Oppo A57s। సరసమైన ధరలో వచ్చిన సరికొత్త ఒప్పో స్మార్ట్‌ఫోన్‌, దీని ఫీచర్లు ఇవిగో!

చైనీస్ స్మార్ట్‌ఫోన్‌ మేకర్ ఒప్పో తమ బ్రాండ్ నుంచి సరికొత్త Oppo A57s స్మార్ట్‌ఫోన్‌ను యురోపియన్ మార్కెట్లో ఆవిష్కరించింది. ఈ స్మార్ట్‌ఫోన్‌ త్వరలో భారత మార్కెట్లోనూ విడుదలయ్యే అవకాశం ఉంది. ఇది తమ A-సిరీస్‌ నుంచి కొంతకాలం క్రితం విడుదలైన Oppo A57 అనే స్మార్ట్‌ఫోన్‌కు సక్సెసర్ గా ఉంటుంది. లాంచింగ్ సమయంలో దీని ధర రూ. 13,999/-. అయితే తాజాగా విడుదల చేసిన Oppo A57s ధరను కంపెనీకి ఇప్పటికీ వెల్లడించకపోవటం గమనార్హం. ఒప్పో తమ కొత్త మోడల్ Oppo A57s ఫోన్‌ను క్రొయేషియన్ వెబ్‌సైట్‌లో లిస్టింగ్ చేసింది. అయితే ఇది బడ్జెట్ ఫోన్ కాబట్టి ఈ స్మార్ట్‌ఫోన్‌ కూడా ఇంచుమించు దాని పాత వెర్షన్ ధరకే లభించనుంది. సుమారు రూ. 16 వేలుగా ఉండవచ్చునని భావిస్తున్నారు.

ఏదేమైనా Oppo A57s స్మార్ట్‌ఫోన్‌ ఫీచర్లు, స్పెసిఫికేషన్లు ఇప్పుడు బహిర్గతం అయ్యాయి. ఈ హ్యాండ్‌సెట్లో టియర్‌డ్రాప్ నాచ్‌తో డిస్‌ప్లే, డ్యూయల్ రియర్ కెమెరాలు, ఫాస్ట్ ఛార్జింగ్ సపోర్ట్ వంటివి చెప్పుకోదగ్గ అంశాలుగా ఉన్నాయి.

సరికొత్త Oppo A57sలో మరిన్ని ఫీచర్లు ఏమున్నాయో ఒక లుక్ వేయండి.

Oppo A57s స్మార్ట్‌ఫోన్‌ ఫీచర్స్, స్పెసిఫికేషన్స్

• 60Hz రిఫ్రెష్ రేట్‌ కలిగిన 6.56-అంగుళాల HD+ LCD డిస్‌ప్లే
• 4 GB RAM, 64+ GB స్టోరేజ్ సామర్థ్యం
• మీడియాటెక్ హీలియో G35 ప్రాసెసర్
• వెనకవైపు 50MP+ 2MP డ్యూయల్ కెమెరా, ముందు భాగంలో 8 MP సెల్ఫీ షూటర్‌
• ఆండ్రాయిడ్ 12 ఆపరేటింగ్ సిస్టమ్
• 5000mAh బ్యాటరీ సామర్థ్యం, 33W ఛార్జర్

కనెక్టివిటీ పరంగా డ్యూయల్ సిమ్ సపోర్ట్, 4G VoLTE, బ్లూటూత్ 5.3, 5GHz Wi-Fi , 3.5mm ఆడియో జాక్, స్టీరియో స్పీకర్లు, సైడ్-ఫేసింగ్ ఫింగర్ ప్రింట్ స్కానర్‌ ఉన్నాయి.