HIV Positive : ఆ జైలులో 63 మంది ఖైదీలకు హెచ్​ఐవీ పాజిటివ్​- అసలేం జరుగుతోంది?-uttar pradesh news 63 inmates in lucknow jail test hiv positive in alarming surge ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Hiv Positive : ఆ జైలులో 63 మంది ఖైదీలకు హెచ్​ఐవీ పాజిటివ్​- అసలేం జరుగుతోంది?

HIV Positive : ఆ జైలులో 63 మంది ఖైదీలకు హెచ్​ఐవీ పాజిటివ్​- అసలేం జరుగుతోంది?

Sharath Chitturi HT Telugu
Feb 06, 2024 11:13 AM IST

HIV Positive case in Jail : ఉత్తర్​ ప్రదేశ్​లోని లక్నో జిల్లా జైలులో 63మంది ఖైదీలకు హెచ్​ఐవీ పాజిటివ్​ అని తేలింది. ఈ వార్త ఇప్పుడు కలకలం సృష్టిస్తోంది.

ఆ జైలులో 63 మంది ఖైదీలకు హెచ్​ఐవీ పాజిటివ్​- అసలేం జరుగుతోంది?
ఆ జైలులో 63 మంది ఖైదీలకు హెచ్​ఐవీ పాజిటివ్​- అసలేం జరుగుతోంది?

HIV Positive cases in Lucknow district jail : ఉత్తర్​ప్రదేశ్​ లక్నో జిల్లా జైలులో ఒకేసారి 36మంది ఖైదీలకు హెచ్​ఐవీ ఉన్నట్టు తేలడం ఇప్పుడు కలకలం సృష్టిస్తోంది. అంతేకాకుండా.. ఇదే జైలులో ఇప్పుడు మొత్తం 63మంది ఖైదీలు.. హెచ్​ఐవీ పాజిటివ్​ సోకింది!

ఆ జైలులో అసలేం జరిగింది?

జైళ్లల్లో ఎప్పటికప్పుడు పరీక్షలు నిర్వహిస్తూ ఉంటారు. కాగా.. లక్నో జైలులో గతేడాది సెప్టెంబర్​ నుంచి హెచ్​ఐవీ టెస్ట్​లు జరగలేదు. కిట్​లు అందుబాటులో లేకపోవడంతో.. పరీక్షలు ఆలస్యమయ్యాయని అధికారులు చెప్పారు. చివరికి.. గతేడాది డిసెంబర్​లో పరీక్షలు జరిగాయి. 36మందికి హెచ్​ఐవీ పాజిటివ్​ అని తేలింది. మొత్తం మీద 63మంది హెచ్​ఐవీ బారినపడ్డారు.

Lucknow district jail HIV cases : ఈ ఖైదీల్లో చాలా మందికి డ్రగ్​ అడిక్షన్​ ఉంది. జైలు బయట.. కంటామినేటెడ్​ సిరంజీల కారణంగా హెచ్​ఐవీ వైరస్​ సోకినట్టు అధికారులు అభిప్రాయపడుతున్నారు. జైలులోకి వచ్చిన తర్వాత మాత్రం ఎవరికి వైరస్​ సోకలేదని వెల్లడించారు.

తాజా పరిస్థితులను మెరుగుపరిచేందుకు అధికారులు తక్షణ చర్యలు చేపట్టారు. హెచ్​ఐవీ పాజిటివ్​ సోకిన ఖైదీలను లక్నోలోని ఓ ఆసుపత్రికి తీసుకెళ్లి చికిత్స అందిస్తున్నారు. పరిస్థితులను ఎప్పటికప్పుడు పర్యవేక్షిస్తున్నారు.

Lucknow district jail latest news : ఒకే జైలు నుంచి ఈ స్థాయిలో హెచ్​ఐవీ పాజిటివ్​ కేసులు బయటకి రావడం ఆందోళన కలిగిస్తోంది. కానీ.. ఈ వైరస్​ కారణంగా గత ఐదేళ్లల్లో ఎలాంటి మరణాలు సంభవించలేదని అధికారులు వెల్లడించారు. వైరస్​ బారిన పడిన ఖైదీలు కూడా తమ ఆరోగ్యం పట్ల శ్రద్ధ వహిస్తున్నారని తెలిపారు.

తాజా ఘటనతో లక్నో జిల్లా జైలులో రోగుల ఆరోగ్యం, భద్రతా పరిస్థితులపై ఆందోళనలు వ్యక్తమవుతున్నాయి. వైరస్​ మూలాలను కనుగొని, దానికి పరిష్కారాన్ని వెతికేందుకు అధికారులు చర్యలు తీసుకుంటున్నట్టు తెలుస్తోంది. తద్వారా.. హెచ్​ఐవీ వైరస్​ వ్యాప్తిని అరికట్టవచ్చని భావిస్తున్నారు.

టీ20 వరల్డ్ కప్ 2024

సంబంధిత కథనం