Lucky zodiac signs: శని, బుధుడు, సూర్యుడి కలయిక.. ఈ రాశుల వారి అదృష్టాన్ని ఎవరూ అడ్డుకోలేరు

Lucky zodiac signs: గ్రహాల గమనానికి జ్యోతిష్య శాస్త్రంలో ప్రాముఖ్యత ఉంటుంది. నవ గ్రహాలు తమ నిర్ధిష్ట కాలం తర్వాత రాశి చక్రాలు మార్చుకుంటూ ఉంటాయి. అలా గ్రహాల రాకుమారుడిగా పరిగణించే బుధుడు ఫిబ్రవరి 20న శని రాశి చక్రంలోకి వెళ్లబోతున్నాడు. మకర రాశి నుంచి కుంభ రాశి ప్రవేశం చేయబోతున్నాడు.

కుంభ రాశిలో ఫిబ్రవరి 13 నుంచి గ్రహాల అధిపతిగా పిలిచే సూర్యుడు సంచరిస్తున్నాడు. ఇక ఈ ఏడాది మొత్తం శని కుంభరాశిలోనే ఉంటాడు. ఫలితంగా బుధుడు, శని, సూర్యుడు కలయిక జరగబోతుంది. బుధుడు, సూర్యుడి సంయోగంతో బుధాదిత్య రాజాయోగం ఏర్పడనుంది. ఈ మూడు గ్రహాలు మార్చి 6 వరకు ఈ రాశిలోనే ఉంటాయి.

జ్యోతిష్య శాస్త్రంలో బుధుడు, సూర్యుడు కలయికని ఎంతో పవిత్రంగా భావిస్తారు. జాతకంలో ఈ రెండు గ్రహాలు శుభ స్థానంలో ఉంటే అతనికి డబ్బు కొరత అనేది ఉండదని అంటారు. జీవితం సుఖ సంతోషాలతో నిండిపోతుందని చెప్తారు. కుంభ రాశిలో బుధాదిత్య రాజయోగం ఏర్పడటం కొన్ని రాశుల వారికి ప్రయోజనకరంగా ఉంటుంది. ఒక రాశిలో మూడు గ్రహాల కలయిక వల్ల కొన్ని రాశుల వారి భవితవ్యం మారబోతుంది. ఇంతకీ ఆ రాశులు ఏవంటే..

మేష రాశి

శని, బుధుడు, సూర్యుడి కలయిక వల్ల మేష రాశి వారికి అద్భుత ప్రయోజనాలు కలగబోతున్నాయి. వృత్తి జీవితంలో వచ్చే ఇబ్బందులు క్రమంగా తొలగిపోతాయి. వ్యాపారంలో లాభాలు వచ్చే అవకాశం ఉంది. ఉద్యోగస్తులకు ఉన్నతాధికారులు, సహోద్యోగుల మద్దతు లభిస్తుంది. కుటుంబ సమేతంగా ఎక్కడికైనా ట్రిప్ కి వెళతారు. ఈ సమయంలో వైవాహిక జీవితం కూడా ప్రేమతో నిండిపోతుంది. ఉద్యోగ, వ్యాపారాలలో విజయం సాధించేందుకు అనేక అవకాశాలు వస్తాయి. ఐటీ, హెల్త్ కేర్ నిపుణులకి విదేశాల్లో పని చేసేందుకు ఆఫర్లు లభిస్తాయి. ఆత్మవిశ్వాసం పెరుగుతుంది. ఆరోగ్యం మెరుగుపడుతుంది.

మిథున రాశి

సూర్య, బుధ కలయిక వల్ల వచ్చే బుధాదిత్య రాజయోగం వల్ల మిథున రాశి వారికి శుభ ఫలితాలు లభిస్తాయి. చాలా కాలంగా నిలిచిపోయిన పనులు విజయవంతం అవుతాయి. ఉద్యోగ, వ్యాపారాల్లో అడ్డంకులు తొలగిపోతాయి. ఆర్థిక పరిస్థితి మెరుగుపడుతుంది. ధనలాభం పొందేందుకు అనేక అవకాశాలు లభిస్తాయి.

సింహ రాశి

శని, బుధుడు, సూర్యుడి సంయోగం తో సింహ రాశి వారికి మేలు జరుగుతుంది. బుధుడు, సూర్యుడి ప్రభావంతో వ్యాపార సంబంధిత పనుల్లో అద్భుతాలు చూస్తారు. సమాజంలో పేరు, ప్రతిష్టలు పెరుగుతాయి. గౌరవం లభిస్తుంది. ఆరోగ్యం పట్ల కాస్త శ్రద్ద వహించాలి. బుధుడు అనుగ్రహంతో ఆగిపోయిన పనులు ఊపందుకుంటాయి.

కర్కాటక రాశి

మూడు గ్రహాల కలయిక కర్కాటక రాశి వారికి చాలా పవిత్రమైనదిగా పరిణమిస్తుంది. వ్యాపారంలో ఇబ్బందులు తొలగుతాయి. బుధ, సూర్య అనుగ్రహంతో విద్యార్థులు చదువులో రాణిస్తారు. సంతానం వైపు నుంచి మంచి శుభవార్తలు అందుకుంటారు. ఆరోగ్యం బాగుంటుంది. ఆర్థిక సమస్యలు తొలగిపోతాయి.

కన్యా రాశి

బుధాదిత్య యోగంతో కన్యా రాశి వారికి వృత్తిలో పురోగతికి అవకాశాలు పుష్కలంగా ఉంటాయి. అకస్మాత్తుగా డబ్బు సంపాదించే అవకాశాలు వస్తాయి. ఉద్యోగులకు పదోన్నతులు లభిస్తాయి. వివిధ ఆదాయ మార్గాల ద్వారా ధనలాభం పొందుతారు. న్యాయపరమైన విషయాల్లో విజయం సాధిస్తారు.