Vzrm Contract Jobs: విజయనగరం ఐసీడిఎస్‌లో కాంట్రాక్ట్‌, పార్ట్‌టైమ్‌ ఉద్యోగాలకు నోటిఫికేషన్

Vzrm Contract Jobs: విజయనగరం జిల్లా మహిళ, శిశు సంక్షేమ శాఖ ప‌రిధిలోని డిస్ట్రిక్ చైల్డ్ ప్రొటెక్షన్ యూనిట్ (డీసీపీసీ), స్పెషలైజేడ్ అడాప్షన్ ఏజెన్సీ (ఎస్ఏఏ), చిల్డ్ర‌న్ హోమ్స్‌లో ఖాళీగా ఉన్న 23 ఉద్యోగాల‌కు అర్హులైన అభ్య‌ర్థులు ద‌ర‌ఖాస్తు చేసుకోవాల‌ని ఆహ్వానించారు. ఈ పోస్టుల‌ను కాంట్రాక్టు, ఔట్ సోర్సింగ్ ప‌ద్ద‌తిలో భ‌ర్తీ చేస్తారు. ప‌నితీరు ఆధారంగా వారి స‌ర్వీసును కొన‌సాగిస్తామ‌ని పేర్కొన్నారు.

ఇందులో అర్హులైన అభ్య‌ర్థుల‌కు మాత్ర‌మే ఇంట‌ర్వ్యూల‌కు పిలుస్తారు. ఇంట‌ర్వ్యూలు నిర్వ‌హించి నియామ‌కం జ‌రుపుతారు. ఈ ఉద్యోగాల‌కు ఎటువంటి రాత ప‌రీక్ష, ఉద్యోగుల‌కు అప్లై చేయ‌డానికి ఎటువంటి ఫీజు ఉండ‌దు. అయితే ఆఫీసు అసిస్టెంట్ ఉద్యోగానికి మాత్రం కంప్యూట‌ర్ ప‌రీక్ష నిర్వ‌హించి ప్ర‌తిభ ఆధారంగా నియామం చేస్తారు. కాంట్రాక్ట్ బేసిస్‌-5, అవుట్ సోర్సింగ్ బేసిస్‌-9, పార్ట్ టైమ్‌-9 పోస్టుల‌ను భ‌ర్తీ చేస్తారు.

ఆస‌క్తి గ‌ల అభ్య‌ర్థులు ద‌ర‌ఖాస్తును అధికారిక వెబ్‌సైట్ డైరెక్ట్ లింక్ https://cdn.s3waas.gov.in/s3cee631121c2ec9232f3a2f028ad5c89b/uploads/2024/09/2024091149.pdf ను క్లిక్ చేస్తే ఓపెన్ అవుతుంది. దాన్ని డౌన్‌లోడ్ చేసుకొని, పూర్తి చేయాలి.

అనంత‌రం సంబంధిత స‌ర్టిఫికేట్ల‌ను జ‌త‌చేసి, సెప్టెంబ‌ర్ 21 సాయంత్రం 5 గంట‌ల లోపు జిల్లా మ‌హిళా మ‌రియు శిశు సంక్షేమ‌, సాధికార‌త అధికారి కార్యాల‌యం, మొద‌టి అంత‌స్తు, క‌లెక్ట‌రేట్ కాంప్లెక్స్‌, విజ‌య‌న‌గ‌రం జిల్లా-535003లో అంద‌జేయాలి.

పోస్టులు ఇవే..

