్ బైక్ ను లాంచ్ చేసింది. ఈ మొబిలిటీ నూతన ఆవిష్కరణల్లో భాగంగా ఈ ఎలక్ట్రిక మౌంటెయిన్ బైక్ ను రూపొందించినట్లు కంపెనీ వెల్లడించింది. ఈ బైక్ కు ఇటలీకి చెందిన ఫాంటిక్ మోటార్ (Fantic Motor) కంపెనీ తయారు చేసిన బ్యాటరీ ప్యాక్ ను ఈ ఎలక్ట్రిక్ బైక్ లో వాడారు.

Audi electric mountain bike: ఈ మౌంటెయిన్ బైక్ ఫీచర్స్ ఇవే..

• డేకర్ రేసర్ RS Q e-tron నుంచి స్ఫూర్తి పొంది ఆడి ఈ ఎలక్ట్రిక్ మౌంటెయిన్ బైక్ ను రూపొందించింది. ఈ మోడల్ 2022 డేకర్ ర్యాలీలో 4 స్టేజెస్ లో విజయం సాధించింది.
• ఇది లిమిటెడ్ ఎడిషన్ లాంచ్. ఇందులో ఫాంటిక్ రూపొందించిన 720 కిలో వాట్ (720 kWh) బ్యాటరీ ప్యాక్ ను అమర్చారు.
• ఇందులో నాలుగు సైక్లింగ్ మోడ్స్ ఉన్నాయి. అవి బూస్ట్ (Boost), ఎకో (Eco), స్పోర్ట్ (Sport), టూర్ (Tour) సైక్లింగ్ మోడ్స్.వీటిలో బూస్ట్ పర్వత ప్రాంతాల్లో సైక్లింగ్ కు అనుకూలమైనది. ఎకో మోడ్ లో మాగ్జిమమ్ రేంజ్ లభిస్తుంది.
• స్పోర్టీ సైక్లింగ్ కు స్పోర్ట్ మోడ్ అనుకూలం. హ్యాండిల్ బార్ పై ఉన్న డిజిటల్ డిస్ ప్లే లో మోడ్, వేగం, బ్యాటరీ లెవెల్ మొదలైనవి కనిపిస్తాయి.
• ఈ ఎలక్ట్రిక్ మౌంటెయిన్ బైక్ ఎల్, ఎం, ఎస్ సైజ్ ల్లో లభిస్తుంది. వీటి ధర సుమారుగా 8,900 యూరోలు. మన కరెన్సీలో సుమారు రూ. 7.69 లక్షలు.