Indrani Mukerjea Netflix : ట్విస్ట్​లు.. చీకటి రహస్యాలు.. అసలేంటి ఈ ఇంద్రాణి ముఖర్జీ- షీనా బొరా కేసు?-indrani mukerjea documentary netflix what is sheena bora murder case ,జాతీయ - అంతర్జాతీయ న్యూస్
తెలుగు న్యూస్  /  National International  /  Indrani Mukerjea Documentary Netflix What Is Sheena Bora Murder Case?

Indrani Mukerjea Netflix : ట్విస్ట్​లు.. చీకటి రహస్యాలు.. అసలేంటి ఈ ఇంద్రాణి ముఖర్జీ- షీనా బొరా కేసు?

Sharath Chitturi HT Telugu
Mar 01, 2024 12:09 PM IST

What is Indrani Mukerjea case : నెట్​ఫ్లిక్స్​ డాక్యుమెంటరీతో.. ఇంద్రాణి ముఖర్జీ- షీనా బొరా కేసు మళ్లీ తెరపైకి వచ్చింది. అసలేం జరిగింది? ఏంటి ఈ కేసు? ఇక్కడ చూడండి..

ట్విస్ట్​లు.. చీకటి రహస్యాలు.. అసలేంటి ఈ ఇంద్రాణి ముఖర్జీ- షీనా బొరా కేసు?
ట్విస్ట్​లు.. చీకటి రహస్యాలు.. అసలేంటి ఈ ఇంద్రాణి ముఖర్జీ- షీనా బొరా కేసు? (HT_PRINT)

What is Sheena Bora Murder Case : నెట్​ఫ్లిక్స్​ రూపొందించిన 'ఇంద్రాణి ముఖర్జీ స్టోరీ: ది బరీడ్​ ట్రూత్​' డాక్యుమెంటరీకి లైన్​ క్లియర్​ అయ్యింది. ఈ డాక్యుమెంటరీ రిలీజ్​పై స్టే విధించాలని సీబీఐ వేసిన పిటిషన్​ని బాంబే హైకోర్టు కొట్టివేసింది. ఫలితంగా నెట్​ఫ్లిక్స్​లో డాక్యుమెంటరీ రిలీజ్​ అయ్యింది. ఈ నేపథ్యంలో అసలేంటి ఈ ఇంద్రాణి ముఖర్జీ స్టోరీ? అని అందరిలో ఆసక్తి మొదలైంది. అసలెవరు ఈ ఇంద్రాణి ముఖర్జీ? ఆమెకు- షీనా బొరా హత్య కేసుకు సంబంధం ఏంటి? వంటి వివరాలను ఇక్కడ తెలుసుకుందాము..

ట్రెండింగ్ వార్తలు

అసలేంటి ఈ షీనా బొరా కేసు?

ఇది 2012లో ముంబైలో జరిగిన కథ. 25ఏళ్ల షినా బొరా అనే మహిళ.. ముంబై మెట్రో 1లో ఎగ్జిక్యూటివ్​గా పనిచేస్తున్న సమయం అది. 2012 ఏప్రిల్​ 14న ఆమె అనూహ్యంగా అదృశ్యమైపోయింది. అక్కడి నుంచి ఈ కేసు చాలా మలుపులు తిరిగింది.

షినా బొరా కేసుపై చాలా ఏళ్ల పాటు దర్యాప్తు చేపట్టిన అధికారులు.. ఆమె తల్లి, మీడియా మాజీ ఎగ్జిక్యూటివ్​ ఇంద్రాణి ముఖర్జీని 2015 ఆగస్ట్​లో అరెస్ట్​ చేశారు. ఇంద్రాణి ముఖర్జీ రెండో భర్త పీటర్​ ముఖర్జీ, వారి డ్రైవర్​ శ్యామ్​వర్​ రాయ్​లను కూడా అదే సమయంలో అరెస్ట్​ చేశారు. వారిపై.. కిడ్నాప్​, మర్డర్​, మృతదేహాన్ని అదృశ్యం చేయడం వంటి కేసులు వేశారు.

Indrani Mukerjea case netflix : 2015లో ఈ వ్యవహారం బయటపడింది! శ్యామ్​వర్​ రాయ్​పై అక్రమ ఆయుధాల కేసు పడగా.. పోలీసులు దర్యాప్తు చేయడంతో ఈ కథ వెలుగులోకి వచ్చింది! చివరికి.. పోలీసులకు ఇంద్రాణిపై అనుమానాలు పెరిగాయి. ఆమెపై నిఘా పెట్టిన పోలీసులు.. చివరికి ఆ ముగ్గురిని అరెస్ట్​ చేశారు.

