Kitchen Hacks : అరటిపండ్లు ఎక్కువరోజులు ఫ్రెష్​గా ఉండాలంటే.. వీటిని ఫాలో అవ్వండి

అరటిపండు చాలా పోషక విలువలు కలిగిన పండు. చాలా మంది వీటిని క్రమం తప్పకుండా స్నాక్స్​లాగా తింటారు. అయితే ఈ అరటిపండును ఎక్కువ కాలం ఇంట్లో ఉంచలేం. ఎందుకంటే అవి త్వరగా నల్లగా మారిపోతాయి కాబట్టి.

కొన్ని నియమాలను పాటించడం ద్వారా అరటిపండు పండే సమయాన్ని పెంచవచ్చు. అంటే ఇంట్లో ఎక్కువ సేపు ఉంచినా అరటి పండు పండదు. మరి ఆచిట్కాలేమిటో చూసేయ్యండి.

కొద్దిగా పచ్చిగా ఉన్న అరటిపండ్లను కొనండి. అంటే పచ్చగా కనిపించిన అరటిపండ్లు కొనండి. అప్పుడు అవి చాలా కాలం పాటు ఉంటాయి.

అరటిపండ్లను వేలాడదీయండి. ఇలా ఉంచితే అవి ఎక్కువ కాలం ఉంటాయి.

అరటిపండు ఎక్కువగా పండడం ప్రారంభిస్తే మీరు దానిని ఫ్రిజ్‌లో కూడా ఉంచవచ్చు. అలాంటప్పుడు, అరటిపండ్లు నల్లబడకుండా చాలా రోజులు ఉంటాయి.

అరటిపండును ఇతర పండ్లతో కలిపి ఉంచితే త్వరగా పండుతుంది. కాబట్టి ఇతర పండ్లతో అరటిపండ్లను ఉంచవద్దు. 

అరటిపండ్లను బ్యాగ్ లేదా కంటైనర్‌లో నిల్వ చేయవద్దు. బదులుగా బహిరంగ ప్రదేశంలో ఉంచండి. గాలి వీస్తుంది. కాబట్టి అరటిపండ్లు చాలా రోజులు తాజాగా ఉంటాయి.

అరటిపండ్లను తాజాగా ఉంచాలనుకుంటే.. దాని కాడలను కవర్​తో కప్పి ఉంచండి. ఇది అత్యంత సులువైన ప్రభావవంతమైన మార్గం. అరటిపండ్ల కాడలను అల్యూమినియం ఫాయిల్ లేదా ప్లాస్టిక్‌తో కప్పి ఉంచితే ఎక్కువ కాలం పండ్లు నిల్వ ఉంటాయి.