ప్రధానికి జగన్​ లేఖ.. ఆ విషయంలో కేంద్రానికి మద్దతు

IAS cadre rules amendment news | ఐఏఎస్​ కేడర్​ నిబంధనల్లో కేంద్రం ప్రతిపాదించిన సవరణలకు ఆంధ్రప్రదేశ్​ సీఎం జగన్​ మద్దతునిచ్చారు. ఈ మేరకు ఆల్​ ఇండియా సర్వీస్​ రూల్స్​ సవరణలపై ప్రధానమంత్రి నరేంద్ర మోదీకి లేఖ రాశారు.

అయితే రాష్ట్రాలతో సంబంధం లేకుండా.. అధికారులను డిప్యుటేషన్​కు తీసుకెళ్లే నిబంధనను పునఃపరిశీలించాలని లేఖలో ప్రధానికి విజ్ఞప్తి చేశారు జగన్​. కేంద్రం ప్రతిపాదించిన నిబంధనలు అమల్లోకి వచ్చి.. ఐఏఎస్​లు అకస్మాత్తుగా డిప్యుటేషన్​ మీద వెళ్లిపోతే.. కీలక ప్రాజెక్టులు, పథకాల ఆగిపోతాయని ఆందోళన వ్యక్తం చేశారు.

ప్రతిపాదలకు మద్దతు..

ఐఏఎస్​ కేడర్​ రూల్స్​- 1954లో కొన్ని మార్పులను ప్రతిపాదించిన కేంద్రం.. ఈ విషయంపై స్పందించాలని రాష్ట్రాలు, కేంద్రపాలిత ప్రాంతాలకు లేఖ రాసింది. ఇప్పటివరకు 9 రాష్ట్రాలు ప్రతిపాదనలను వ్యతిరేకించగా.. ఏపీతో కలిపి మరో 9 రాష్ట్రాలు మద్దతునిచ్చాయి. ఇప్పటి వరకు పరస్పర సంప్రదింపులతో కేంద్రం- రాష్ట్రాలు అధికారులను డిప్యుటేషన్​ మీద పంపేవి. తాజా ప్రతిపాదన అమల్లోకి వస్తే.. కేంద్రం ఎప్పుడు, ఎవరిని డిప్యుటేషన్​ మీద పంపాలని ఆదేశించినా.. రాష్ట్రాలు జోక్యం చేసుకోకూడదు.