Rishi Sunak team: రుషి సునక్ టీమ్ లో వీళ్లే కీలకం

paragraph

<p>Rishi Sunak team: తీవ్ర ఆర్థిక సంక్షోభంలో చిక్కుకుపోయిన బ్రిటన్ ను గాడిన పెట్టడం నూతన ప్రధాని రుషి సునక్ ముందున్ ప్రధాన బాధ్యత. అందులో భాగంగా ఆయన ముందుగా, సమర్ధవంతమైన కేబినెట్ మంత్రులను తన టీమ్ గా ఏర్పాటు చేసుకోవాల్సి ఉంటుంది. ఆ దిశగానే రుషి చర్యలు సాగుతున్నాయి.</p>

<h3>Rishi Sunak team: ఆర్థిక మంత్రిగా మళ్లీ హంట్</h3><p>ఆర్థిక మంత్రిగా జెరెమీ హంట్ ను జస్ట్ 11 రోజుల క్రితమే గత ప్రధాని లిజ్ ట్రస్ నియమించారు. కొద్దికాలమే ఫైనాన్స్ శాఖ ను చూసినప్పటికీ సమర్ధవంతమైన పనితీరుతో హంట్ ఆకట్టుకున్నారు. ఆయన బాధ్యతలు చేపట్టిన తరువాతే మార్కెట్లు కాస్త పుంజుకున్నాయి. దాంతో, హంట్ ను ఆ కీలక బాధ్యతల్లో కొనసాగించాలని రుషి నిర్ణయించుకున్నారు. </p>

<h3>Rishi Sunak team: డెప్యూటీ పీఎం..</h3><p>డొమినిక్ రాబ్ ను తన డెప్యూటీగా, ఉప ప్రధానిగా రుషి సునక్ నియమించారు. డొమినిక్ కన్సర్వేటివ్ పార్టీలో కీలక నాయకుడు. ఉప ప్రధాని పదవితో పాటు న్యాయ శాఖను కూడా డొమినిక్ రాబ్ కు సునక్ అప్పగించారు. అలాగే, లిజ్ ట్రస్ మంత్రివర్గంలో హోం మంత్రిగా కీలక బాధ్యతలు నిర్వర్తించి, ఆ తరువాత రాజీనామా చేసిన స్యూల్లా బ్రేవర్మన్ కు రుషి సునక్ మళ్లీ అవే బాధ్యతలను అప్పగించారు. ట్రస్ మంత్రివర్గంలో రక్షణశాఖ ను చూసిన బెన్ వ్యాలెస్ కు మళ్లీ అదే శాఖను అప్పగించారు. </p>

<h3>Rishi Sunak team: రాజీనామాలు కూడా..</h3><p>రిషి సునక్ ప్రధానిగా బాధ్యతలు చేపట్టిన వెంటనే పాత మంత్రులు కొందరు రాజీనామాలు చేశారు. వాణిజ్య శాఖ మంత్రి జాకోబ్ రీస్, న్యాయ శాఖ మంత్రి బ్రాండన్ లూయీస్, చీఫ్ విప్ వెండీ మోర్టన్, వర్క్ అండ్ పెన్షన్స్ మంత్రి స్మిత్.. తదితరులు రాజీనామా చేసిన వారిలో ఉన్నారు.</p>

Encounter in Maharashtra: చత్తీస్ గఢ్, మహారాష్ట్ర సరిహద్దుల్లో భారీ ఎన్ కౌంటర్

<p>Encounter in Maharashtra: మహారాష్ట్ర, చత్తీస్ గఢ సరిహద్దుల్లోని దట్టమైన అటవీ ప్రాంతంలో శనివారం ఉదయం పోలీసులు, నక్సలైట్ల మధ్య ఎదురుకాల్పులు ప్రారంభమయ్యాయి.</p>

Mumbai Goa highway : ఇక ముంబై టు గోవా ప్రయాణం.. కేవలం 5 గంటలే!

<ul><li>Mumbai to Goa National highway : ముంబై- గోవా ప్రయాణం ప్రస్తుతం 11 గంటలు. త్వరలోనే నేషనల్​ హైవే 66 అందుబాటులోకి రానుంది. ఫలితంగా ప్రయాణం 5 గంటల కన్నా తక్కువగా ఉండనుంది!</li></ul>

Noida crime news : కట్నం కోసం మహిళను చంపి.. పాతేసిన భర్త! శరీరాన్ని పీక్కు తిన్న కుక్కలు

<p>Noida woman buried : పెళ్లై 7ఏళ్లు గడిచినా.. ఆ మహిళ కట్నం వేధింపులకు గురవుతూనే ఉంది. 15 రోజుల క్రితం అదృశ్యమైంది. చివరికి.. ఆమె మృతదేహం లభించింది. కుక్కలు పీక్కు తింటున్న దశలో పోలీసులు ఆమె మృతదేహాన్ని గుర్తించారు. మహిళ భర్త తరఫు కుటుంబమే.. ఆమెను చంపేసిందని ఆరోపణలు ఉన్నాయి.</p>

