Vijay Deverakonda: ఫ్యామిలీ స్టార్ స్టోరీ లీక్ చేసిన విజ‌య్ దేవ‌ర‌కొండ

Vijay Deverakonda: కీడా కోలా ప్రీ రిలీజ్ ఈవెంట్‌లో ఫ్యామిలీ స్టార్ క‌థ‌పై హీరో విజ‌య్ దేవ‌ర‌కొండ ఆస‌క్తిక‌ర కామెంట్స్ చేశారు. త‌రుణ్ భాస్క‌ర్ ద‌ర్శ‌క‌త్వం వ‌హించిన కీడా కోలా మూవీ న‌వంబ‌ర్ 3న రిలీజ్ కానుంది. ఆదివారం జ‌రిగిన ఈ సినిమా ప్రీ రిలీజ్ ఈవెంట్‌కు విజ‌య్ దేవ‌ర‌కొండ ముఖ్య అతిథిగా హాజ‌ర‌య్యాడు.

ఈ వేడుక‌లో ఫ్యామిలీ స్టార్ స్టోరీని విజ‌య్ దేవ‌ర‌కొండ లీక్ చేశాడు. ప్ర‌తి ఫ్యామిలీ లో నుంచి ఓ పిల్లాడు ఆ ఫ్యామిలీ క‌ష్టాల‌ను, డైరెక్ష‌న్‌ను, ఫ్యూచ‌ర్ జ‌న‌రేష‌న్‌ను మార్చేస్తాడు. ఫ్యామిలీ స్టార్ అలాంటి క‌థే అని తెలిపాడు. త‌న రియ‌ల్‌లైఫ్‌కు క‌నెక్ట్ అయ్యింద‌ని తెలిపాడు. నా వ‌ల్ల నా ఫ్యామిలీ లైఫ్ మారింది. త‌రుణ్ కార‌ణంగా వాళ్ల ఫ్యామిలీ లైఫ్ మారిపోయింద‌ని విజ‌య్ తెలిపాడు.

టీజ‌ర్ డైలాగ్‌...

చిన్న‌త‌నం నుంచి తాను భ‌యాల‌తోనే పెరిగాన‌ని, అలాంటి భ‌యాల‌ను బ్రేక్ చేసే ఒక్క‌డు రావాల‌ని విజ‌య్ తెలిపాడు. ఫ్యామిలీ స్టార్ టీజ‌ర్‌లోని ఐరెన్ వంచాలా ఏంటి? అనే డైలాగ్‌ను పూర్తిగా మార్చేసి చెప్పాడు విజ‌య్ దేవ‌ర‌కొండ‌. మ‌ధ్య త‌ర‌గ‌తి వాళ్ల‌మైతే క‌ల‌లు కన‌లేమా ఏంటి? ఈ రోజు డ‌బ్బులు లేక‌పోతే రేపు సంపాదించ‌లేమా ఏంటి? ఎవ‌డు అడ్డొచ్చిన గెల‌వ‌లేమా ఏంటి? అని విజ‌య్ దేవ‌ర‌కొండ అన్నాడు. ఫ్యామిలీ స్టార్ గురించి అత‌డు చేసిన కామెంట్స్ వైర‌ల్ అవుతోన్నాయి.

పాకెట్‌లో రూపాయి లేక‌పోయినా...

త‌న‌ను హీరోగా అభిమానుల‌కు పెళ్లిచూపులు సినిమాతో త‌రుణ్ భాస్క‌ర్ ప‌రిచ‌యం చేశాడ‌ని కీడాకోలా ఈవెంట్‌లో విజ‌య్ దేవ‌ర‌కొండ అన్నాడు. నాగ్ అశ్విన్‌, సందీప్ వంగా, త‌రుణ్ భాస్క‌ర్ ప‌రిచ‌యంతోనే త‌న జీవితం మారిపోయింద‌ని తెలిపాడు. ఎక్క‌డెక్క‌డో నుంచి వ‌చ్చిన త‌మ‌ను సినిమానే క‌లిపింద‌ని విజ‌య్ దేవ‌ర‌కొండ అన్నాడు.

ఇండ‌స్ట్రీలో మా అంద‌రికి ఎలాంటి బ్యాక్‌గ్రౌండ్ లేద‌ని, అయినా ఒక‌రికొక‌రు స‌పోర్ట్‌గా నిలిచి ఒక్కో సినిమా చేసుకుంటూ వ‌చ్చామ‌ని విజ‌య్ దేవ‌ర‌కొండ తెలిపాడు. పాకెట్‌లో రూపాయి లేక‌పోయినా ఈ ప్ర‌పంచం మాదే కాన్ఫిడెన్స్‌తో తిరిగేవాళ్ల‌మ‌ని, ఆ మైండ్‌సెట్ తాము ఎద‌గ‌డానికి ఉప‌యోగ‌ప‌డింద‌ని విజ‌య్ దేవ‌ర‌కొండ అన్నాడు.