Best premium SUV : ప్రీమియం ఫ్యామిలీ ఎస్​యూవీల్లో ఈ రెండు తోపులు- మరి ఏది కొనాలి?

ప్రీమియం సెగ్మెంట్​లో మంచి ఫ్యామిలీ ఎస్​యూవీ కొనాలని చూసే వారికి జీప్​ మెరీడియన్​, టాటా సఫారీలు చక్కటి ఆప్షన్స్​లా కనిపిస్తాయి. పైగా 3- రో జీప్​ మెరీడియన్​ లేటెస్ట్​ వర్షెన్​ ఇటీవలే బయటకు వచ్చింది. అటు 3- రో టాటా సఫారీని సైతం సంస్థ కొన్ని నెలల క్రితమే అప్డేట్​ చేసింది. ఈ నేపథ్యంలో ఈ రెండింటినీ పోల్చి, ఏ ప్రీమియం, 3 రో ఎస్​యూవీ బెస్ట్​ అన్నది ఇక్కడ తెలుసుకుందాము..

2025 జీప్ మెరీడియన్ వర్సెస్ టాటా సఫారీ: ధర..

2025 జీప్ మెరీడియన్ లైనప్ కొత్త ఎంట్రీ లెవల్ ట్రిమ్​తో ప్రారంభమవుతుంది. కొత్త లిమిటెడ్ (ఓ) వేరియంట్ మిడ్ రేంజ్​లో ఉంది. మెరీడియన్ ఇప్పుడు నాలుగు వేరియంట్లను అందిస్తుంది. అవి.. లాంగిట్యూడ్, లాంగిట్యూడ్ ప్లస్, లిమిటెడ్ (ఓ), ఓవర్ల్యాండ్, దీని ధర రూ .24.99 లక్షల నుంచి రూ .36.49 లక్షల వరకు ఉంటుంది.

టాటా సఫారీ విస్తృత శ్రేణి ట్రిమ్​లను అందిస్తుంది. సఫారీ స్మార్ట్ (ఓ), ప్యూర్ (ఓ), అడ్వెంచర్, అడ్వెంచర్+, అడ్వెంచర్+డార్క్, అచీవ్డ్ డార్క్, అచీవ్డ్ డార్క్+ డార్క్, అడ్వెంచర్+ ఏ, అచీవ్డ్+ అనే పది ట్రిమ్ ఆప్షన్లలో లభిస్తుంది. సఫారీ ప్రీమియం ఫ్యామిలీ ఎస్​యూవీ ధర రూ .15.49 లక్షల నుంచి ప్రారంభమై ఎక్స్​షోరూమ్ రూ .26.79 లక్షల వరకు ఉంటుంది.

2025 జీప్ మెరీడియన్ వర్సెస్ టాటా సఫారీ: ఇంజిన్​..

025 జీప్ మెరీడియన్ మునుపటిలానే 2.0-లీటర్ డీజిల్ ఇంజిన్​ను కలిగి ఉంది. ఇది 3,750 ఆర్​పీఎమ్ వద్ద 167 బీహెచ్​పీ పవర్​ని, 1,750 ఆర్​పీఎమ్ వద్ద 350 ఎన్ఎమ్ టార్క్​ను ఉత్పత్తి చేస్తుంది. ఈ ఇంజిన్ 6-స్పీడ్ మాన్యువల్ ట్రాన్స్​మిషన్ లేదా 9-స్పీడ్ ఆటోమేటిక్ టార్క్ కన్వర్టర్​తో కనెక్ట్​ చేసి ఉంటుంది. మెరీడియన్ 4x2, 4x4 డ్రైవ్ ట్రెయిన్​లలో లభిస్తుంది.

మరోవైపు టాటా సఫారీలో 2.0-లీటర్ 4 సిలిండర్ల డీజల్ ఇంజిన్ ఉంటుంది. ఇది 168బీహెచ్​పీ పవర్, 350ఎన్ఎమ్ గరిష్ట టార్క్​ను ఉత్పత్తి చేస్తుంది. ఇది 6-స్పీడ్ మాన్యువల్, 6-స్పీడ్ టార్క్ కన్వర్టర్ ఆటోమేటిక్ ట్రాన్స్​మిషన్ ఆప్షన్స్​తో అందిస్తుంది. అయితే సఫారీ 4×4 డ్రైవ్ ట్రెయిన్ ఆప్షన్​ను కోల్పోయింది.

