TSRTC Electric Buses : తెలంగాణ వ్యాప్తంగా ఆర్టీసీ ఎలక్ట్రిక్ బస్సులు

రవాణా శాఖలో పౌర సేవలు, ఆన్​లైన్ సేవలు, ఆర్టీసీ ఆదాయ, వ్యయాలపై మంత్రి పువ్వాడ అజయ్ కుమార్ సమీక్ష చేశారు. ఖైరతాబాద్‌ రవాణా శాఖ కార్యాలయంలో నిర్వహించిన సమావేశంలో రవాణా శాఖ, ఆర్టీసీ ఉన్నతాధికారులు పాల్గొన్నారు. రవాణా శాఖలో ఆన్​లైన్ సేవలను మరింత విస్తృతం చేయాలని అధికారులను ఆదేశించారు. ఆర్టీసీలో ప్రస్తుతం ఉన్న బస్సులే కాకుండా.. తెలంగాణ వ్యాప్తంగా ఎలక్ట్రిక్ బస్సులు కూడా తెవాల్సిన అవసరం ఉందన్నారు.

'రవాణా శాఖలో మరికొన్ని సేవలను ఆన్​లైన్ ద్వారా అందించేందుకు సాధ్యమయ్యే అవకాశాలను పరిశీలించాలి. ఆర్టీసీలో ప్రస్తుతం ఉన్న బస్సులతో పాటు తెలంగాణ వ్యాప్తంగా ఎలక్ట్రిక్ బస్సులు కూడా తీసుకురావాల్సిన ఆవశ్యకత ఉంది.

ఆర్టీసీ రోజువారి ఆదాయ, వ్యయాలపై మంత్రి పువ్వాడ ప్రత్యేకంగా మాట్లాడారు. ఆర్టీసీ సిబ్బంది చేస్తున్న పనులను కొనియాడారు. రవాణాశాఖ మంత్రిగా పువ్వాడ అజయ్ మూడేళ్లు పూర్తి చేసుకున్నారు. ఈ సందర్భంగా ఆర్టీసీ ఎండీ సజ్జనార్, ఉన్నతాధికారులు ఆయనకు పుష్పగుచ్ఛం అందజేసి శుభాకాంక్షలు తెలిపారు.