Rahul Gandhi: రాహుల్ గాంధీపై మరో పరువునష్టం కేసు

<p>Rahul Gandhi: కాంగ్రెస్ సీనియర్ నేత రాహుల్ గాంధీని పరువునష్టం కేసులు వెంటాడుతున్నాయి. తాజాగా, ఆరెస్సెస్ (RSS) పై చేసిన వ్యాఖ్యలకు గానూ ఆయనపై మరో పరువునష్టం కేసు నమోదైంది.</p>

<ul><li>Rishi Sunak team: బ్రిటన్ ప్రధాన మంత్రిగా బాధ్యతలు చేపట్టిన వెంటనే కేబినెట్ కూర్పుపై రుషి సునక్ దృష్టి పెట్టారు. ఆర్థిక మంత్రిగా జెరెమీ హంట్ ను కొనసాగించాలని నిర్ణయించారు.</li></ul>

Rishi Sunak - Ashish Nehra relation: రిషి సునక్, ఆశిష్ నెహ్రా బ్రదర్సా..?

<p>Rishi Sunak - Ashish Nehra relation: బ్రిటన్ పీఎం పీఠం అధిష్టించిన రుషి సునక్ తో పాటు మరో వ్యక్తి సడెన్ గా పాపులర్ ఐపోయాడు. అతడే, మాజీ క్రికెటర్ ఆశిష్ నెహ్రా. అందరూ దాదాపు మర్చిపోయిన నెహ్రా.. . రుషి పుణ్యమా అని సడెన్ గా లైమ్ లైట్ లోకి వచ్చాడు. అయితే, ఈ ఇద్దరికీ సంబంధం ఏంటి అనుకుంటున్నారా? </p>

<h3>Rishi Sunak - Ashish Nehra relation: బ్రదర్సా?</h3><p>బ్రిటన్ కొత్త ప్రధాని రుషి సునక్, మన మాజీ క్రికెటర్ ఆశిష్ నెహ్రా కు దగ్గరి పోలికలు ఉంటాయి. కావాలంటే పైన ఫొటో మరోసారి చూడండి. కొన్ని యాంగిల్స్ లో ఇద్దర్లో చాలా పోలికలు కనిపిస్తాయి. దాంతో, నెటిజన్లు తమ క్రియేటివిటీ అంతా చూపిస్తున్నారు. నెహ్రాను, సునక్ కు బంధుత్వం కలుపుతూ.. మీమ్స్ తో రెచ్చిపోతున్నారు. రిషి సునక్ కు శుభాకాంక్షలు తెలుపుతూ నెహ్రా చేసిన ట్వీట్ ను కూడా చాలా మంది రీట్వీట్ చేశారు.</p>

<h3>Rishi Sunak - Ashish Nehra relation: కుంభమేళాలో తప్పిపోయారా?</h3><p>అన్నిట్లోకి ఒక నెటిజన్ రియాక్షన్ మాత్రం హైలైట్. రిషి సునక్, ఆశిష్ నెహ్రా.. వారి చిన్నప్పుడు భారత్ లో కుంభమేళాలో తప్పిపోయారని, సునక్ ను వేరే వారు తీసుకుని బ్రిటన్ వెళ్లిపోయారని మంచి మసాలా స్టోరీ అల్లేశాడు. మరో ట్విటర్ యూజర్ ‘కంగ్రాచ్యులేషన్స్ నెహ్రాజీ’ అంటూ సునక్ కు బదులుగా.. నెహ్రాకు శుభాకాంక్షలు తెలిపాడు. మరో ట్విటర్ యూజర్ ప్రధాని మోదీ ఫ్లైట్ ఎక్కుతున్న ఫొటోను షేర్ చేస్తూ.. ‘కోహినూర్ వజ్రాన్ని తీసుకురావడానికి బ్రిటన్ వెళ్తున్న భారత ప్రధాని మోదీ’ అంటూ క్యాప్షన్ ఇచ్చాడు.</p>

<p>Rishi Sunak - Ashish Nehra relation: భారతీయ సంతతికి చెందిన రుషి సునక్ బ్రిటన్ పీఎం అయ్యారు. రెండు రోజులుగా అన్ని ప్రసార మాధ్యమాల్లోనూ ఆ వార్తలే.&nbsp;</p>

Indian woman killed in UK: ఇంగ్లండ్ లో భారతీయ యువతి దారుణ హత్య; పిల్లలు కూడా..