మొత్తం 23 పోస్టుల‌ను భ‌ర్తీ చేస్తున్నారు. డిస్ట్రిక్ట్ చైల్డ్ ప్రొటెక్ష‌న్ ఆఫీస‌ర్‌- 1 (డీసీపీయూ), అసిస్టెంట్ కం డేటా ఎంట్రీ ఆప‌రేట‌ర్‌- 1 (డీసీపీయూ), సోష‌ల్ వ‌ర్క‌ర్ కం ఎర్లీ చైల్డ్ ఎడ్యుకేట‌ర్‌-1 (ఎస్ఏఏ, విజ‌య‌న‌గ‌రం, మ‌హిళ‌లు మాత్ర‌మే), స్టోర్ కీప‌ర్‌- 2 (గ‌జ‌ప‌తి న‌గ‌రం-1, బొబ్బిలి-1, మ‌హిళ‌లు మాత్ర‌మే), కుక్‌- 4 (విజ‌య‌న‌గం-2, గ‌జ‌ప‌తిన‌గ‌రం-1, బొబ్బిలి-1 మ‌హిళ‌లు మాత్ర‌మే ), హెల్ప‌ర్ కం నైట్ వాచ్‌మెన్-3 (విజ‌య‌న‌గం-1, గ‌జ‌ప‌తిన‌గ‌రం-1, బొబ్బిలి-1 మ‌హిళ‌లు మాత్ర‌మే ), హౌస్ కీప‌ర్‌- 2 (విజ‌య‌న‌గం-1, గ‌జ‌ప‌తిన‌గ‌రం-1 మ‌హిళ‌లు మాత్ర‌మే ), ఎడ్యుకేట‌ర్- 3 (విజ‌య‌న‌గం-1, గ‌జ‌ప‌తిన‌గ‌రం-1, బొబ్బిలి-1 మ‌హిళ‌లు మాత్ర‌మే ), ఆర్ట్ అండ్ క్రాఫ్ట్ కం మ్యూజిక్ టీచ‌ర్‌- 3 (విజ‌య‌న‌గం-1, గ‌జ‌ప‌తిన‌గ‌రం-1, బొబ్బిలి-1 మ‌హిళ‌లు మాత్ర‌మే ), పీటీ ఇన్ట్స్ర‌క్ట‌ర్ కం యోగ టీచ‌ర్‌- 3 (విజ‌య‌న‌గం-1, గ‌జ‌ప‌తిన‌గ‌రం-1, బొబ్బిలి-1 మ‌హిళ‌లు మాత్ర‌మే ) పోస్టులు భ‌ర్తీ చేయ‌నున్నారు.

వేత‌నం...వయో పరిమితి

డిస్ట్రిక్ట్ చైల్డ్ ప్రొటెక్ష‌న్ ఆఫీస‌ర్‌- రూ.44,023, అసిస్టెంట్ కం డేటా ఎంట్రీ ఆప‌రేట‌ర్‌-రూ.13,240, సోష‌ల్ వ‌ర్క‌ర్ కం ఎర్లీ చైల్డ్ ఎడ్యుకేట‌ర్‌-రూ.18,536, స్టోర్ కీప‌ర్‌- రూ. 18,536, కుక్‌- రూ.9,930, హెల్ప‌ర్ కం నైట్ వాచ్‌మెన్- రూ.7,944, హౌస్ కీప‌ర్‌- రూ.7,944, ఎడ్యుకేట‌ర్- రూ.10,000, ఆర్ట్ అండ్ క్రాఫ్ట్ కం మ్యూజిక్ టీచ‌ర్‌- రూ.10,000, పీటీ ఇన్ట్స్ర‌క్ట‌ర్ కం యోగ టీచ‌ర్‌- రూ.10,000 నెల‌వారీ వేత‌నం ఉంటుంది. ద‌ర‌ఖాస్తు దాఖ‌లు చేసే అభ్య‌ర్థుల వ‌యో ప‌రిమితి 2024 జులై 1 నాటికి 25 నుండి 42 ఏళ్ల మ‌ధ్య ఉండాలి. ప్రభుత్వ నిబంధనల ప్రకారం వయస్సులో ఎస్‌సీ, ఎస్‌టీ, బీసీ, ఈడ‌బ్ల్యూఎస్‌ల‌కు ఐదేళ్లు, దివ్యాంగుల‌కు ప‌దేళ్లు సడలింపు కూడా వర్తిస్తుంది.

పూర్తి వివ‌రాల కోసం అధికారిక వెబ్‌సైట్ డైరెక్ట్ లింక్

https://cdn.s3waas.gov.in/s3cee631121c2ec9232f3a2f028ad5c89b/uploads/2024/09/2024091135.pdf ను క్లిక్ చేయండి.

(జ‌గ‌దీశ్వ‌ర‌రావు జ‌రజాపు, హిందుస్తాన్ టైమ్స్ తెలుగు)