Prabhas Rajasaab: ప్రభాస్, మారుతి మూవీ టైటిల్, ఫస్ట్ లుక్ రిలీజ్.. లుంగీలో రెబల్ స్టార్ అదుర్స్

Prabhas Rajasaab: రెబల్ స్టార్ ప్రభాస్, మారుతి కాంబినేషన్ లో వస్తున్న మూవీకి రాజాసాబ్ అనే టైటిల్ పెట్టారు. సంక్రాంతి పండుగనాడు ప్రభాస్ ఫ్యాన్స్ సంతోషాన్ని రెట్టింపు చేస్తూ.. టైటిల్, ఫస్ట్ లుక్ తో మేకర్స్ సర్‌ప్రైజ్ చేశారు. ఈ విషయాన్ని సోషల్ మీడియా ద్వారా మేకర్స్ వెల్లడించారు. ఇందులో ప్రభాస్ లుంగీ లుక్ లో డిఫరెంట్ గా కనిపించాడు.

బాహుబలి తర్వాత అన్నీ కాస్త సీరియస్, పాన్ ఇండియా పాత్రలు వేస్తున్న ప్రభాస్ ను తొలిసారి ఇప్పుడిలాంటి డిఫరెంట్ లుక్ లో చూడటం ఫ్యాన్స్ ను ఆనందానికి, ఆశ్చర్యానికి గురి చేస్తోంది. ఈ మధ్య వచ్చిన సలార్ మూవీలోనూ రెబల్ స్టార్ లాంటి క్యారెక్టర్ లోనే అతడు కనిపించాడు. సంక్రాంతి శుభాకాంక్షలు చెబుతూ.. మేకర్స్ ఈ సినిమా టైటిల్, పోస్టర్ ను ప్రేక్షకుల ముందుకు తీసుకొచ్చారు.

ప్రభాస్ రాజాసాబ్

"మూవీ టైటిల్ రాజాసాబ్.. మూవీ టీమ్ నుంచి మీకు సంక్రాంతి శుభాకాంక్షలు. త్వరలోనే రెబల్ ఎంటర్‌టైన్మెంట్ ప్రపంచవ్యాప్తంగా పేలిపోనుంది" అనే క్యాప్షన్ తో ఈ ఫస్ట్ లుక్ రిలీజ్ చేశారు. ఈ మూవీని మారుతి డైరెక్ట్ చేస్తున్నాడు. తన మార్క్ కామెడీ సినిమాలతో అలరించే మారుతి.. ఈ రాజాసాబ్ లో ప్రభాస్ ను ఎలా చూపించబోతున్నాడో ఫస్ట్ లుక్ పోస్టర్ తోనే అర్థమవుతోంది.

మూవీ టైటిల్, ఫస్ట్ లుక్ పోస్టర్ లో ప్రభాస్ లుక్, మారుతి మూవీ మేకింగ్ స్టైల్.. ఇవన్నీ చూస్తుంటే ఈ సినిమా ఔట్ అండ్ ఔట్ కామెడీ ఎంటర్‌టైనర్ పక్కా అని తెలుస్తోంది. ఆ లెక్కన చాలా రోజుల తర్వాత రెబల్ స్టార్ ప్రభాస్ మరోసారి మన డార్లింగ్ గా కనిపించబోతున్నాడు.

“నేను చేసుకునే బెస్ట్ సంక్రాంతి ఇదే కావచ్చు. ఇప్పుడిది అఫీషియల్. రాజాసాబ్ ను మీ ముందుకు తీసుకొస్తున్నాను. మీ అందరి ఆశీస్సులు కావాలి. చాలా డేస్ నుంచి ఎప్పుడు ఎప్పుడు అని వెయిటింగ్. చివరికి ఈరోజు జరిగింది. డార్లింగ్ ను ఎలా చూడాలని అనుకున్నారో అలా చూడబోతున్నారు, ప్రామిస్”అనే క్యాప్షన్ తో ఈ పోస్టర్ పోస్ట్ చేశాడు డైరెక్టర్ మారుతి.

ఈ సినిమాకు తమన్ మ్యూజిక్ అందిస్తుండగా.. విశ్వప్రసాద్ నిర్మిస్తున్నాడు. సంక్రాంతి సందర్భంగా ప్రభాస్, మారుతి మూవీ టైటిల్ రివీల్ చేయనున్నట్లుగా చాలా రోజుల ముందే వెల్లడించారు. చెప్పినట్లే సంక్రాంతి పండుగ నాడు ఉదయాన్నే అదిరిపోయే అప్డేట్ తో వచ్చారు. ఈ సినిమాను చాలా రోజుల పాటు రాజా డీలక్స్ గా పిలిచిన విషయం తెలిసిందే.

ప్రభాస్ ఫ్యాన్స్ కు వరుస సర్‌ప్రైజ్ లు వస్తూనే ఉన్నాయి. సలార్ సక్సెస్ ను ఎంజాయ్ చేస్తున్న వాళ్లకు.. ఈ మధ్యే అతని నెక్ట్స్ మూవీ కల్కి 2898 ఏడీ మూవీ రిలీజ్ డేట్ కూడా సర్‌ప్రైజ్ చేసింది. ఈ సినిమాను మే 9వ తేదీన రిలీజ్ చేయనున్నట్లు మేకర్స్ వెల్లడించిన విషయం తెలిసిందే. గతేడాది ఆదిపురుష్, సలార్ తో వచ్చిన ప్రభాస్.. ఈ ఏడాది కల్కి 2898 ఏడీ, రాజాసాబ్ లతో అలరించనున్నాడు.