H1B visa: హెచ్1బీ వీసాదారుల జీవిత భాగస్వాములకు షాక్; వారి రెన్యువల్ పై కీలక నిర్ణయం-h1b employees can now renew their work visas in us but their spouses cant ,జాతీయ - అంతర్జాతీయ న్యూస్
తెలుగు న్యూస్  /  National International  /  H1b Employees Can Now Renew Their Work Visas In Us, But Their Spouses Can't

H1B visa: హెచ్1బీ వీసాదారుల జీవిత భాగస్వాములకు షాక్; వారి రెన్యువల్ పై కీలక నిర్ణయం

HT Telugu Desk HT Telugu
Dec 05, 2023 02:04 PM IST

H1B visa domestic renewal: ఉద్యోగ విధుల్లో భాగంగా అమెరికాలో హెచ్ 1 బీ వీసాపై ఉన్నవారు తమ వీసా రెన్యువల్ ను ఇకపై అక్కడే ఉండి చేసుకోవచ్చని యూఎస్ ప్రకటించింది. అయితే, ఆ అవకాశం హెచ్ 1 బీ వీసాదారులకు మాత్రమే ఉంటుందని స్పష్టం చేసింది.

ప్రతీకాత్మక చిత్రం
ప్రతీకాత్మక చిత్రం

H1B visa domestic renewal: వర్క్ వీసాపై అమెరికాలో ఉన్నవారు తమ వీసా రెన్యువల్ ను ఇకపై అక్కడే ఉండి చేసుకునే వీలు కల్పించే పైలట్ ప్రాజెక్టును అమెరికా ఇటీవల ప్రారంభించింది. ఆ ప్రాజెక్టుకు సంబంధించిన నియమ, నిబంధనల్లో ఒక కీలక అంశం ఉంది.

ట్రెండింగ్ వార్తలు

జీవిత భాగస్వామ్యులకు ఆ చాన్స్ లేదు..

అమెరికాలోనే ఉండి తమ వర్క్ వీసాలను రెన్యువల్ చేసుకునే అవకాశాన్ని అక్కడి విదేశీ ఉద్యోగులకు అమెరికా కల్పించింది. అయితే, ఈ అవకాశం వీసాదారులకు మాత్రమే ఉంటుందని, వారి జీవిత భాగస్వామ్యులకు ఆ అవకాశం ఉండదని అధికారులు ప్రకటించారు. అంటే, హెచ్‌1బీ ఉద్యోగులు దేశం విడిచి వెళ్లకుండానే తమ వీసాలను రెన్యువల్ చేసుకోగలిగినప్పటికీ, వారి జీవిత భాగస్వాములు అలా తమ వీసాలను పునరుద్ధరించుకోలేరు. ఈ డొమెస్టిక్ రెన్యువల్ ఫెసిలిటీ వీసా హోల్డర్లకు మాత్రమే ఉంటుంది.

H-1B visa renewal pilot programme: డొమెస్టిక్ వీసా రెన్యువల్ పైలట్ ప్రాజెక్ట్

హెచ్ 1 బీ వీసాదారులు యూఎస్ నుంచే తమ వీసాలను రెన్యువల్ చేసుకునే అవకాశాన్ని కల్పిస్తూ ఒక పైలట్ ప్రాజెక్టును యూఎస్ ప్రారంభించింది. అయితే, ఈ ప్రాజెక్టులో భాగంగా 20 వేల మందికి ఆ అవకాశం కల్పిస్తారు. ఈ సదుపాయం వినియోగించుకోవాలనుకునే ఉద్యోగులు.. రెన్యువల్ చేసుకునే సమయం వచ్చిన తమ వీసాలను యూఎస్ స్టేట్ డిపార్ట్ మెంట్ కు మెయిల్ చేయాల్సి ఉంటుంది. ఆ వీసా ల రెన్యువల్ ప్రాసెస్ ను పూర్తి చేసి, తిరిగి, పాస్ పోర్ట్ తో పాటు నూతన వీసాను వారికి పంపిస్తారు.

IPL_Entry_Point