Horror Comedy OTT: 750 కోట్ల బ్లాక్‌బ‌స్ట‌ర్ హార‌ర్ కామెడీ మూవీ ఓటీటీలోకి వ‌చ్చేస్తోంది - స్ట్రీమింగ్ డేట్ ఇదే!

Horror Comedy OTT: ఈ ఏడాది బాలీవుడ్‌లో ఎలాంటి అంచ‌నాలు లేకుండా విడుద‌లై బాక్సాఫీస్ వ‌ద్ద కాసుల వ‌ర్షం కురిపించింది స్త్రీ 2 మూవీ. వంద కోట్ల బ‌డ్జెట్‌తో రూపొందిన ఈ మూవీ ఏకంగా 750 కోట్ల క‌లెక్ష‌న్స్ సాధించి రికార్డుల‌ను తిర‌గ‌రాసింది. 2024లో హ‌య్యెస్ట్ క‌లెక్ష‌న్స్ రాబ‌ట్టిన హిందీ సినిమాల్లో టాప్ ప్లేస్‌లో నిలిచింది. థియేట‌ర్ల‌లో విడుద‌లై నాలుగు వారాలు దాటినా ఇప్ప‌టికి హౌజ్‌ఫుల్ క‌లెక్ష‌న్స్‌తో స్త్రీ 2 దూసుకుపోతుంది.

హార‌ర్ కామెడీ మూవీ...

హార‌ర్ కామెడీ క‌థ‌తో తెర‌కెక్కిన స్త్రీ 2 మూవీలో రాజ్‌కుమార్‌రావ్‌, శ్ర‌ద్ధాక‌పూర్ హీరోహీరోయిన్లుగా న‌టించారు. పంక‌జ్ త్రిపాఠి, అభిషేక్ బెన‌ర్జీ, అప‌ర్‌శ‌క్తి ఖురానా కీల‌క పాత్ర‌ల్లో న‌టించారు. స్త్రీ 2 సినిమాకు అమ‌ర్ కౌశిక్‌ ద‌ర్శ‌క‌త్వం వ‌హించాడు.

అమెజాన్ ప్రైమ్ ఓటీటీలో...

కాగా ఈ బ్లాక్‌బ‌స్ట‌ర్ బాలీవుడ్ మూవీ ఓటీటీలోకి రాబోతోంది. సెప్టెంబ‌ర్ 27 నుంచి అమెజాన్ ప్రైమ్ వీడియో ఓటీటీలో ఈ హార‌ర్ కామెడీ మూవీ స్ట్రీమింగ్ కానున్న‌ట్లు స‌మాచారం. స్త్రీ 2 ఓటీటీ రిలీజ్ డేట్‌పై త్వ‌ర‌లోనే ఆఫీషియ‌ల్ అనౌన్స్‌మెంట్ రానున్న‌ట్లు తెలిసింది. స్త్రీ 2 మూవీ ఓటీటీలో హిందీతో పాటు తెలుగు, త‌మిళం, మ‌ల‌యాళం, క‌న్న‌డ భాష‌ల్లో రిలీజ్ అవుతోన్న‌ట్లు వార్త‌లు వినిపిస్తున్నాయి.

స్టార్టింగ్ నుంచి ఎండింగ్ వ‌ర‌కు కామెడీ...

స్త్రీ 2 మూవీతో స్టార్టింగ్ నుంచి ఎండింగ్ వ‌ర‌కు న‌వ్విస్తూనే భ‌య‌పెట్టాడు ద‌ర్శ‌కుడు అమ‌ర్ కౌశిక్‌. చందేరీ ఊరిలో మోడ్ర‌న్ అమ్మాయిలు ఒక్కొక్క‌రుగా మిస్స‌వుతుంటారు. వారికి స‌ర్‌ఖ‌టా అనే ద‌య్యం మాయం చేస్తుంద‌ని విక్కీ(రాజ్ కుమార్ రావ్‌), బిట్టు, రుద్ర (పంక‌జ్ త్రిపాఠి) క‌నిపెడ‌తారు. స‌ర్‌ఖ‌టా బారి నుంచి ఊరి ప్ర‌జ‌ల‌ను కాపాడ‌టానికి స్త్రీ సాయం కోరుతాడు విక్కీ. ఊరి నుంచి వెళ్లిపోయిన స్త్రీ మ‌ళ్లీ వ‌చ్చిందా? విక్కీ అండ్ గ్యాంగ్‌కు సాయం చేసిందా? స్త్రీ కూతురికి విక్కీ ప్రియురాలికి (శ్ర‌ద్ధా క‌పూర్‌) ఉన్న సంబంధం ఏమిటి అన్న‌దే స్త్రీ 2 మూవీ క‌థ‌.

ట్విస్ట్‌లు హైలైట్‌...

స్త్రీ 2 మూవీలో రాజ్‌కుమార్ రావ్‌, శ్ర‌ద్ధాక‌పూర్ యాక్టింగ్‌తోపాటు ద‌ర్శ‌కుడు రాసుకున్న ట్విస్ట్‌ల‌కు మంచి పేరొచ్చింది. సౌండ్‌, విజువ‌ల్స్‌తోనే డైరెక్ట‌ర్ ఆడియెన్స్‌ను భ‌య‌పెట్టాడు. నెక్స్ట్ ఏం జ‌రుగుతుందోన‌నే క్యూరియాసిటీని చివ‌రి వ‌ర‌కు క‌లిగించాడు.

బాక్సాఫీస్ రికార్డులు...

స్త్రీ 2 మూవీ బాక్సాఫీస్ ప‌రంగా బాలీవుడ్‌లో ప‌లు రికార్డుల‌ను నెల‌కొల్పింది. 750 కోట్ల తో ఈ ఏడాది హిందీలో క‌లెక్ష‌న్స్ ప‌రంగా నంబ‌ర్ వ‌న్ ప్లేస్‌లో నిలిచింది. హృతిక్ రోష‌న్ ఫైట‌ర్ మూవీని దాటేసింది. బాలీవుడ్ సినీ చ‌రిత్ర‌లో హ‌య్యెస్ట్ క‌లెక్ష‌న్స్ రాబ‌ట్టిన ఎనిమిదో సినిమాగా స్త్రీ రికార్డ్ క్రియేట్ చేసింది. ఇండియా వైడ్‌గా అత్య‌ధిక వ‌సూళ్ల‌ను ద‌క్కించుకున్న 12వ సినిమాగా నిలిచింది. స్త్రీ 2 మూవీ వెయ్యి కోట్ల మార్కును ట‌చ్ చేస్తుంద‌ని ట్రేడ్ వ‌ర్గాలు అంచ‌నా వేస్తోన్నాయి.

2018లో రిలీజైన స్త్రీ మూవీకి సీక్వెల్‌గా స్త్రీ 2 తెర‌కెక్కింది. స్త్రీ మూవీలో రాజ్‌కుమార్‌రావ్‌, శ్ర‌ద్ధాక‌పూర్ నాయ‌కానాయిక‌లుగా న‌టించారు. ఇర‌వై కోట్ల బ‌డ్జెట్‌తో తెర‌కెక్కిన ఈ మూవీ 120 కోట్ల క‌లెక్ష‌న్స్ రాబ‌ట్టి అప్ప‌ట్లో సంచ‌ల‌నం సృష్టించింది. హార‌ర్ కామెడీ సినిమాల్లో ట్రెండ్ సెట్ట‌ర్‌గా నిలిచింది.