Save The Tigers Season 2: సేవ్ ది టైగ‌ర్స్ సీజ‌న్ 2పై ఇంట్రెస్టింగ్ అప్‌డేట్ - స్ట్రీమింగ్ ఎప్ప‌టినుంచంటే?

Save The Tigers Season 2: తెలుగు వెబ్‌సిరీస్ సేవ్ ది టైగ‌ర్స్ సీజ‌న్ 2పై డిస్నీ ప్ల‌స్ హాట్‌స్టార్ ఇంట్రెస్టింగ్ అప్‌డేట్‌ను రివీల్ చేసింది. త్వ‌ర‌లోనే సీజ‌న్ 2 స్ట్రీమింగ్ కాబోతున్న‌ట్లు ప్ర‌క‌టించింది. బుధ‌వారం మేక‌ర్స్ కొత్త పోస్ట‌ర్‌ను రిలీజ్ చేశారు. ఇందులో ప్రియ‌ద‌ర్శి, చైత‌న్య‌కృష్ణ‌తో పాటు అభిన‌వ్ గోమ‌టం జైలులో ఉన్న‌ట్లుగా చూపించారు. సేవ్ ది టైగ‌ర్స్ సీజ‌న్ 2 పోస్ట‌ర్ ఓటీటీ ఆడియెన్స్‌ను ఆక‌ట్టుకుంటోంది. మార్చి ఫ‌స్ట్ వీక్‌లో సేవ్ ది టైగ‌ర్స్ సీజ‌న్ 2 డిస్నీ ప్ల‌స్ హాట్‌స్టార్‌లో రిలీజ‌య్యే అవ‌కాశం ఉన్న‌ట్లు వార్త‌లు వినిపిస్తున్నాయి. త్వ‌ర‌లోనే రిలీజ్ డేట్‌ను అఫీషియ‌ల్‌గా అనౌన్స్ చేయ‌బోతున్న‌ట్లు స‌మాచారం.

క్రియేట‌ర్‌గా మ‌హి వి రాఘ‌వ్‌...

సేవ్ ది టైగ‌ర్స్ వెబ్‌సిరీస్‌లో ప్రియ‌ద‌ర్శి, చైత‌న్య‌కృష్ణ‌, అభిన‌వ్ గోమ‌టంతో పాటుసుజాత‌, దేవ‌యాని, పావ‌ని గంగిరెడ్డి కీల‌క పాత్ర‌లు పోషించారు. ఈ వెబ్‌సిరీస్‌కు మ‌హి వి. రాఘ‌వ్‌, ప్ర‌దీప్ అద్వైతం క్రియేట‌ర్లుగా వ్య‌వ‌హ‌రించారు. తేజా కాకుమాను ద‌ర్శ‌క‌త్వం వ‌హించాడు. ముగ్గురు భార్యాబాధితుల క‌థ‌తో ఔట్ అండ్ ఔట్ ఫ‌న్ ఎంట‌ర్‌టైన‌ర్‌గా ఈ సిరీస్ తెర‌కెక్కింది. ఫ‌స్ట్ సీజ‌న్‌కు ఓటీటీలో సూప‌ర్ రెస్పాన్స్‌ను సొంతం చేసుకున్న‌ది.

ఫ‌స్ట్ సీజ‌న్ క‌థ ఇదే...

భార్య బాధితులైన గంటా ర‌వి, రాహుల్‌, విక్ర‌మ్‌కు అనుకోకుండా మంచి స్నేహితులుగా మార‌తారు. బోరబండ బ‌స్తీలో పాల‌ బిజ‌నెస్ చేస్తుంటాడు గంటా ర‌వి(ప్రియ‌ద‌ర్శి). ఆ బ‌స్తీలో ఉండ‌టం భార్య హైమ‌వ‌తికి (సుజాత‌)) న‌చ్చ‌దు. ఆ విష‌యంలో ఇద్ద‌రు ఎప్పుడూ గొడ‌వ‌ప‌డుతుంటారు. సాఫ్ట్‌వేర్ జాబ్‌కు రిజైన్ చేసి ఇంట్లో ఖాళీగా ఉంటాడు రాహుల్ (అభిన‌వ్ గోమ‌టం).

ఇంటి బాధ్య‌త మొత్తం భార్య మాధురిపై (పావ‌ని గంగిరెడ్డి) ప‌డుతుంది. విక్ర‌మ్ (చైత‌న్య కృష్ణ‌) ఓ యాడ్ ఏజెన్సీలో ప‌నిచేస్తుంటాడు. భార్య రేఖ (దేవ‌యాని) ఫెమినిస్ట్‌. భార్య చేసే డామినేష‌న్ కార‌ణంగా ఇబ్బందులుప‌డుతుంటాడు. ప్రేమించి పెళ్లిచేసుకున్న మాధురిని రాహుల్ ఎందుకు అనుమానించాడు? రేఖ వ‌ల్ల విక్ర‌మ్ ఉద్యోగం ఉడిపోయే ప‌రిస్థితి ఎందుకొచ్చింది? ఈ ముగ్గ‌రు కాపురాల్లో ఎలాంటి క‌ల‌త‌లు వ‌చ్చాయ‌న్న‌ది ఎంట‌ర్‌టైన‌ర్‌గా ఫ‌స్ట్ సీజ‌న్‌లో డైరెక్ట‌ర్ చూపించాడు. గ‌త ఏడాది ఏప్రిల్‌లో సేవ్ ది టైగ‌ర్స్ సీజ‌న్ వ‌న్‌రిలీజైంది.

కిడ్నాప్ కేసులో...

ఓ హీరోయిన్‌ను కిడ్నాప్ చేసిన కేసులో ముగ్గ‌రు అరెస్ట్ కావ‌డంతో ఫ‌స్ట్ సీజ‌న్ ఎండ్ అవుతుంది. అరెస్ట్ త‌ర్వాత ఏం జ‌రిగింది? వారు ముగ్గురు జైలు నుంచి ఎలా బ‌య‌ట‌ప‌డ్డారు అనే క‌థ‌తో సెకండ్ సీజ‌న్ తెర‌కెక్క‌బోతున్న‌ట్లు తెలుస్తోంది. ఈ సీరిస్‌లో హ‌ర్ష‌వ‌ర్ధ‌న్‌, రోహిణి, గంగ‌వ్వ కీల‌క పాత్ర‌లు పోషించారు.

గ‌త ఏడాది బ‌ల‌గం సినిమాతో హీరోగా పెద్ద హిట్‌ను అందుకున్నాడు ప్రియ‌ద‌ర్శి. మంగ‌ళ‌వారం సినిమాలో సీరియ‌స్ రోల్‌లో క‌నిపించాడు. మ‌రోవైపు మ‌స్త్ షేడ్స్ ఉన్నాయ్‌రా మూవీతో అభిన‌వ్ గోమ‌టం హీరోగా ఎంట్రీ ఇస్తోన్నాడు. ఫిబ్ర‌వ‌రి 23న ఈ మూవీ రిలీజ్ కాబోతోంది.మ‌హి వి రాఘ‌వ్ ద‌ర్శ‌క‌త్వం వ‌హించిన యాత్ర 2 మూవీ ఇటీవ‌ల రిలీజైంది. ఏపీ సీఏం వైఎస్ జ‌గ‌న్ బ‌యోపిక్‌గా ఈ మూవీ తెర‌కెక్కింది.