<p>Indian woman killed in UK: ఇంగ్లండ్ లో, లండన్ కు దాదాపు 100 కిమీల దూరంలోని నార్తంప్టన్ ప్రాంతంలో ఈ ఘటన జరిగింది. భారతీయ మహిళతో పాటు ఆమె ఇద్దరు పిల్లలు కూడా హత్యకు గురయ్యారు.</p>

<h3>Indian woman stabbed to death in UK:కేరళ నర్సు</h3><p>యూకేలోని నార్తంప్టన్ ప్రాంతంలోని కెట్టెరింగ్ లో ఉన్న తమ అపార్ట్ మెంట్లో భారత్ కు చెందిన మహిళ హత్యకు గురైంది. కేరళకు చెందిన అంజు అనే 42 ఏళ్ల నర్సును గుర్తు తెలియని వ్యక్తులు హత్య చేశారు. ఆమెతో పాటు అపార్ట్ మెంట్లో ఆమె ఇద్దరు పిల్లలు కూడా కత్తి పోటు గాయాలతో, తీవ్ర రక్తస్రావమై, అపస్మారక స్థితిలో కనిపించారు. అనంతరం, ఆ పిల్లలిద్దరూ ఆసుపత్రిలో చికిత్స పొందుతూ మరణించారు.</p>

<h3>Husband in police custody: పోలీసుల అదుపులో భర్త</h3><p>యూకేలో నర్స్ గా విధుల్లో ఉన్న 42 ఏళ్ల వయస్సున్న అంజు కేరళ లోని కొట్టాయం నుంచి బ్రిటన్ కు వెళ్లింది. అక్కడే భర్త సజు, ఆరు సంవత్సరాలు, నాలుగు సంవత్సరాల వయస్సున్న ఇద్దరు పిల్లలతో కలిసి ఉంటోంది. ఇద్దరు పిల్లలతో పాటు అంజు హత్యకు గురికావడంతో, మొదట ఆమె భర్త సజును పోలీసులు అదుపులోకి తీసుకుని, ప్రశ్నిస్తున్నారు. సజు శరీరంపై కూడా స్వల్ప గాయాలున్నాయని పోలీసులు తెలిపారు. త్వరలోనే దోషులను పట్టుకుంటామని నార్తంప్టన్ పోలీస్ చీఫ్ స్టీవ్ ఫ్రీమన్ తెలిపారు. శుక్రవారం ఉదయం 11.15 గంటల సమయంలో వారి అపార్ట్ మెంట్ నుంచి అరుపులు వినిపించాయని ఇరుగుపొరుగు వారు పోలీసులకు తెలిపారు. </p>

<h3>Parents in Kerala: భర్త కోపిష్టే కానీ..</h3><p>కొట్టాయంలోని అంజు తల్లిదండ్రులకు సమాచారం అందించారు. దాంతో, వారు కన్నీరుమున్నీరవుతున్నారు. తమ బిడ్డ అంజు భర్త సజు కోపిష్టే కానీ, హత్యలు చేసేంత దారుణానికి ఒడిగడ్తాడని తాము భావించడం లేదని అంజు తండ్రి అశోకన్ తెలిపారు. అంజు రెండేళ్ల క్రితమే యూకే వెళ్లిందన్నారు. అంజుకి కన్నూర్ కు చెందిన సజుతో 2012లో వివాహం జరిగిందన్నారు. సజు మొదట్లో సౌదీలో పని చేసేవాడని వెల్లడించారు. </p>

<p>Indian woman killed in UK: ఇంగ్లండ్ లో భారత్ కు చెందిన ఒక యువతి హత్యకు గురైంది. తన అపార్ట్ మెంట్లో కత్తి పోట్ల గాయాలతో విగత జీవిగా కనిపించింది.&nbsp;</p>

Sunak mulls restrictions on foreign students:యూకేలో విదేశీ విద్యార్థులపై ఆంక్షలు

<p>Restrictions on foreign students in UK: విదేశీ విద్యార్థులకు సంబంధించి పలు ఆంక్షలు విధించే దిశగా బ్రిటన్ ప్రభుత్వం అడుగులు వేస్తోంది. రికార్డు స్థాయిలో దేశంలోకి 5 లక్షల వలసలు చోటు చేసుకున్నట్లుగా అధికారిక గణాంకాలు చూపుతున్న నేపథ్యంలో కొత్త ప్రధాని రుషి <a target="_blank" href="https://telugu.hindustantimes.com/business/british-pm-sunak-wife-akshata-debut-on-asian-rich-list-2022-in-uk-121669306216724.html">సునక్</a> ఈ దిశగా ఆలోచిస్తున్నారని ఆయన అధికార ప్రతినిధి వెల్లడించారు.</p>

