Satyam Rajesh on Ma Oori Polimera 2: ఆ సీన్ కోసం నగ్నంగా నటించాను: సత్యం రాజేష్

Satyam Rajesh on Ma Oori Polimera 2: మా ఊరి పొలిమేర 2 మూవీ శుక్రవారం (నవంబర్ 3) రిలీజ్ కానున్న నేపథ్యంలో ఈ సినిమాలో కీలకపాత్ర పోషించిన సత్యం రాజేష్ మాట్లాడాడు. ఈ సినిమాలో తాను ఓ సీన్ లో నగ్నంగా నటించినట్లు అతడు చెప్పడం విశేషం. పొలిమేర 1 కంటే కూడా ఎక్కువ బడ్జెట్, మరింత ఆసక్తికమైన స్టోరీతో పొలిమేర 2 రానున్నట్లు అతడు తెలిపాడు.

మా ఊరి పొలిమేర 2 మూవీ ట్రైలర్ ఈ మధ్యే రిలీజై భయపెట్టింది. ఈ సినిమా ద్వారా ప్రేక్షకులకు మంచి థ్రిల్ లభిస్తుందని సత్యం రాజేష్ చెప్పాడు. ఇందులో తన పాత్ర కోసం తాను ఏ సినిమాలూ చూడలేదని, సీక్వెల్లో తన పాత్ర మరింత ఆసక్తికరంగా ఉంటుందని తెలిపాడు. ఇందులో ఒక సీన్ లో తాను నగ్నంగా నటించానని, ఆ సీన్ కు అది అవసరం అని తాను భావించినట్లు చెప్పాడు.

ఫ్యామిలీ ప్రేక్షకులకు ఇబ్బందే..

తన 20 ఏళ్ల కెరీర్లో పొలిమేర 2 మూవీ చాలా ప్రత్యేకమైనదని, ఈ సినిమా మంచి సక్సెస్ సాధిస్తుందన్న విశ్వాసం వ్యక్తం చేశాడు. పొలిమేర 1 కంటే పొలిమేర 2 బడ్జెట్ చాలా ఎక్కువని కూడా సత్యం రాజేష్ చెప్పాడు. ఇక పొలిమేర 2 మూవీ.. ఫ్యామిలీ ప్రేక్షకులకు ఇబ్బందే అని కూడా తెలిపాడు. ఇందులోని హింసాత్మక, భయపెట్టే సీన్లు ఫ్యామిలీ ఆడియెన్స్ చూడలేరని అన్నాడు.

అయితే పొలిమేర 1తో పోలిస్తే.. ఇందులో మరీ అంత ఎక్కువగా అడల్ట్ కంటెంట్ లేదని స్పష్టం చేశాడు. పొలిమేర 3 కూడా రావడం ఖాయమని, ఈ మూవీ పొలిమేర 1కి ప్రీక్వెల్ అని చెప్పాడు. దీనిపై త్వరలోనే మరిన్ని వివరాలు వెల్లడిస్తామన్నాడు. మా ఊరి పొలిమేర 2 మూవీ శుక్రవారం (నవంబర్ 3) రిలీజ్ కానుంది.