Bigg Boss 7 Telugu: నీ కన్నా పెద్దగా అరుస్తా: శోభా శెట్టిపై శివాజీ ఆగ్రహం.. పల్లవి ప్రశాంత్‍పై కూడా అసంతృప్తి: వీడియో

Bigg Boss 7 Telugu Day 74 Promo: బిగ్‍బాస్ తెలుగు 7వ సీజన్‍లో కంటెస్టెంట్ల మధ్య పోరు హీట్‍గా సాగుతోంది. టాస్కుల సమయంలో కొందరు కంటెస్టెంట్ల మధ్య వాదనలు తీవ్రమవుతున్నాయి. ఈ క్రమంలోనే శివాజీ, శోభా శెట్టి మధ్య మాటల వార్ జరిగింది. నేటి (నవంబర్ 15) ఎపిసోడ్‍ బాల్ బ్యాలెన్సింగ్ టాస్క్ సందర్భంగా ఇది జరిగింది. ఇందుకు సంబంధించిన ప్రోమో వచ్చింది. శిష్యుడిగా భావించే పల్లవి ప్రశాంత్‍పై కూడా శివాజీ అసహనం వ్యక్తం చేశారు.

ఎలిమినేషన్ నుంచి తప్పించే ఎవిక్షన్ పాస్‍ను డిఫెండ్ చేసుకోవాలంటే ప్రిన్స్ యావర్.. శివాజీ, ప్రియాంక జైన్‍‍తో పోటీ పడాల్సి ఉంటుందని బిగ్‍బాస్ చెప్పారు. దీంతో యావర్, శివాజీ, ప్రియాంకలకు బ్యాలెన్సింగ్ టాస్క్ ఇచ్చారు. విల్లును పైకి లేపి స్టీల్ బాల్స్ కింద పడకుండా బ్యాలెన్స్ చేయాల్సి ఉంటుందని చెప్పారు. ఈ గేమ్‍కు పల్లవి ప్రశాంత్, శోభా శెట్టిని సంచాలక్‍గా నియమించారు బిగ్‍బాస్.

ఈ బాల్ బ్యాలెన్సింగ్ గేమ్‍ను యావర్, శివాజీ, ప్రియాంక ఆడారు. అయితే, పల్లవి ప్రశాంత్, శోభా తరచూ మాట్లాడుతూ.. సూచనలు ఇస్తూ ముగ్గురి ఏకాగ్రతకు భంగం కలిగించారు. దీంతో “నువ్వు మాట్లాడకు.. డిస్ట్రబ్ చేస్తున్నావ్ అందరినీ” అంటూ ప్రశాంత్‍కు శివాజీ చెప్పారు. ముందుగా ప్రియాంక విల్లుపై ఉన్న బాల్స్ పడిపోయాయి.

అయితే, విల్లుపై ఉన్న బంతులపై చేయి ఎక్కువ సేపు పెట్టకుండా బ్యాలెన్స్ చేయాలని శివాజీకి శోభా సూచించారు. దీంతో శివాజీ ఏకాగ్రత మళ్లీ దెబ్బతినింది. దీంతో కోపంగా బాల్స్‌ను కిందేసికొట్టారు. “డిస్ట్రబెన్స్‌గా ఉందిరా నీది. సైలెంట్‍గా ఉండొచ్చు కదా.. లాస్ట్ లో చెప్పు.. రాంగ్ అయితే రాంగ్” అని పల్లవి ప్రశాంత్‍పై శివాజీ అసంతృప్తి వ్యక్తం చేశారు. అలాగే, శోభకు కూడా పరోక్షంగా పంచ్ వేశారు. తమను చూడొద్దని గేమ్ ఆడాలని ప్రశాంత్ అన్నారు.

విల్లుపై బాల్స్‌ను శివాజీ ఎక్కువ సేపు చేతులతో పట్టుకున్నారని, అందుకే ఆయన ఔట్ చేస్తున్నానని సంచాలక్‍గా ఉన్న శోభా శెట్టి అన్నారు. దీంతో శివాజీకి ఆగ్రహం వచ్చింది. “మీరు నా దగ్గర ఇలా చేయొద్దు” అంటూ శోభ అరిచారు. దీంతో శివాజీ ఫైర్ అయ్యారు. “నీ కన్నా పెద్దగా అరుస్తా. ఎందుకు అరుస్తున్నావ్. అరవలేనా నేను” అంటూ శోభకు వేలు చూపిస్తూ ఆమె వైపు దూసుకెళ్లారు శివాజీ. ప్రోమో ఇలా హీట్‍గా సాగింది. ఈ టాస్క్ మొత్తం నేటి ఎపిసోడ్‍లో రానుంది. ప్రోమో ఇక్కడ చూడండి.