UK Blood scandal report : బ్రిటన్​ని కుదిపేస్తున్న ‘రక్తం కుంభకోణం’- 30వేల మందికి హెచ్​ఐవీ ఎలా సోకింది?

UK Blood scandal report : 'రక్తం కుంభకోణం'.. బ్రిటన్​ని కుదిపేస్తోంది. 30వేల మందికి హెచ్​ఐవీ ఎయిడ్స్​ సోకిన వ్యహారంపై తాజాగా వెలువడిన ఓ రిపోర్టులో పలు షాకింగ్​ విషయాలు వెలువడ్డాయి. వ్యవస్థ.. ప్రతి దశలోనూ విఫలం అవ్వడంతో 3వేల మంది మరణించారని ఆ రిపోర్టు పేర్కొంది.

అసలేంటి ఈ రక్తం కుంభకోణం..?

రక్తం అనేది ప్రాణవాయువుతో సమానం! మనిషిని కాపాడాలంటే రక్తం చాలా అవసరం. కాగా.. 1970, 1980వ దశకంలో బ్రిటన్​ ప్రజల్లో చాలా మందికి అందిన రక్తం.. హెచ్​ఐవీ, హెపటైటిస్​తో కలుషితమైంది! 1970ల్లో ఎన్​హెచ్​ఎస్ (నేషనల్​ హెల్త్​ సర్వీస్​)​ చేపట్టిన ఫ్యాక్టర్​ 8 చికిత్సని గ్రౌండ్​బ్రేకింగ్​గా పరిగణించారు. కానీ.. ఇందులో వాడిన రక్తం వల్ల ప్రజల్లో వ్యాధులు పుట్టుకొస్తున్నట్టు తర్వాత తేలింది.

వేలాది మంది డోనర్ల నుంచి సేకరించిన ప్లాస్మాను కలిపి.. ఈ ఫ్యాక్టర్​ 8ని తయారు చేసేవారు. అంటే.. కనీసం ఒక్క డోనర్​కైనా ఏదైనా వ్యాధి ఉంటే.. మొత్తం బ్యాచ్​కి అది సోకే ప్రమాదం ఉంది.

కానీ తొలినాళ్లల్లో ఈ ప్రమాదాన్ని ఎవరూ పట్టించుకోలేదు. ఫ్యాక్టర్​ 8 చికిత్సకు డిమాండ్​ విపరీతంగా కనిపించింది. అమెరికా నుంచి బ్లడ్​ని దిగుమతి చేసుకోవాల్సి వచ్చింది. అయితే.. అమెరికా నుంచి వచ్చిన ప్లాస్మాలో హై-రిస్క్​ డోనర్లు ఉన్నట్టు తెలిసింది. ఖైదీలు, డ్రగ్స్​కు బానిసైన వారు డబ్బుల కోసం రక్తాన్ని డొనేట్​ చేశారు. ఫలితంగా.. రక్తం కలుషితమయ్యే ప్రమాదం మరింత పెరిగింది.

UK Blood scandal compensation : నిదానంగా మెలుకున్న అధికారులు.. బ్రిటన్​ వ్యాప్తంగా టెస్టింగ్​ నిర్వహించారు. ఫ్యాక్టర్​ 8 వల్ల అప్పటికే 30వేలకుపైగా మంది ప్రజలకు హెచ్​ఐవీ, హెపటైటిస్​ సోకినట్టు తెలుసుకున్నారు.

ఎయిడ్స్​ని 1980 తొలినాళ్లల్లో గుర్తించారు. 1983 నాటికి.. హెచ్​ఐవీ అనేది ఎయిడ్స్​కి కారణం అవుతుందని తేలింది. కానీ.. బ్లడ్​ వల్ల వైరస్​ వ్యాపిస్తుందని అంతకుముందే యూకే ప్రభుత్వానికి తెలుసు. కానీ ప్రభుత్వం ఎలాంటి చర్యలు తీసుకోలేదు. రోగులను అలర్ట్​ చేయలేదు. ఫలితంగా.. 3వేల మంది మరణించారు.

రక్తం కుంభకోణంపై రిపోర్టు..