<h3>Restrictions on foreign students in UK: ఇవే ఆ ఆంక్షలు</h3><p>విదేశీ విద్యార్థులు లో క్వాలిటీ డిగ్రీలు చేయడం కోసం బ్రిటన్ రావడంపైన, అలాగే, డిపెండెంట్లను తీసుకురావడంపైన ఆంక్షలు విధించాలని బ్రిటన్ ప్రభుత్వం భావిస్తోంది. అయితే లో క్వాలిటీ’ డిగ్రీని నిర్వచించాలన్న మీడియా ప్రశ్నకు ఆ అధికార ప్రతినిధి సమాధానమివ్వలేదు.</p>

<h3>Restrictions on foreign students in UK: విదేశీ విద్యార్థుల సంఖ్య తగ్గింపు</h3><p>దేశంలోని విదేశీ విద్యార్థుల సంఖ్యను తగ్గించాలని రుషి సునక్ ఆలోచిస్తున్నారని ఇప్పటికే బ్రిటన్ మీడియా కథనాలు ప్రచురించింది. ఇందులో భాగంగా.. బ్రిటన్ లోని టాప్ యూనివర్సిటీల్లో విదేశీ విద్యార్థుల అడ్మిషన్లపై ఆంక్షలు విధించడంపై, దేశంలోని విదేశీ విద్యార్థుల డిపెండెంట్లకు ఇచ్చే <a target="_blank" href="https://telugu.hindustantimes.com/national-international/uk-student-visa-explained-eligibility-documents-needed-and-process-121665584948792.html">వీసా</a>ల సంఖ్యను తగ్గించడంపై దృష్టి పెట్టారని వెల్లడించాయి. విదేశీ విద్యార్థులు తమ కుటుంబ సభ్యులను తీసుకురావడంపై ఇప్పటికే బ్రిటన్ హోం మంత్రి స్యూయెలా బ్రేవర్మన్ అభ్యంతరం వ్యక్తం చేస్తూ అనుచిత వ్యాఖ్యలు చేశారు. మరోవైపు, దేశ ఆర్థిక వ్యవస్థ బలోపేతం కావడానికి, వృద్ధి రేటులో మెరుగుదలకు వలసలు కీలకమని బ్రిటన్ ఆర్థిక మంత్రి జెరెమి హంట్ వ్యాఖ్యానించారు. ఆర్థిక వ్యవస్థకు హాని కలగని విధంగా వలసలను తగ్గించేందుకు దీర్ఘకాలిక వ్యూహం అవసరమని సూచించారు.</p>

<p>Restrictions on foreign students in UK: దేశంలోకి రికార్డు స్థాయిలో వలసలు పెరుగుతున్న నేపథ్యంలో.. విదేశీ &nbsp;విద్యార్థులపై ఆంక్షలు విధించాలని బ్రిటన్ పీఎం రుషి సునక్ భావిస్తున్నారు. ఒకవేళ రుషి సునక్ ఆ నిర్ణయం తీసుకుంటే, అది భారతీయ విద్యార్థులపై తీవ్ర ప్రతికూల ప్రభావం చూపుతుంది.</p>

3.7 Crore rupees villa For 280 rupees only: రూ. 280 కే రూ. 4 కోట్ల విల్లా.. కొంటారా?

<p> <span class='webrupee'>₹</span>3.7 Crore villa For  <span class='webrupee'>₹</span>280 only: రూ. 280 చెల్లిస్తే, దాదాపు రూ. 4 కోట్ల విలువైన భవనం సొంతమవుతుంది. అదికూడా ఇక్కడ కాదు. యూకేలో నమ్మశక్యంగా లేదు కదా. ఏదో మోసం ఉందనిపిస్తోంది కదా. మాయ లేదు.. మోసం లేదు. వివరాలు ఇవీ.. </p>

<h3> <span class='webrupee'>₹</span>3.7 Crore villa For  <span class='webrupee'>₹</span>280 only: 4 బెడ్ రూమ్ ఇల్లు</h3><p>యూకేలోని మెడ్ వే, కెంట్ లో ఉన్న ఈ విలాసవంతమైన భవనం విలువ మన కరెన్సీలో సుమారు రూ. 3.7 కోట్లు. ఇది 4 బెడ్ రూమ్, ట్రిప్లెక్స్ బిల్డింగ్. ఇందులో నాలుగు పెద్ద పెద్ద బెడ్ రూమ్స్, మరో పెద్ద లివింగ్ రూమ్, ఈట్ ఇన్ కిచన్, అన్ని విలాసవంతమైన సౌకర్యాలు, పెద్ద లాన్. గోల్డెన్ ఫైర్ ప్లేస్ మొదలైనవన్నీ ఉన్నాయి. అంతేకాదు, దీనిపై ఎలాంటి లోన్లు లేవు. యూకేలో ఇంత విలువైన, విలాసవంతమైన ప్రాపర్టీని కేవలం రూ. 280కి ఎందుకు అమ్మేస్తున్నారనుకుంటున్నారా?</p>