2025 జీప్ మెరీడియన్ వర్సెస్ టాటా సఫారీ: ఫీచర్లు..

2025 జీప్ మెరీడియన్ అనేక అధునాతన సాంకేతికతలను అందిస్తుంది. ముఖ్యంగా లెవల్ 2 అడ్వాన్స్​డ్ డ్రైవర్ అసిస్టెన్స్ సిస్టెమ్స్ (ఏడీఏఎస్)ను కలిగి ఉన్న లైన్ ఓవర్ ల్యాండ్ వేరియంట్. ఇంటెలిజెంట్ స్పీడ్ అసిస్ట్, ఫుల్ స్పీడ్ ఫార్వర్డ్ కొలిషన్ వార్నింగ్ విత్ కొలిషన్ మిటిగేషన్ బ్రేకింగ్, లేన్ డిపార్చర్ వార్నింగ్, లేన్ కీపింగ్ అసిస్ట్ వంటి ఫీచర్లు ఇందులో ఉన్నాయి. ట్రాఫిక్ సైన్ రికగ్నిషన్, బ్లైండ్ స్పాట్ డిటెక్షన్, అడాప్టివ్ క్రూయిజ్ కంట్రోల్ విత్ స్టాప్ అండ్ గో వంటి ఫీచర్లు ఇందులో ఉన్నాయి. 2025 మెరీడియన్​లో డ్యూయెల్ జోన్ క్లైమేట్ కంట్రోల్, పనోరమిక్ సన్రూఫ్, 360 డిగ్రీల కెమెరా ఉన్నాయి.

భద్రత పరంగా ఇది ఆరు ఎయిర్ బ్యాగులు, ఏబీఎస్ విత్ ఈబీడీ, టైర్ ప్రెజర్ మానిటరింగ్ సిస్టమ్​ను కలిగి ఉంది. ఈ ఎస్​యూవీలో అలెక్సా హోమ్ కనెక్టివిటీ వంటి కనెక్టెడ్ కార్ టెక్నాలజీలు కూడా ఉన్నాయి. ఇది మీ రోజువారీ జీవితంలో మరింత ఇంటిగ్రేటెడ్ అనుభూతిని కలిగిస్తుంది. ఈ ఫీచర్ల లభ్యత ట్రిమ్ ప్రకారం మారుతుందని గుర్తుంచుకోండి.

టాటా సఫారీ ఎస్​యూవీ కూడా అనేక రకాల ఫీచర్లను పొందుతుంది. మీరు ఎంచుకున్న ట్రిమ్​ని బట్టి, ఇది 10.25-ఇంచ్​ లేదా 12.3-ఇంచ్​ టచ్​స్క్రీన్​ని అందిస్తుంది. ఇది ముందు, రెండొవ వరుసలకు వెంటిలేటెడ్ సీట్లు, ఆటోమేటిక్ వేరియంట్ల కోసం కొత్త డ్రైవ్ సెలెక్టర్​ని పొందుతుంది. టాటా సఫారీలో పనోరమిక్ సన్ రూఫ్, టచ్ ఆధారిత హెచ్​వీఏసీ కంట్రోల్ ప్యానెల్, 10-స్పీకర్ల జేబీఎల్ ఆడియో సిస్టమ్, 360-డిగ్రీ కెమెరా, డిజిటల్ ఇన్​స్ట్రుమెంట్ క్లస్టర్ ఉన్నాయి.

భద్రతా ఫీచర్లలో ఎలక్ట్రానిక్ స్టెబిలిటీ కంట్రోల్, 6 ఎయిర్ బ్యాగులు, ఐసోఫిక్స్ చైల్డ్ సీట్ యాంకర్లు, ఈబీడీతో ఏబీఎస్, ప్రయాణీకులందరికీ మూడు పాయింట్ల సీటు బెల్ట్​ల కోసం రిమైండర్లు ఉన్నాయి. హై-స్పెక్ మోడళ్లు అదనపు రక్షణ కోసం అదనపు డ్రైవర్ మోకాలికి ఎయిర్ బ్యాగ్​తో వస్తాయి.