Warangal Police Commissionerate : మైనర్​ బాలికపై రేప్​ అటెంప్ట్​... సీఐపై పోక్సో కేసు నమోదు-pocso case registered against ci sampath in warangal ,తెలంగాణ న్యూస్
తెలుగు న్యూస్  /  Telangana  /  Pocso Case Registered Against Ci Sampath In Warangal

Warangal Police Commissionerate : మైనర్​ బాలికపై రేప్​ అటెంప్ట్​... సీఐపై పోక్సో కేసు నమోదు

HT Telugu Desk HT Telugu
Mar 23, 2024 06:16 AM IST

Warangal Police Commissionerate News: మైనర్​ బాలికపై రేప్​ అటెంప్ట్​ చేశాడు ఓ సీఐ. బాధిత కుటుంబం వరంగల్ నగర పోలీసులను ఆశ్రయించగా… సీఐపై పోక్సో కేసు నమోదు చేసి రిమాండ్ కు తరలించారు.

సీఐ సంపత్ (ఫైల్ ఫొటో)
సీఐ సంపత్ (ఫైల్ ఫొటో)

POCSO Case On CI in Warangal : పోలీస్​ శాఖలో సీఐగా పని చేస్తున్న అధికారి ఓ వివాహితతో సహజీవనం సాగిస్తూ.. ఆమె కూతురిపైనే కన్నేశాడు. ఎవరూ లేని సమయంలో బాలికపై అత్యాచారయత్నానికి పాల్పడ్డాడు. దీంతో బాధితురాలి ఫిర్యాదు మేరకు తాను గతంలో ఎస్సైగా పని చేసిన కాకతీయ యూనివర్సిటీ పోలీస్​ స్టేషన్​ లోనే సీఐపై కేసు నమోదు అయ్యింది. పోలీస్​ శాఖకే కలంకం తెచ్చే ఈ ఘటన వరంగల్ నగరంలో జరగగా.. మైనర్​ బాలికపై దారుణానికి యత్నించిన సీఐపై రేప్​ అటెంప్ట్ తో పాటు పోక్సో చట్టాల కింద కేసు(POCSO Case On CI) నమోదు చేసి, పోలీసులు కటకటాల వెనక్కి పంపించారు.

ట్రెండింగ్ వార్తలు

పోలీసులు, స్థానికులు తెలిపిన ప్రకారం పూర్తి వివరాలు ఇలా ఉన్నాయి.. జయశంకర్​ భూపాలపల్లి జిల్లాలో సీఐగా పని చేస్తున్న బండారు సంపత్(CI Sampath)​ దాదాపు రెండు సంవత్సరాల కిందట వరంగల్ నగరంలోని కాకతీయ యూనివర్సిటీ పోలీస్​ స్టేషన్​ లో ఎస్సైగా విధులు నిర్వర్తించారు. ఇదివరకే పెళ్లి చేసుకుని ఉన్న సంపత్​.. తాను పని చేసే స్టేషన్​ పరిధిలోనే ఓ మహిళతో కొంతకాలం సహజీవనం సాగించాడు. ఇద్దరి మధ్య వ్యవహారం కొంతకాలం వ్యవహారం సజరావుగానే సాగగా.. ఆ తరువాత ఆయన అక్కడి నుంచి ఇతర ప్రాంతాలకు బదిలీపై వెళ్లాడు. ఆ తరువాత సీఐగా ప్రమోషన్​ పొంది కొద్దిరోజుల కిందటే భూపాలపల్లి జిల్లాకు ట్రాన్స్​ ఫర్​ అయి అక్కడే పని చేస్తున్నాడు.