షీనా బొరాను ఎలా చంపారు? అన్న వివరాలను పోలీసులు వెల్లిడించారు. 2012 ఏప్రిల్​లో ఇంద్రాణి ముఖర్జీ, ఆమె మాజీ భర్త సంజీవ్​ ఖన్నా, డ్రైవర్​ శ్యామ్​వర్​ రాయ్​లు.. షీనా బొరాను కారులో గొంతు నులిమి చంపేశారు.

రాయ్​ ప్రకారం.. షీనా బొరా మర్డర్​ని పక్కాగా ప్లాన్​ చేశాము. బాడీని ఎక్కడ పడేయాలి? అన్న విషయంపై ఇంద్రాణి స్వయంగా లొకేషన్​ని సర్వే చేసింది. 2012 ఏప్రిల్​ 24న.. ఖన్నా, షీనాను చంపేశాడు. బాంద్రాలోని ఓ వీధిలో ఈ ఘటన జరిగింది. అక్కడి నుంచి ఆమె మృతదేహాన్ని.. వోర్లిలోని ఇంద్రాణి ఇంటికి తీసుకెళ్లారు. ఓ బ్యాగ్​లో మృతదేహాన్ని కుక్కి, కారులో పెట్టారు. అక్కడి నుంచి గగోడే అనే గ్రామానికి వెళ్లారు ఇంద్రాణి ముఖర్జీ, రాయ్​, సంజీవ్​ ఖన్నా. అక్కడే మృతదేహాన్ని పడేశారు.

Indrani Mukerjea Sheena Bora case : విచారణలో భాగంగా.. ఖన్న, రాయ్​లు నిజం ఒప్పుకున్నారు. కానీ ఇంద్రాణీ ముఖర్జీ మాత్రం తాను ఏ తప్పు చేయలేదని చెబుతూ వచ్చింది. షీనా బొరా ఇంకా బతికే ఉందని, అమెరికాలో ఉంటోందని చెప్పుకొచ్చింది.

2021 నవంబర్​లో ఇంద్రాణి ముఖర్జీ బెయిన్​ పిటిషన్​ని బాంబే హైకోర్టు కొట్టివేసింది. కానీ 2022 మేలో ఆమెకు సుప్రీంకోర్టు బెయిల్​ మంజూరు చేసింది.

హత్య చేయడానికి కారణం ఏంటి?

Sheena Bora alive : దర్యాప్తులో భాగంగా.. ముఖర్జీ కుటుంబంలోని అనేక చీకటి కోణాలు బయటకి వచ్చాయి. పీటర్​ ముఖర్జీ, అతని మొదటి భార్యకు రాహుల్​ అనే కుమారుడు ఉన్నాడు. కాగా.. పీటర్​ ముఖర్జీని ఇంద్రాణి పెళ్లి చేసుకుంది. కానీ.. ఇంద్రాణి కూతురు షీనా.. పీటర్​ ముఖర్జీ కొడుకు రాహుల్​తో లివ్​-ఇన్​ రిలేషన్​లో ఉన్నట్టు తెలుస్తోంది. షీనాకు రాహుల్​.. వరుసకు స్టెప్​ బ్రెదర్​ అవుతాడు. ఈ రిలేషన్​ని పెద్దలు వ్యతిరేకించడంతో పాటు ఆర్థిక వివాదాలే.. షీనా బొరా హత్యకు కారణం అని సీబీఐ తేల్చి చెప్పింది. ఇందులో పీటర్​ ముఖర్జీ పాత్ర కూడా ఉందని పేర్కొంది.

తనని అరెస్ట్​ చేసిన తర్వాత.. పలు సంచలన ఆరోపణలు చేశారు ఇంద్రాణి ముఖర్జీ. షీనా బొరా తన కూతురు కాదని, సోదరి వరుస అవుతుందని అన్నారు. ఈ వ్యవహారం దేశవ్యాప్తంగా ప్రకంపనలు సృష్టించింది.

'స్టే విధించలేము..'

వాస్తవానికి ఇంద్రాణి ముఖర్జీ డాక్యుమెంటరీ ఫిబ్రవరి 23న నెట్​ఫ్లిక్స్​లో రిలీజ్​ అవ్వాల్సి ఉంది. కానీ విడుదలపై స్టే విధించాలని కోర్టుకు వెళ్లింది సీబీఐ. డాక్యుమెంటరీని సీబీఐకి చూపించాలని నెట్​ఫ్లిక్స్​కి కోర్టు చెప్పింది. కాగా.. ఈ వ్యవహారంపై స్టే విధించలేమని సీబీఐ పిటిషన్​ని కోర్టు కొట్టేసింది. ఫిబ్రవరి 29న.. ఈ సిరీస్​ నెట్​ఫ్లిక్స్​లో రిలీజ్​ అయ్యింది.

IPL_Entry_Point

సంబంధిత కథనం