Tiger 3 OTT: ఓటీటీలోకి టైగర్ 3.. ఆ పండుగకు రిలీజ్.. ఎందులో స్ట్రీమింగ్ అంటే?

Tiger 3 Movie OTT Streaming: బాలీవుడ్ భాయిజాన్ సల్మాన్ ఖాన్ ప్రతి సినిమా ప్రేక్షకులకు ప్రత్యేకంగా ఉంటుంది. గత కొన్ని రోజులుగా 'టైగర్ 3' సినిమా కోసం అందరూ ఆసక్తిగా ఎదురుచూస్తున్నారు. ఇప్పుడు దీపావళి సందర్భంగా ఈ సినిమా ప్రేక్షకుల ముందుకు వచ్చింది. నవంబర్ 12న విడుదలైన 'టైగర్ 3' మూవీ ఇప్పుడు OTT ప్లాట్‌ఫామ్‌లో విడుదల కానుందని సమాచారం.

సల్మాన్ ప్రతి సినిమాకి అభిమానుల్లో మంచి క్రేజ్ ఉంటుంది. 'టైగర్ 3' మూవీ రెండు రోజుల్లో బాక్సాఫీస్ వద్ద రూ.100 కోట్లు వసూలు చేసింది. టైగర్ 3 సినిమా షోలు చాలా థియేటర్లలో హౌస్ ఫుల్ అయ్యాయి. కానీ, గత రెండు రోజులుగా మాత్రం టైగర్ 3 కలెక్షన్స్ జోరు తగ్గినట్లు సమాచారం. అందుకు కారణం వరల్డ్ కప్ 2023 అని తెలుస్తోంది.

ఇదిలా ఉంటే, ఇప్పుడు ఈ టైగర్ 3 OTTలో విడుదలవుతుందని తెలియగానే అభిమానులు షాక్‌కు గురికావడంతో పాటు సంతోషిస్తున్నారు. విడుదలైన నాలుగు రోజులకే టైగర్ 3 ఓటీటీ రిలీజ్ గురించి టాక్ రావడంతో షాక్‌కు గురి అయితే.. త్వరగా ఓటీటీలో సినిమా చూసేయొచ్చు అని సంబరపడిపోతున్నారు.

ఇక టైగర్ 3 మూవీని ప్రముఖ ఓటీటీ అమెజాన్ ప్రైమ్‌లో విడుదల చేయాలని మేకర్స్ భావిస్తున్నారు. అందుకు భారీ మొత్తంలో అమెజాన్ ప్రైమ్‌తో డీల్ కుదుర్చుకున్నట్లు సమాచారం. ఇక థియేట్రికల్ రన్ తర్వాత ఓటీటీలో టైగర్ 3 సినిమాను స్ట్రీమింగ్ చేయనున్నారు. అంటే, నెల రోజుల తర్వాత డిసెంబర్ మూడో వారంలో లేదా క్రిస్మస్ సందర్భంగా టైగర్ 3 చిత్రాన్ని ఓటీటీలో విడుదల చేయనున్నట్లు తెలుస్తోంది.

కాగా టైగర్ 3 సినిమాలో బాలీవుడ్ కింగ్ షారుక్ ఖాన్ ఎంట్రీ అందరిని అలరించిందని రివ్యూలు చెబుతున్నాయి. అలాగే క్లైమాక్స్ ఎండింగ్‌లో కబీర్ ఖాన్‌గా హృతిక్ రోషన్ ఎంట్రీ ఇచ్చినట్లు తెలుస్తోంది. ఇందులో సల్మాన్‌కు జోడీగా కత్రీనా కైఫ్ నటించగా విలన్‌గా సీరియల్ కిస్సర్ ఇమ్రాన్ హష్మీ చేశాడు. ప్రముఖ నిర్మాణ సంస్థ యష్ రాజ్ ఫిలిమ్స్ బ్యానర్‌పై ఆదిత్య చోప్రా నిర్మించిన టైగర్ 3కి మనీష్ శర్మ దర్శకత్వం వహించారు.