NEET PG 2023: NEET PG 2023 కి అప్లై చేసుకోవడానికి రేపే లాస్ట్ డేట్..

వైద్య విద్యలో పోస్ట్ గ్రాడ్యుయేషన్ కోర్సుల్లో అడ్మిషన్ల కోసం నిర్వహించే నీట్ పీజీ 2023 (NEET PG 2023) కి అప్లై చేసుకోవడానికి గడవు జనవరి 27తో ముగుస్తోంది. జనవరి 27 తో రిజిస్ట్రేషన్ ప్రక్రియ ముగియనున్నట్లు నేషనల్ బోర్డ్ ఆఫ్ ఎగ్జామినేషన్స్ ఇన్ మెడికల్ సైన్సెస్ (National Board of Examinations in Medical Sciences NBEMS) వెల్లడించింది.

correction window: జనవరి 30 నుంచి కరెక్షన్ విండో

ఇప్పటికీ ఈ NEET PG 2023 కి అప్లై చేసుకోని విద్యార్థులు అధికారిక వెబ్ సైట్స్ అయిన natboard.edu.in లేదా nbe.edu.in ల ద్వారా దరఖాస్తు చేసుకోవచ్చు. ఇప్పటికే దరఖాస్తు చేసుకున్న విద్యార్థులు తమ అప్లికేషన్ ఫామ్స్ లో నింపిన వివరాల్లో ఏవైనా మార్పులు చేయాలనుకుంటే ఆయా వెబ్ సైట్స్ లో కరెక్షన్ విండో (correction window) జనవరి 30 నుంచి ఫిబ్రవరి 3 వరకు అందుబాటులో ఉంటుంది. అలాగే అప్ లోడ్ చేసిన ఇమేజెస్ సరిగ్గా లేకపోయినా, తప్పుగా ఉన్నా, వాటిని సరిచేసుకునే అవకాశం కల్పించే ఫైనల్ అండ్ సెలక్టివ్ ఎడిట్ విండో (Final and Selective Edit Window) ఫిబ్రవరి 14 నుంచి ఫిబ్రవరి 17 వరకు అందుబాటులో ఉంటుంది. NEET PG 2023 అడ్మిట్ కార్డ్స్ ఫిబ్రవరి 27 నుంచి సంబంధిత వెబ్ సైట్ నుంచి డౌన్ లోడ్ చేసుకోవచ్చు. అలాగే, NEET PG 2023 పరీక్ష మార్చి 5వ తేదీన జరగనుంది.

How to apply for NEET PG 2023: అప్లై చేయడం ఎలా?

• ముందుగా NBE అధికారిక వెబ్ సైట్ అయిన natboard.edu.in లేదా nbe.edu.in ను ఓపెన్ చేయాలి.
• Examination tab కింద ఉన్న NEET PG 2023 application లింక్ పై క్లిక్ చేయాలి.
• అవసరమైన వివరాలు నింపి, రిజిస్టర్ చేసుకోవాలి.
• ఆ తరువాత లాగిన్ అయి, అప్లికేషన్ ఫామ్ ను ఫిల్ చేయాలి. అవసరమైన అప్లికేషన్ ఫీజును ఆన్ లైన్ లోనే చెల్లించవచ్చు.
• ఆ తరువాత అప్లికేషన్ ఫామ్ ను సబ్మిట్ చేయాలి. అనంతరం ఆ ఫామ్ ను డౌన్ లోడ్ చేసుకుని భద్ర పర్చుకోవాలి.
• భవిష్యత్ అవసరాల కోసం NEET PG 2023 application form ను ప్రింట్ తీసుకుని భద్ర పర్చుకోవాలి.
• జనరల్, ఓబీసీ, ఈడబ్ల్యూఎస్ కేటగిరీ (General, OBC, EWS category)లకు అప్లికేషన్ ఫీజు రూ. 4250, కాగా, ఎస్సీ, ఎస్టీ, పీడబ్ల్యూడీ కేటగిరీల అభ్యర్థుల ఫీజు రూ. 3,250.