ఈ రక్తం కుంభకోణంపై 6ఏళ్ల పాటు దర్యాప్తు సాగింది. సోమవారం రిపోర్టు బయటకు వచ్చింది. ఇందులో పలు షాకింగ్​ విషయాలు బయటపడ్డాయి. అవి..

UK Blood scandal latest news : విదేశాల నుంచి దిగుమతి చేసుకునే రక్తాన్ని ఆపడానికి ప్రభుత్వం ఎలాంటి చర్యలు చేపట్టలేదు. మరీ ముఖ్యంగా ఖైదీలు, డ్రగ్​ అడిక్ట్స్​ కూడా రక్తం ఇచ్చారు. ఇది కలుషితమైన రక్తం.

1986 వరకు హై రిస్క్​ గ్రూప్స్​ నుంచి రక్తాన్ని సేకరించారు.

1982లో దీని రిస్క్​ గురించి తెలుసు. కానీ హెచ్​ఐవీని ఎలిమినేట్​ చేసేందుకు హీట్​ ట్రీట్​మెంట్​ ప్రాసెస్​ని 1985లో మొదలుపెట్టారు.

1970 నుంచి హెపటైటిస్​ రిస్క్​ని తగ్గించేందుకు పెద్దగా టెస్టింగ్​లు చేయలేదు.

వ్యవస్థలోని ప్రతి దశలోనూ నిజాన్ని దాచే ప్రయత్న చేశారు. ఎవరూ జవాబుదారీతనంతో ప్రవర్తించలేదు. కీలకమైన పత్రాలను కూడా ధ్వంసం చేశారు.

What is UK Blood scandal : బ్రిటన్​లో ఈ రక్తం కుంభకోణం.. ప్రమాదవశాత్తు జరిగిన ఘటన కాదు! వైద్యులు, బ్లడ్​ సర్వీస్​లు, ప్రభుత్వాలు.. రోగి భద్రతను రోగి ఆరోగ్యాన్ని పట్టించుకోలేదు. అధికారులు ఏం చేయకపోవడంతో.. ప్రజల బాధ రెట్టింపు అయ్యింది.

ఫ్యాక్టర్​ 8 చికిత్సలో రిస్క్​ గురించి ప్రజలకు చెప్పి ఉండాల్సింది.

ఎలాంటి సమాచారం ఇవ్వకపోవడంతో.. ప్రజలకు వారు ఎలాంటి ఇన్ఫెక్షన్​కి గురవుతున్నారో తెలియలేదు.

బెస్ట్​ మెడికల్​ ట్రీట్​మెంట్​ ఇస్తున్నామని, బ్లడ్​ స్క్రీనింగ్​ ప్రాసెస్​ని చేపట్టామని నాడు అధికారులు చెప్పిన మాటలు అబద్ధం!

రక్తం ద్వారా ఎయిడ్స్​ వ్యాప్తి చెందుతుందని తెలిసినా.. కమర్షియల్​ బ్లడ్​ ప్రాడక్ట్స్​ని 1983లో దిగుమతి చేసుకోవడాన్ని ప్రభుత్వం ఆపకపోవడం చాలా పెద్ద తప్పు.

బాధితులకు పరిహారం..!

UK Blood scandal victims : ఈ రక్తం కుంభకోణం కారణంగా రోగులు చాలా ఇబ్బందిపడ్డారు. నొప్పి, నీరసంతో అల్లాడిపోయారని మృతుల బంధువులు, స్నేహితులు చెబుతున్నారు.

బాధితులకు పరిహారం విషయంపై ఈ రిపోర్టు పలు కీలక సిఫార్సులు చేసింది. వ్యాధి సోకిన వారికి వార్షిక ఆర్థిక మద్దతు లభిస్తోంది. కానీ.. తుది పరిహారంపై ఇంకా ఎలాంటి ఒప్పందాలు జరగలేదు.

బ్రిటన్​లో రక్తం కుంభకోణంపై రిపోర్టు వెలువడిన అనంతరం.. ఆ దేశ ప్రధాని రిషి సునక్​.. ప్రజలకు క్షమాపణలు చెప్పారు. బాధితులకు సమగ్ర పరిహారం ఇస్తామని, త్వరలోనే వీటిపై వివరాలను ప్రకటిస్తామని హామీనిచ్చారు.