<h3> <span class='webrupee'>₹</span>3.7 Crore villa For  <span class='webrupee'>₹</span>280 only: టికెట్ ధర 280..</h3><p>రూ. 280 పెడితే ఈ విల్లా మీ సొంతమైపోదు. రూ. 280 తో ఆ విల్లా మీ సొంతమయ్యే అవకాశం మాత్రం లభిస్తుంది. అంటే, మీతో పాటు దాదాపు రెండు లక్షల మంది ఈ విల్లా కోసం రూ. 280 చెల్లించి ఎదురు చూస్తుంటారన్న మాట. అర్థమైందా ఇదో రకం లాటరీ అని.</p>

<h3> <span class='webrupee'>₹</span>3.7 Crore villa For  <span class='webrupee'>₹</span>280 only: 1,55,000 టికెట్లు</h3><p>డేనియల్, జేసన్, విల్ అనే ముగ్గురు సోదరులు ఈ ప్రాపర్టీ ఆఫర్ తో వచ్చారు. ఈ ప్రాపర్టీని అమ్మడం కోసం రూ. 280 విలువైన కనీసం 1,55,000 టికెట్లను వారు అమ్ముతారు. అనంతరం, లాటరీ పద్ధతి ద్వారా లక్కీ విన్నర్ ఎవరో తేలుస్తారు. ఒకవేళ, ఆ కనీస మొత్తం(1,55,000) టికెట్లు అమ్ముడుపోకపోతే, విన్నర్ గా తేలిన వ్యక్తికి.. టిక్కెట్లు అమ్మగా వచ్చిన మొత్తంలో 70% ఇస్తారు. బావుంది కదా బిజినెస్.</p>

<h3> <span class='webrupee'>₹</span>3.7 Crore villa For  <span class='webrupee'>₹</span>280 only: ఇదే మొదలు కాదు..</h3><p>ఈ తరహాలో ప్రాపర్టీలను అమ్మేయడం ఆ బ్రదర్స్ కుఇదే మొదలు కాదు. గతంలోనూ పలు ప్రాపర్టీలను ఇలా అమ్మేసి లాభాలు మూటగట్టుకున్నారు. కోవిడ్ టైమ్ లో ఈ ఐడియా వచ్చిందట వీరికి. దాంతో, తమ సొంత ఇంటిని ఇలాగే అమ్మేశారు. ఆ తరువాత, చాలా మంది నుంచి మళ్లీ ఎప్పుడు ఇలాంటి ఆఫర్ తో వస్తారు అని వీరికి చాలా మెయిల్స్, మెసేజెస్ వచ్చాయట. దాంతో ‘Tramway Path’ పేరుతో ఈ బిజినెస్ స్టార్ట్ చేశారు.</p>

<p> <span class='webrupee'>₹</span>3.7 Crore villa For  <span class='webrupee'>₹</span>280 only: బంపర్ ఆఫర్.. కనీవినీ ఎరుగని అవకాశం. జస్ట్ రూ. 280 చెల్లిస్తే చాలు.. దాదాపు 4 కోట్ల రూపాయల విలువైన భవంతికి యజమాని ఐపోవచ్చు.</p>

UK murderer admits abusing 101 dead women; మృతదేహాలపై  లైంగిక దాడి; సైకో వికృతం

<p>UK murderer admits abusing 101 dead women; ఒళ్లు గగుర్పొడిచే దారుణం ఇది. ఇంగ్లండ్ లోని ఒక ఆసుపత్రిలో ఎలక్ట్రీషియన్ గా పనిచేసే ఓ సైకో ఆ ఆసుపత్రిలోని మార్చురీలో ఉన్న మృతదేహాలతో సెక్స్ చేసేవాడినని వెల్లడించాడు. అలా 101 మందిపై లైంగిక దాడి చేశానని ఆ సైకో కోర్టుకు వెల్లడించాడు.</p>

<h3>UK murderer admits abusing 101 dead women; ఇప్పటికే జైళ్లో..</h3><p>ఇద్దరు యువతులను హత్యాచారం చేసిన నేరంతో పాటు, శవాలతో సెక్స్ చేశాడన్న ఆరోపణలపై ఆ నరరూప రాక్షసుడు ఇప్పటికే జైలు శిక్ష అనుభవిస్తున్నాడు. తాజాగా, తన దారుణాలను మరికొన్నింటిని అతడు కోర్టుకు వెల్లడించాడు. </p>

