Barbie makeover : బార్బీ మేకోవర్లో రాజకీయ నేతల ఫొటోలు.. మోదీ, సోనియా పిక్స్ హైలైట్!
Barbie makeover to politicians : ఏఐ ఆర్టిస్ట్లు అద్భుతాలు సృష్టిస్తున్నారు! ఇలాంటిదే ఒకటి ఈ ‘బార్బీ మేకోవర్’. దేశంలోని రాజకీయ నేతలకు సంబంధించిన బార్బీ మేకోవర్ ఫొటోలు ప్రస్తుతం సోషల్ మీడియాలో వైరల్గా మారాయి.
Barbie makeover to politicians : ఇప్పుడు ప్రపంచమంతటా 'బార్బీ' హడావుడే నడుస్తోంది. ఈ మచ్ అవైటెడ్ హాలీవుడ్ సినిమాపై అందరు ఫోకస్ చేస్తున్నారు. చాలా మంది సెలబ్రిటీలు.. ఇప్పటికే బార్బీ మేకోవర్లో సినిమాను వీక్షించారు. ఈ క్రమంలో ఓ ఏఐ ఆర్టిస్ట్ ఈ మేకోవర్ను సీరియస్గానే తీసుకున్నాడు! ఈ నేపథ్యంలో రాజకీయ నేతలకు బార్బీ మేకోవర్ ఇచ్చాడు. ఇప్పుడు ఆ ఫొటోలు సోషల్ మీడియాలో వైరల్గా మారాయి.
మోదీ, సోనియా, మమత ఫొటోలు హైలైట్..!
'హూ వోర్ వాట్' అనే ఇన్స్టాగ్రామ్ అకౌంట్.. ఈ ఫొటోలను పోస్ట్ చేసింది. 'వీరిలో మీ ఫేవరెట్ ఎవరు? ఇక్కడ బార్బీ ఉంది, బార్బీ ప్రతి చోట ఉంది,' అని క్యాప్షన్ ఇచ్చింది. ఈ ఫొటోల్లో ప్రధానమంత్రి నరేంద్ర మోదీ, కాంగ్రెస్ మాజీ అధ్యక్షురాలు సోనియా గాంధీ, కాంగ్రెస్ సీనియర్ నేత రాహుల్ గాంధీ, ఆర్జేడీ అధినేత లాలూ ప్రసాద్ యాదవ్, దిల్లీ- పశ్చిమ్ బెంగాల్ సీఎంలు అరవింద్ కేజ్రీవాల్, మమతా బెనర్జీలు, బీజేపీ సీనియర్ నేతలు అమిత్ షా, నితిన్ గడ్కరీలు ఉన్నారు. వీరందరికి పింక్ షర్ట్, పింక్ ప్యాంట్, పింక్ బెలూన్లు వంటివి యాడ్ చేశారు ఏఐ ఆర్టిస్ట్లు.
సోషల్ మీడియాలో వైరల్గా మారిన ఫొటోలను ఇక్కడ చూడండి:
Barbie makeover AI artist : ఈ పోస్ట్కు 4వేలకుపైగా లైక్స్ వచ్చాయి. చాలా మంది.. ఏఐ ఆర్టిస్ట్ పనితనాన్ని మెచ్చుకుంటూ కామెంట్లు పెడుతున్నారు. "ఇది చాలా సరదాగా ఉంది", అని ఓ వ్యక్తి రాసుకొచ్చాడు. 'అందరు బీఆర్ఎస్ నేతలుగా ఉన్నారు,' అని మరో వ్యక్తి కామెంట్ చేశాడు.
బార్బీ లుక్‌లో బాలీవుడ్ హీరోయిన్లు..
Barbie makeover : బార్బీ బొమ్మ కు ఫ్యాన్స్ కానీవారు ఎవ‌రూ ఉండ‌రంటే అతిశ‌యోక్తి కాదు. చ‌క్క‌టి రూపంతో ప్రతి ఒక్క‌రిని ఎంత‌గానే ఆక‌ట్టుకుంటుంటాయి బార్బీ బొమ్మ‌లు. బార్బీ చ‌రిత్ర‌తో ఇటీవ‌లే రూపొందిన హాలీవుడ్ మూవీ బార్బీ వ‌ర‌ల్డ్‌వైడ్‌గా చ‌క్క‌టి ఆద‌ర‌ణ‌తో దూసుకుపోతుంది. ఈ నేపథ్యంలో కొందరు ఏఐ ఆర్టిస్ట్లు బాలీవుడ్ హీరోయిన్లకు బార్బీ మేకోవర్ ఇచ్చారు. ఆ ఫొటోలను చూసేందుకు ఇక్కడ క్లిక్ చేయండి.
సంబంధిత కథనం