BSF Constable Recruitment : బీఎస్ఎఫ్ కానిస్టేబుల్ రిక్రూట్‌మెంట్.. అప్లై చేసేందుకు డైరెక్ట్ లింక్ ఇదే!
BSF Constable Recruitment 2024 : బీఎస్ఎఫ్ స్పోర్ట్స్ కోటా కింద 275 జీడీ కానిస్టేబుల్ పోస్టులకు రిక్రూట్‌మెంట్ నిర్వహిస్తోంది. 10వ తరగతి ఉత్తీర్ణులై 18 నుంచి 23 ఏళ్ల మధ్య వయసు ఉన్న అభ్యర్థులు ఆన్‌లైన్‌లో దరఖాస్తు చేసుకోవచ్చు.
సరిహద్దు భద్రతా దళం(బీఎస్ఎఫ్)లో చేరాలనుకునేవారికి గుడ్‌న్యూస్. బీఎస్ఎఫ్ జీడీ కానిస్టేబుల్ పోస్టులకు స్పోర్ట్స్ కోటా ద్వారా రిక్రూట్‌మెంట్‌ను ప్రకటించింది. ఈ రిక్రూట్‌మెంట్ కోసం ఆన్‌లైన్ దరఖాస్తు ప్రక్రియ ప్రారంభమైంది. అప్లై చేయడానికి చివరి తేదీ 30 డిసెంబర్ 2024గా ఉంది.
స్పోర్ట్స్ కోటా రిక్రూట్‌మెంట్‌కు అర్హులైన వారు బీఎస్ఎఫ్ అధికారిక వెబ్‌సైట్ rectt.bsf.gov.inని సందర్శించడం ద్వారా నమోదు చేసుకోవచ్చు. ఏదైనా గుర్తింపు పొందిన బోర్డ్ నుండి 10వ తరగతి ఉత్తీర్ణులై ఉండాలి. ఇది కాకుండా సంబంధిత క్రీడలలో పాల్గొని/ఏదైనా పతకం సాధించినట్లయితే దరఖాస్తు చేసుకోవచ్చు. క్రీడలకు సంబంధించిన వివరణాత్మక సమాచారం కోసం, అభ్యర్థులు తప్పనిసరిగా అధికారిక నోటిఫికేషన్‌ను చెక్ చేయాలి.
అభ్యర్థి కనీస వయస్సు 18 సంవత్సరాల కంటే తక్కువ ఉండకూడదు. గరిష్ట వయస్సు 23 సంవత్సరాల కంటే ఎక్కువ ఉండకూడదు. స్పోర్ట్స్ కోటా నిబంధనల ప్రకారం గరిష్ట వయస్సు సడలింపు ఉంటుంది. కానిస్టేబుల్ కావాలంటే పురుషుల కనిష్ట ఎత్తు 170 సెం.మీ, స్త్రీల ఎత్తు 157 సెం.మీ ఉండాలి. దీనితో పాటు ఛాతీ 80 సెం.మీ, శ్వాస తీసుకున్నప్పుడు 85 సెం.మీ. ఉండాలి. మహిళా అభ్యర్థులకు కనీస ఎత్తు 157 సెం.మీ.గా నిర్ణయించారు.
బీఎస్ఎఫ్ కానిస్టేబుల్ జీడీ రిక్రూట్‌మెంట్ కోసం దరఖాస్తు చేయడానికి వెబ్‌సైట్ హోమ్ పేజీలో అప్లైపై క్లిక్ చేయండి. దీని తర్వాత మీ వివరాలను నమోదు చేయండి. అవసరమైన సమాచారం పూరించడం ద్వారా దరఖాస్తు ప్రక్రియను పూర్తి చేయండి.
ఫారమ్‌ను సమర్పించిన తర్వాత అభ్యర్థి దాని ప్రింట్‌ను తీసుకొని ఉంచుకోవాలి. ఈ పోస్ట్‌కు దరఖాస్తు చేయడానికి ఎటువంటి రుసుము చెల్లించాల్సిన అవసరం లేదు. ఎవరైనా ఉచితంగా దరఖాస్తు చేసుకోవాలి. రిక్రూట్‌మెంట్‌కు సంబంధించిన మరింత సమాచారం కోసం ఒకసారి అధికారిక నోటిఫికేషన్‌ను చదవండి.