<h3>UK murderer admits abusing 101 dead women; మొత్తం 101 శవాలతో..</h3><p>68 ఏళ్ల డేవిడ్ ఫుల్లర్ ఆగ్నేయ ఇంగ్లండ్ లోని కెంట్ లోని ఒక ఆసుపత్రిలో ఎలక్ట్రీషియన్ గా పని చేసేవాడు. 1987లో కొన్ని నెలల వ్యవధిలో 25 ఏళ్ల వెండీ నెల్, 20 ఏళ్ల కేరొలిన్ పై అత్యాచారం చేసి, హత్య చేశాడు. ఈ నేరాలతో పాటు, మరో దారుణమైన నేరాన్ని కూడా చేశానని అతడు పోలీసుల విచారణలో అంగీకరించాడు. తను పని చేసే ఆసుపత్రిలోని మార్చురిలో ఉన్న 78 మృతదేహాలపై లైంగిక దాడి చేసినట్లు అంగీకరించాడు. ఆనేరాలపై అతడు ప్రస్తుతం యావజ్జీవ శిక్ష అనుభవిస్తున్నాడు.</p>

<h3>UK murderer admits abusing 101 dead women; మరో 23 మందిపై..</h3><p>ఇటీవల కోర్టు విచారణలో మరో వాస్తవాన్ని డేవిడ్ ఫుల్లర్ వెల్లడించాడు. తను మొత్తం 101 శవాలపై లైంగిక దాడి చేశానని కోర్టుకు తెలిపాడు. గతంలో చెప్పిన 78 కాకుండా, మరో 23 మృతదేహాలపై కూడా లైంగికదాడి చేశానని వెల్లడించాడు. ప్రస్తుతం బాధిత కుటుంబాల నుంచి వాంగ్మూలం తీసుకుంటున్నారు. అనంతరం, ఆ సైకోకు శిక్షను ఖరారు చేయనున్నారు. </p>

<p>UK murderer admits abusing 101 dead women; ఇంగ్లండ్ లో డేవిడ్ ఫుల్లర్ అనే ఒక నరరూప రాక్షసుడి హేయమైన, &nbsp;చర్యలు మరికొన్ని వెలుగులోకి వచ్చాయి. మహిళల మృతదేహాలపై లైంగిక చర్య జరిపేవాడినని, అలా 101 మందిపై చేశానని ఆ సైకో కోర్టుకు వెల్లడించాడు.</p>

PM Modi congratulates Rishi Sunak: ‘భారత్, యూకే సంబంధాలకు నేనే ప్రత్యక్ష ఉదాహరణ’

<p>PM Modi congratulates <a target="_blank" href="https://telugu.hindustantimes.com/national-international/as-rishi-sunak-becomes-uk-pm-people-share-nehra-related-posts-here-s-why-121666716809737.html">Rishi Sunak</a>: భారత్, యూకేల మధ్య ఉన్న చారిత్రక సంబంధాలకు ప్రత్యక్ష ఉదాహరణ తనేనని ఈ సందర్భంగా రుషి సునక్ ప్రధాని మోదీతో వ్యాఖ్యానించారు. </p>

<h3>PM Modi congratulates Rishi Sunak: ద్వైపాక్షిక సంబంధాలపై..</h3><p><a target="_blank" href="https://telugu.hindustantimes.com/videos/indian-twitter-celebrates-rishi-sunak-s-appointment-as-uk-pm-121666666476110.html">బ్రిటన్ </a>నూతన ప్రధానిగా బాధ్యతలు చేపట్టిన రుషి సునక్ కు ప్రధాని మోదీ శుభాకాంక్షలు తెలిపారు. వారిద్దరి మధ్య చోటు చేసుకున్న సంభాషణలో ఇరు దేశాల మధ్య ద్వైపాక్షిక సంబంధాలను మరింత బలోపేతం చేసుకోవడం ప్రధానాంశంగా ఉంది. రెండు దేశాల మధ్య సమగ్ర స్వేచ్ఛా వాణిజ్య ఒప్పందాన్ని (free trade agreement -FTA) సాధ్యమైనంత త్వరగా అమలు చేయాలని ఇరువురు నేతలు నిర్ణయించారు. ఈ నవంబర్ లోపే FTA అమలు కావాల్సి ఉన్నా.. బ్రిటన్ లో నెలకొన్న రాజకీయ సంక్షోభం కారణంగా అది వాయిదా పడింది. భారత్, బ్రిటన్ ల మధ్య రక్షణ, ఆర్థిక సంబంధాలను మెరుగుపర్చుకోవాలని అభిప్రాయపడ్డారు. </p>

