Foods for Woman Health : మహిళలు ఫిట్గా ఉండాలంటే ఇవి తినాల్సిందే
Foods for Woman Health : మగవారితో పోలిస్తే మహిళలు చాలా సున్నితంగా ఉంటారు. వారు ఫిట్గా ఉండాలంటే అనేక పోషకాలు అవసరం ఉంటాయి. అయితే రెగ్యూలర్గా కొన్ని ఆహారాలు తీసుకుంటే.. మహిళలు ఇన్ అండ్ అవుట్ హెల్తీగా, ఫిట్గా ఉంటారు అంటున్నారు నిపుణులు.
Foods for Woman Health : ప్రతి స్త్రీ కుటుంబానికి వెన్నెముక లాంటిది. మహిళలు ఆరోగ్యంగా, ఫిట్గా ఉన్నప్పుడు ఆ కుటుంబం కూడా హెల్తీగా ఉంటుంది. కుటుంబ ఆరోగ్యాన్ని కాపాడుకోవడానికి మహిళలు తమ ఆహారాన్ని నిర్లక్ష్యం చేయకూడదు. మహిళలు సరిగా తినేలా చూసుకోవాల్సిన బాధ్యత మగవారిపై కూడా ఉంది. అయితే కుటుంబం కోసమో.. ఇతరులకోసమో కాకపోయినా.. తమ కోసం అయినా మహిళలు మంచి ఫుడ్ తీసుకోవాలి. తమ శరీరానికి చాలా పోషకాలు అవసరమని గుర్తించాలి. కాబట్టి మహిళలు తమ శరీరాన్ని ఫిట్గా, ఆరోగ్యంగా ఉంచుకోవడానికి.. పోషకాహార నిపుణులు ప్రేక్షా పలు సూచనలు చేశారు. అవేంటో ఇప్పుడు చుద్దాం.
ఐరన్
శరీరానికి ఐరన్ చాలా ముఖ్యమైనది. దీనివల్లే శరీరానికి ఆక్సిజన్ బాగా అందుతుంది. దీనిని పొందాలంటే రోజువారీ ఆహారంలో ఆకుపచ్చని కూరగాయలు, విత్తనాలు, పండ్లు ఉండేలా చూసుకోవాలి. అలాగే ధాన్యాలను రోజువారీ ఆహారంలో చేర్చుకోవాలి.
విటమిన్ B12
స్త్రీలలో మూడ్ స్వింగ్స్ అనేది పెద్ద సమస్య. మహిళలు మంచి మానసిక స్థితికోసం, మెదడు సరిగ్గా పనిచేయడానికి, మనస్సును ప్రశాంతంగా ఉంచడానికి విటమిన్ B12 అవసరం. మాంసం, చీజ్, పాలు, గుడ్లు, బాదం, పుట్టగొడుగులను తమ ఆహార జాబితాలో చేర్చుకోవాలి.
బయోటిన్
ఆరోగ్యకరమైన చర్మం, జుట్టుకోసం, అలాగే జీర్ణక్రియను మెరుగుపరచడానికి బయోటిన్ అవసరం. అలాగే ఈ ఆహారం గుండెను ఆరోగ్యంగా ఉంచడానికి, నాడీ వ్యవస్థను ఆరోగ్యంగా ఉంచడానికి చాలా ఉపయోగకరంగా ఉంటుంది. అరటిపండ్లు, బ్రోకలీ, బాదం, తృణధాన్యాలు, బంగాళదుంపలు, గుడ్లు తినడం చాలా ముఖ్యం.
మెగ్నీషియం
బ్రౌన్ రైస్, డార్క్ చాక్లెట్, బాదం, బచ్చలికూర, అరటిపండ్లు, స్క్వాష్ లేదా గుమ్మడికాయ తినడం వల్ల శరీరంలో మెగ్నీషియం లోపాన్ని పూరించవచ్చు. PMS లేదా మహిళల్లో రుతుక్రమ సమస్యల నుంచి ఉపశమనం పొందడంలో ఇవి చాలా ప్రభావవంతంగా ఉంటాయి.
సంబంధిత కథనం
టాపిక్