OnePlus 9 Pro Price Drop | మరింత దిగజారిన స్మార్ట్‌ఫోన్‌ ధర, ఈసారి ఎంతో తెలుసా?

ఫ్లాగ్‌షిప్ స్మార్ట్‌ఫోన్ల తయారీదారు వన్‌ప్లస్ తమ బ్రాండ్ నుంచి OnePlus 10T స్మార్ట్‌ఫోన్‌ను లాంచ్ చేసిన తర్వాత, మిగతా కొన్ని మోడల్స్ ధరలపై డిస్కౌంట్ ప్రకటిస్తోంది. ఇందులో భాగంగా ప్రీమియం ఫీచర్లు కలిగిన శక్తివంతమైన OnePlus 9 Pro స్మార్ట్‌ఫోన్‌ ధరను మరింత తగ్గించింది. గతంలోనే ఈ స్మార్ట్‌ఫోన్‌ ధరను దాదాపుగా రూ. 6 వేల వరకు తగ్గించింది. తాజాగా మరోసారి మరో రూ. 4200 తగ్గిస్తున్నట్లు కంపెనీ ప్రకటించింది.

OnePlus 9 Pro స్మార్ట్‌ఫోన్‌ రెండు కాన్ఫిగరేషన్లలో అందుబాటులో ఉంటుంది. ఇందులో 8GB+128GB వేరియంట్ పాత ధర రూ. రూ.54,199/- కాగా, ప్రస్తుతం ఇది రూ. 49,999/- కే లభిస్తుంది. అదేవిధంగా 12GB+256GB వేరియంట్ పాత ధర రూ.59,199/- కాగా, ప్రస్తుతం ఇది రూ. 54,199 ధరకు లభ్యమవుతోంది.

ఈ 5G స్మార్ట్‌ఫోన్‌ మార్నింగ్ మిస్ట్, పైన్ గ్రీన్, సెయింట్ అల్లెర్ బ్లాక్ అనే మూడు ఆకర్షణీయమైన కలర్ ఆప్షన్‌లలో లభ్యమవుతోంది. ఇంకా ఈ స్మార్ట్‌ఫోన్‌లో ఇతర ఫీచర్లు, స్పెసిఫికేషన్లు ఎలా ఉన్నాయో మరోసారి పరిశీలించండి.

OnePlus 9 Pro 5G స్మార్ట్‌ఫోన్‌ ఫీచర్లు, స్పెసిఫికేషన్లు

• 120Hz రిఫ్రెష్ రేట్‌ కలిగిన 6.7-అంగుళాల క్వాడ్ HD+ డిస్‌ప్లే డిస్‌ప్లే
• 8GB/12GB RAM, 128GB/256GB స్టోరేజ్ సామర్థ్యం
• ఆక్టా-కోర్ క్వాల్‌కామ్ స్నాప్‌డ్రాగన్ 888 ప్రాసెసర్
• వెనకవైపు 48MP+ 50MP+ 8MP +2MP క్వాడ్ కెమెరా సెటప్‌
• ముందు భాగంలో 16 MP సెల్ఫీ షూటర్‌
• ఆండ్రాయిడ్ ఆక్సిజన్‌ 12 ఆపరేటింగ్ సిస్టమ్
• 4500mAh బ్యాటరీ, 65W వైర్డ్ ఛార్జింగ్, 50W వైర్‌లెస్ ఛార్జింగ్ సపోర్ట్‌

ఈ ఫోన్ వాటర్ రెసిస్టెంట్‌ కోసం IP68 రేటింగ్ కలిగి ఉంది. ఇంకా స్మార్ట్‌ఫోన్‌లో ఇన్-డిస్‌ప్లే ఫింగర్‌ప్రింట్ సెన్సార్, రెండు Dolby Atmos స్టీరియో స్పీకర్‌లు సహా ప్రీమియం ఫోన్లో ఉండేటవంటి ఫీచర్లు అన్నీ ఉన్నాయి.

ఇది మాత్రమే కాదు వన్‌ప్లస్ ఇది మాత్రమే కాదు వన్‌ప్లస్ తమ OnePlus Nord CE 2 Lite 5G స్మార్ట్‌ఫోన్‌ ధరను కూడా తగ్గించింది.