BRAOU Admissions : అంబేడ్కర్ ఓపెన్ వర్శిటీలో డిగ్రీ, పీజీ ప్రవేశాలు - కొత్త నోటిఫికేషన్ విడుదల, చివరి తేదీ ఎప్పుడంటే..?
Ambedkar Open University Admissions 2024: డిగ్రీ, పీజీ, డిప్లోమా ప్రవేశాలకు సంబంధించి డాక్టర్ అంబేడ్కర్ ఓపెన్ వర్శిటీ మరో అప్డేట్ ఇచ్చింది. ఆయా కోర్సుల్లో ప్రవేశాలకు దరఖాస్తులను ఆహ్వానించింది. ఆగస్టు 18, 2024వ తేదీని తుది గడువుగా ప్రకటించింది.
BRAOU Admissions 2024: డాక్టర్ బీఆర్‌ అంబేడ్కర్ ఓపెన్ వర్సిటీ నుంచి ప్రవేశాల నోటిఫికేషన్ విడుదలైంది. దూర విద్యా ద్వారా డిగ్రీ, పీజీ, లైబ్రరీ సైన్స్‌, పీజీ డిప్లొమా, పలు సర్టిఫికెట్‌ కోర్సుల్లో ప్రవేశం పొందవచ్చు. ఆసక్తి గల అభ్యర్థులు ఆన్ లైన్ లో దరఖాస్తులను సమర్పించవచ్చని అధికారులు తెలిపారు. ఆగస్టు 18, 2024 వరకు గడువు విధించారు. www.braouonline.in, www.braou.ac.in వెబ్ సైట్ లోకి వెళ్లి వివరాలను చెక్ చేసుకోవచ్చు.
కోర్సులు ఇవే...
డిగ్రీలో బీఏ, బీకాం, బీఎస్సీ కోర్సులు ఉన్నాయి. ఇక పీజీలో ఎంఏ, ఎంకామ్‌, ఎంఎస్సీ, ఎంబీఏ కోర్సులతో పాటు పీజీ డిప్లొమాలో బీఎల్‌ఐఎస్సీ (BLISc), ఎంఎల్‌ఐఎస్సీ (MLISc) సహా పలు సర్టిఫికేట్ కోర్సులను పేర్కొంది. ఇందులో అడ్మిషన్లు పొందేందుకు ఆన్లైన్ విధానంలో దరఖాస్తు చేసుకోవాల్సి ఉంటుంది. దరఖాస్తుల స్వీకరణ .. ఆగస్టు 18,2024 తేదీతో ముగియనుంది. ట్యూషన్‌ ఫీజును ఆన్లైన్ విధానంలో చెల్లించాలని నోటిఫికేషన్ లో అధికారులు పేర్కొన్నారు. క్రెడిట్/డెబిట్ కార్డు ద్వారా ఏపీ, టీఎస్ ఆన్లైన్ సెంటర్ ల ద్వారా చెల్లించవచ్చు.
అర్హతలు...
అండర్ గ్రాడ్యుయేషన్ ప్రోగ్రామ్ (డిగ్రీ) కు 10+2 / ఇంటర్మీడియట్ / ఐటీఐలో ఉత్తీర్ణత సాధించాలి. బీఏ, బీకాం, బీఎస్సీ - తెలుగు / ఇంగ్లిష్ మీడియం, బీఏ, బీఎస్సీ - ఉర్దూ మీడియంలలో ఉన్నాయి. ఇక పీజీ కోర్సులైన ఎంఏ / ఎంఎస్సీ / ఎంకాంలకు గ్రాడ్యుయేషన్ ఉత్తీర్ణతను అర్హతగా పేర్కొన్నారు. తెలుగు, ఇంగ్లిష్ మీడియంలలో ఉన్నాయి.
ముఖ్యమైన తేదీలు..
- దరఖాస్తులు ప్రారంభం - 27 -జులై-2024.
- ఆన్లైన్ దరఖాస్తుకు చివరితేది: 18.ఆగస్టు,2024.
- దరఖాస్తు విధానం: ఆన్లైన్ ద్వారా
- అధికారిక వెబ్ సైట్ - https://www.braouonline.in/
- అప్లికేషన్ లింక్ - https://online.braou.ac.in/PG/PGFirstHome
ఆయా కోర్సులను బట్టి ఫీజులను ఖరారు చేశారు. అధికారిక సైట్ లో ఆ వివరాలను కూడా పొందుపరిచారు. జిల్లాల్లోనూ స్టడీ సెంటర్లలో కూడా పేర్లు నమోదు చేసుకోవచ్చు. మరిన్ని వివరాల కోసం వర్సిటీ హెల్ప్లైన్ నెంబర్లు 7382929570, 7382929580, 7382929590 & 7382929600 సంప్రదించవచ్చు.
దోస్త్ ప్రవేశాలు - స్పెషల్ ఫేజ్
తెలంగాణలో డిగ్రీ ప్రవేశాల ప్రక్రియ కొనసాగుతోంది. ఉన్నత విద్యా మండలి నిర్ణయించిన షెడ్యూల్ ప్రకారం… మూడో విడత కౌన్సెలింగ్ ప్రక్రియ కూడా పూర్తి అయింది. అయితే తాజాగా స్పెషల్ ఫేజ్ కౌన్సెలింగ్ షెడ్యూల్ ను విడుదల చేసింది.
స్పెషల్ ఫేజ్ అడ్మిషన్‌ కౌన్సెలింగ్ ఇవాళ్టి (జులై 25వ తేదీ) నుంచే ప్రారంభమైంది. అర్హత కలిగిన విద్యార్థులు ఆగస్టు 2వ తేదీలోపు దరఖాస్తు చేసుకోవాల్సి ఉంటుంది. ఇందుకు రూ.400 ఫీజు చెల్లించాల్సి ఉంటుంది.
ప్రత్యేక విడత కౌన్సెలింగ్ లో భాగంగా జులై 27 నుంచి ఆగస్టు 3 వరకు వెబ్ ఆప్షన్లను ఎంచుకోవాలి. ఆగస్టు 6వ తేదీన సీట్ల కేటాయింపు ఉంటుంది. ఆగస్టు 7 నుంచి 9 వరకు ఆన్లైన్ సెల్ఫ్‌ రిపోర్టింగ్‌కు గడువు విధించారు. ఆన్లైన్ ద్వారా రిపోర్టింగ్‌ చేసిన వారు ఆగస్టు 7 నుంచి 9వ తేదీ వరకు నేరుగా కాలేజీలలో రిపోర్టు చేయాల్సి ఉంటుంది.
మొత్తం 3 విడతల్లో డిగ్రీ ప్రవేశాల ప్రక్రియను పూర్తి చేసింది తెలంగాణ ఉన్నత విద్యా మండలి. ఆన్ లైన్ లో రిజిస్ట్రేషన్ చేసుకునే విద్యార్థులు రూ.200 చెల్లించి రిజిస్ట్రేషన్ చేసుకునే అవకాశం కల్పించింది. నిర్ణయించిన షెడ్యూల్ ప్రకారం… మూడు విడతలు పూర్తి అయ్యాయి. ఈ నేపథ్యంలోనే ప్రత్యేక విడత కౌన్సెలింగ్ షెడ్యూల్ ను విడుదల చేసింది. ఇందులో రిజిస్ట్రేషన్ చేసుకుని మిగిలిన విద్యార్థులు సీట్లు పొందవచ్చు.
