Yuzvendra Chahal wife: టాలీవుడ్‌లోకి హీరోయిన్‌గా ఎంట్రీ ఇస్తోన్న టీమిండియా క్రికెట‌ర్ వైఫ్ - దిల్‌రాజు మూవీలో ఛాన్స్‌!

Yuzvendra Chahal wife: టీమిండియా స్పిన్న‌ర్ యుజ్వేంద్ర చాహ‌ల్ భార్య ధ‌న‌శ్రీ వ‌ర్మ న‌టిగా టాలీవుడ్‌లోకి ఎంట్రీ ఇస్తోన్న‌ట్లు స‌మాచారం. అగ్ర నిర్మాత దిల్‌రాజు ప్రొడ్యూస్ చేస్తోన్న ఆకాశం దాటి వ‌స్తావా సినిమాలో హీరోయిన్‌గా న‌టించ‌బోతున్న‌ట్లు ప్ర‌చారం జ‌రుగుతోంది. ఈ రొమాంటిక్ ల‌వ్ డ్రామా మూవీలో కొరియోగ్రాఫ‌ర్ య‌శ్ హీరోగా న‌టిస్తోన్నాడు. ఈ మూవీతోనే క‌థానాయ‌కుడిగా య‌శ్ ఇండ‌స్ట్రీకి ప‌రిచ‌యం అవుతోన్నాడు. ఈ సినిమాలో మ‌ల‌యాళ బ్యూటీ కార్తీక ముర‌ళీధ‌ర‌న్ హీరోయిన్‌గా న‌టిస్తోంది.

సెకండ్ హీరోయిన్‌...

ఆకాశం దాటి వ‌స్తావా మూవీలో మ‌రో హీరోయిన్‌గా టీమిండియా క్రికెట‌ర్ యుజ్వేంద్ర చాహ‌ల్ భార్య ధ‌న‌శ్రీ వ‌ర్మ న‌టించ‌బోతున్న‌ట్లు ప్ర‌చారం జ‌రుగుతోంది. సెకండ్ లీడ్ హీరోయిన్ కోసం చాలా మంది పేర్ల‌ను ప‌రిశీలించిన సినిమా యూనిట్ చివ‌ర‌కు ధ‌న‌శ్రీ వ‌ర్మ‌ను సెలెక్ట్ చేసిన‌ట్లు తెలిసింది.

డ్యాన్స్‌కు స్కోప్ ఉన్న మూవీ కావ‌డంతో ఆకాశం దాటి వ‌స్తావా మూవీలో న‌టించేందుకు ధ‌న‌శ్రీ కూడా ఒప్పుకోవ‌డ‌మే కాకుండా ఈ సినిమా షూటింగ్‌లో కొన్నాళ్లు పాల్గొన్న‌ట్లు స‌మాచారం. ముంబాయిలో ధ‌న‌శ్రీ వ‌ర్మ‌తో పాటు ప్ర‌ధాన తారాగ‌ణంపై కీల‌క స‌న్నివేశాల‌ను చిత్రీక‌రించిన‌ట్లు స‌మాచారం. త్వ‌ర‌లోనే హైద‌రాబాద్‌లో ప్రారంభం కానున్న కొత్త షెడ్యూల్‌లో ధ‌న‌శ్రీ వ‌ర్మ పాల్గొనున్న‌ట్లు చెబుతోన్నారు.

కొరియోగ్రాఫ‌ర్‌...

స్వ‌త‌హాగా కొరియోగ్రాఫ‌ర్ అయిన ధ‌న‌శ్రీ బాలీవుడ్‌లో ప‌లు సినిమాల‌ను డ్యాన్స్ కంపోజ్ చేసింది. ప్రియాంక చోప్రా, శ్ర‌ద్ధాక‌పూర్‌, అలియా భ‌ట్ వంటి స్టార్ల‌కు ప‌ర్స‌న‌ల్ కొరియోగ్రాఫ‌ర్‌గా ధ‌న‌శ్రీ వ‌ర్మ ప‌నిచేసింది. సొంతంగా ధ‌న‌శ్రీ వ‌ర్మ స్టూడియోస్ పేరుతో ఆమెకు డ్యాన్స్ అకాడెమీ కూడా ఉంది.

న‌టిగా...

కొరియోగ్రాఫ‌ర్‌గానే కాకుండా బాలీవుడ్‌లో కొన్ని సినిమాల్లో కీల‌క పాత్ర‌లు చేసింది ధ‌న‌శ్రీ వ‌ర్మ‌. బాలి ప్యాచ్ చాహియే, అప‌ర్‌శ‌క్తి ఖురానా, ఓయ్ హోయే హోయేతో పాటు మ‌రికొన్ని సినిమాల్లో క‌నిపించింది. లాంగ్ గ్యాప్ త‌ర్వాత తెలుగు మూవీతో మ‌ళ్లీ కెమెరా ముందుకువ‌స్తోంది ధ‌న‌శ్రీ వ‌ర్మ‌.

2020లో పెళ్లి...

డ్యాన్స్ వ‌ల్లే చాహ‌ల్‌, ధ‌న‌శ్రీ వ‌ర్మ ఒక్క‌ట‌య్యారు. లాక్‌డౌన్ టైమ్‌లో డ్యాన్స్ నేర్చుకోవ‌డానికి ధ‌న‌శ్రీ వ‌ర్మ‌ను కాంటాక్ట్ అయ్యాడు చాహ‌ల్‌. ఈ టైమ్‌లోనే ఇద్ద‌రి మ‌ధ్య ఏర్ప‌డిన ప‌రిచ‌యం ప్రేమ‌గా మార‌డంతో 2020లో పెళ్లిపీట‌లెక్కారు.

ఆకాశం దాటి వ‌స్తావా సినిమాకు కార్తీక్ మ్యూజిక్ అందిస్తోన్నాడు. దిల్‌రాజు స‌మ‌ర్ప‌ణ‌లో ఆయ‌న కూతురు హ‌న్షితారెడ్డి, హ‌ర్షిత్ రెడ్డితో క‌లిసి ఈ మూవీని నిర్మిస్తోంది. వ‌చ్చే ఏడాది ఆరంభంలో ఈ మూవీ రిలీజ్ కాబోతోంది.