మైనర్​ బాలికపై అత్యాచారయత్నం

సీఐ సంపత్​ తాను అక్రమ సంబంధం కొనసాగించిన మహిళకు ఓ కూతురు ఉండగా.. ఇటీవల సంపత్​ వారి ఇంటికి వెళ్లాడు. అక్కడ బాలిక మాత్రమే ఉండటంతో ఆమె పట్ల అసభ్యంగా ప్రవర్తించాడు. ఎవరూ లేకపోవడంతో ఆమెను రేప్​ చేయబోయాడు. దీంతో ఆయన నుంచి తప్పించుకున్న సదరు బాలిక జరిగిన విషయాన్ని తల్లికి చెప్పుకొంది. అనంతరం ఆ మహిళ సీఐ సంపత్​ ను నిలదీయడంతో ఆయన తిరిగి వారినే బెదిరింపులకు గురి చేశారు. తన పోలీస్​ బలంతో ఇబ్బందులకు గురి చేస్తానంటూ వార్నింగ్​ కూడా ఇచ్చారు. దీంతో భయపడి పోయిన తల్లీకూతుల్లిద్దరు రెండ్రోజుల కిందట కాకతీయ యూనివర్సిటీ పోలీసులకు ఫిర్యాదు చేశారు. ఈ మేరకు సీఐ సంపత్​ పై అత్యాచార యత్నంతో పాటు పోక్సో యాక్ట్ కింద కేసు నమోదు చేసి, దర్యాప్తు జరుపుతున్నట్లు సీఐ సంజీవ్​ వివరించారు. కాగా శుక్రవారం సాయంత్రం నిందితుడిని కోర్టులో హాజరు పరిచి రిమాండ్​ కు తరలించారు.

గతంలోనూ మహిళలపై అసభ్య ప్రవర్తన!

కాకతీయ యూనివర్సిటీ ఎస్సైగా పని చేస్తున్న సమయంలో కూడా బండారు సంపత్​ పై వివిధ ఆరోపణలు వచ్చాయి. స్టేషన్​ కు వచ్చిన మహిళల పట్ల అసభ్యంగా ప్రవర్తించారనే ఆరోపణలున్నాయి. కాగా ఆయన కేయూ ఎస్సైగా ఉన్న సయమంలో రామారం సమీపంలోని ఎస్​వీఎస్​ కాలేజీలో ఓ ఎగ్జామ్​ రాయడానికి వచ్చిన మహిళా అభ్యర్థిపైనా సంపత్​ దురుసుగా ప్రవర్తించాడు. తన సోదరుడితో కలిసి పరీక్ష రాసేందుకు వచ్చిన ఆమెను ఎస్సై సంపత్​ అడ్డుకున్నారు. అనంతరం వారితో వాదనకు దిగి, యువతి పట్ల దురుసుగా ప్రవర్తించాడు. అసభ్య పదజాలం ఉపయోగించడంతో పాటు ఆమె సోదరుడిపైనా చేయి చేసుకున్నాడు. ఆ సమయంలో వీడియో తీసిన బాధితులు దానిని సోషల్​ మీడియాలో పోస్ట్ చేయగా.. అది కాస్త వైరల్​ అయ్యింది. ఈ ఘటన అనంతరం బాధితులు పోలీస్​ శాఖ ఉన్నతాధికారులకు కూడా ఫిర్యాదు చేశారు. అయినా అప్పుడున్న సీఐ, ఇతర అధికారులు ఎస్సై సంపత్​ కే మద్దతు ఇచ్చి, ఉన్నతాధికారుల నుంచి యాక్షన్​ లేకుండా చేశారనే ఆరోపణలున్నాయి.

సీరియస్​ యాక్షన్​ తీసుకుంటాం

మహిళల పట్ల అసభ్యంగా ప్రవర్తిస్తే ఎంతటి వారిపైనైనా చట్ట ప్రకారం కఠిన చర్యలు తీసుకుంటామని కాకతీయ యూనివర్సిటీ సీఐ సంజీవ్​ స్పష్టం చేశారు. సీఐ సంపత్​ కుమార్​ విషయంలో బాధితుల ఫిర్యాదు మేరకు కేసులు నమోదు చేశామన్నారు. పోలీస్​ అధికారులైనా, ఏ డిపార్ట్ మెంట్​ కు చెందిన వ్యక్తులైనా ఇలాంటి దారుణాలకు ఒడిగడితే పక్షపాతం లేకుండా తగిన చర్యలు తీసుకుంటామని హెచ్చరించారు.

(రిపోర్టింగ్ - హిందుస్థాన్ టైమ్స్ తెలుగు, వరంగల్ ప్రతినిధి)

IPL_Entry_Point