<h3>PM Modi congratulates Rishi Sunak: ప్రధాని మోదీ ట్వీట్</h3><p>బ్రిటన్ ప్రధాని రుషి సునక్ తో ఫోన్ సంభాషణ అనంతరం ప్రధాని మోదీ ట్వీట్ చేశారు. యూకే నూతన ప్రధానిగా బాధ్యతలు చేపట్టిన రుషి సునక్ ను అభినందించానని తెలిపారు. ఇరుదేశాల మధ్య సహకారం మరింత బలోపేతమయ్యేలా చర్యలు తీసుకోవాలని నిర్ణయించామన్నారు. బ్రిటన్ ప్రధాని రుషి సునక్ కూడా ప్రధాని మోదీకి ధన్యవాదాలు తెలుపుతూ ట్వీట్ చేశారు. కొత్త బాధ్యతలు ప్రారంభమవుతున్న సమయంలో ప్రేమపూరిత అభినందనలు అందాయని ఆయన వ్యాఖ్యానించారు. రెండు దేశాల మధ్య ఎన్నో సారూప్యాలు ఉన్నాయన్నారు. రెండు దేశాల మధ్య నెలకొన్న చారిత్రక సంబంధాలకు తానే ప్రత్యక్ష ఉదాహరణ అని వ్యాఖ్యానించారు.</p>

<p>PM Modi congratulates Rishi Sunak:బ్రిటన్ కు నూతన ప్రధానిగా బాధ్యతలు చేపట్టిన భారత సంతతికి చెందిన రుషి సునాక్ తో ప్రధాని మోదీ గురువారం ఫోన్ లో సంభాషించారు.&nbsp;</p>

IAS Shah Faesal: పాకిస్తాన్‌లో అలా కాదు.. ముస్లిం ఐఏఎస్ అధికారి ట్వీట్ వైరల్

<p>ఐఏఎస్ అధికారి షా ఫైజల్ చేసిన ట్వీట్లు వైరల్ అయ్యాయి. ‘యూకే ప్రధాన మంత్రిగా రిషి సునాక్ ఎన్నిక పాకిస్తాన్‌కు ఆశ్చర్యం కలిగించవచ్చు. అక్కడ మైనారిటీలు ప్రభుత్వంలో అత్యున్నతస్థాయి పదవులను అందుకోలేరు. భారతదేశం ప్రజాస్వామ్యంలో అలాకాదు..’ అని ట్వీట్ చేశారు. <a target="_blank" href="https://telugu.hindustantimes.com/national-international/new-uk-pm-rishi-sunak-s-indian-connection-explained-121666658780978.html">రిషి సునాక్</a> ఎన్నిక అనంతరం ఓవైపు బీజేపీ, ప్రతిపక్ష కాంగ్రెస్ మధ్య ట్విటర్ వార్ నడుస్తున్న సమయంలోనే ఐఏఎస్ అధికారి ట్వీట్ వెలువడింది. కాంగ్రెస్ నేతలు పి.చిదంబరం, శశిథరూర్ బీజేపీ మెజారిటీ వాదాన్ని ప్రశ్నించారు. బీజేపీ పాలనలో కేవలం మెజారిటీ వర్గాలకే అత్యున్నత పదవులు వస్తున్నాయని, మైనారిటీ వర్గాలకు లేవన్న కోణంలో వారు ప్రశ్నించారు. అయితే బీజేపీ నేతలు మన్‌మోహన్ సింగ్, అబ్దుల్ కలామ్, ద్రౌపది ముర్ములను ప్రస్తావించారు.</p>

<blockquote class="twitter-tweet"><p lang="en" dir="ltr">It&#39;s possible only in India that a Muslim youngster from Kashmir can go on to top the Indian Civil Service exam, rise to top echelons of the government, then fall apart with the government and still be rescued and taken back by the same government. Rishi Saunak&#39;s appointment 1/4</p>&mdash; Shah Faesal (@shahfaesal) <a href="https://twitter.com/shahfaesal/status/1584822403640983553?ref_src=twsrc%5Etfw">October 25, 2022</a></blockquote> <script async src="https://platform.twitter.com/widgets.js" charset="utf-8"></script>

<p>పాకిస్తాన్‌ను ఉద్దేశించి ఐఏఎస్ అధికారి షా ఫజల్ మాట్లాడుతూ భారతీయ ముస్లింలు ఇస్లాం దేశాల్లో కూడా ఊహించలేని స్వేచ్ఛను అనుభవిస్తున్నారని వ్యాఖ్యానించారు. తన ప్రయాణాన్ని గుర్తు చేసుకుంటూ భారతదేశాన్ని పొగిడారు. ఇది కేవలం ఒక్క భారత దేశంలోనే సాధ్యమవుతుందని, ఒక ముస్లిం యువకుడు ఇండియన్ సివిల్ సర్వీసెస్ పరీక్షల్లో అగ్రశ్రేణిలో ఉత్తీర్ణుడు కాగలడని పేర్కొన్నారు.</p>

<p>షా ఫజల్ 2010 బ్యాచ్ ఐఏఎస్ అధికారి. జమ్మూకశ్మీర్ క్యాడర్ టాపర్. 2019లో ఆయన తన సర్వీసు నుంచి వైదొలగి సొంత రాజకీయ పార్టీ పెట్టుకున్నారు. 2022లో తిరిగి కేంద్ర పర్యాటక శాఖలో డిప్యూటీ సెక్రటరీగా చేరారు.</p>

<p>‘కశ్మీర్ నుంచి ఒక ముస్లిం యువకుడు ఇండియన్ సివిల్ సర్వీసెస్ ఎగ్జామ్‌లో అగ్రశ్రేణిలో ఉత్తీర్ణుడవడం ఒక భారతదేశంలోనే సాధ్యమవుతుంది. ప్రభుత్వంలో ఉన్నతస్థాయికి ఎదగడం, ప్రభుత్వంతో విభేదించినా.. తిరిగి ప్రభుత్వమే సర్వీసులోకి తీసుకోవడం ఇక్కడే సాధ్యమవుతుంది..’ అని షా ఫజల్ ట్వీట్లు చేశారు.</p>

<p>‘నా జీవిత ప్రయాణమే ఇందుకు ఉదాహరణ. 130 కోట్ల మంది జనాభా ఉన్న ఈ దేశంలో ప్రతి పౌరుడి నుంచి నేను గౌరవం పొందాను. ప్రోత్సాహం పొందాను. సొంతవాడిగా గౌరవించారు. ప్రతి అడుగులో ఆదరణ పొందాను.. భారతదేశం అంటే అదీ..’ అని ఐఏఎస్ అధికారి రాసుకొచ్చారు.</p>

<p>‘మౌలానా ఆజాద్ నుంచి డాక్టర్ మన్మోహన్ సింగ్, డాక్టర్ జాకీర్ హుస్సేన్, రాష్ట్రపతి ద్రౌపది ముర్ము వరకు భారత దేశం ఎప్పుడూ అందరికీ సమాన అవకాశాలు ఇచ్చింది. అత్యున్నత స్థానాలకు మార్గాలను అందరికీ తెరిచి ఉంచింది. నేను దీనిని చెప్పడం తప్పేమీ కాదు. ఎందుకంటే స్వయంగా నేను శిఖరం అంచులకు వెళ్లి నన్ను నేను చూసుకున్నా..’ అని ట్వీట్ చేశారు.</p>

<h2>BJP vs opposition war of words: బీజేపీ వర్సెస్ ప్రతిపక్షాల మాటల యుద్ధం</h2><p>యూకే ప్రధానిగా రిషి సునాక్ ఎన్నికైన తరుణంలో ఇండియా, అలాగే మెజారిటీ విధానాన్ని పాటించే పార్టీలు నేర్చుకోవాల్సిన పాఠం ఉందని కాంగ్రెస్ నేత పి.చిదంబరం వ్యాఖ్యానించారు. ‘యూఎస్, యూకే ప్రజలు నాన్ మెజారిటీ పౌరులను తమ దేశాల్లో అత్యున్నత పదవులకు ఎన్నుకున్నారు.. ’ అని చిదంబరం ట్వీట్ చేశారు.</p>

<p>రిషి సునాక్ ప్రధాన మంత్రిగా ఎన్నికైన తరహాలో ఈ దేశంలో అలాంటి పరిణామం ఎప్పుడైనా జరుగుతుందా? అని శశి థరూర్ ప్రశ్నించారు. అయితే బీజేపీ వీటికి స్పందిస్తూ దేశంలో ముగ్గురు ముస్లింలు, ఒక సిక్కు మతస్తుడు రాష్ట్రపతిగా, ఒక సిక్కు మతస్తుడు 10 ఏళ్లపాటు ప్రధానిగా ఉన్నారని వ్యాఖ్యానించింది.</p>

<p>బీజేపీ నేత షెహజాద్ పూనావాళా కాంగ్రెస్ నేతల వ్యాఖ్యలపై స్పందిస్తూ ‘శశిథరూర్, చిదంబరం డాక్టర్ మన్మోహన్ సింగ్‌ను ఎన్నడూ ప్రధానిగా పరిగణించనట్టుంది. కారణాలేంటో వారికే తెలుసు..’ అని వ్యాఖ్యానించారు.</p>

<p>IAS officer Shah Faesal: ముస్లింలు ఇస్లాం దేశంలో కూడా ఊహించని స్వేచ్ఛను భారత్‌లో అనుభవిస్తున్నారని ఐఏఎస్ అధికారి షా ఫజల్ చేసిన ట్వీట్లు వైరల్ అయ్యాయి.</p>

Britain

జాతీయ మరియు అంతర్జాతీయ వార్తలు : Get all National and international news in Telugu related to Sports, Crime, Entertainment, Social, Politics, etc., only at Hindustan Times Telugu.