OTT Malayalam Releases: ఓటీటీల్లోకి డిసెంబర్‌లో రాబోతున్న టాప్ మలయాళం మూవీస్ ఇవే.. థ్రిల్లర్, సైకలాజికల్ థ్రిల్లర్‌లలో..

OTT Malayalam Releases: ఈ ఏడాది మలయాళం సినిమా లెవెల్ మరో రేంజ్ కు చేరింది. ఎన్నో బ్లాక్ బస్టర్ మూవీస్ ఆ ఇండస్ట్రీ నుంచి వచ్చాయి. ఇక ఈ ఏడాది చివరి నెల వచ్చేస్తోంది. మరి డిసెంబర్ లో ఓటీటీల్లోకి రాబోతున్న మోస్ట్ అవేటెడ్ మలయాళం సినిమాలేంటో ఒకసారి చూద్దాం. ఈ మూవీస్ నెట్‌ఫ్లిక్స్, ప్రైమ్ వీడియో, హాట్‌స్టార్, సోనీలివ్ లాంటి ఓటీటీల్లో అడుగుపెట్టబోతున్నాయి.

డిసెంబర్‌లో ఓటీటీల్లోకి వచ్చే మలయాళం మూవీస్

డిసెంబర్ లో ఓటీటీల్లోకి థ్రిల్లర్, యాక్షన్ థ్రిల్లర్, కామెడీ జానర్లలో బౌగేన్‌విల్లా, పాణి, ఐ యామ్ కాథలన్ లాంటి మూవీస్ రాబోతున్నాయి. వీటిని ఏయే ఓటీటీల్లో చూడాలో తెలుసుకోండి.

బౌగేన్‌విల్లా - హాట్‌స్టార్

మలయాళం స్టార్ హీరోలు ఫహాద్ ఫాజిల్, కుంచకో బొబన్ లాంటి వాళ్లు నటించిన మూవీ బౌగేన్‌విల్లా. ఈ సినిమా అక్టోబర్ 17నే థియేటర్లలో రిలీజైంది బాక్సాఫీస్ దగ్గర హిట్ టాక్ సొంతం చేసుకున్న ఈ సైకలాజికల్ క్రైమ్ థ్రిల్లర్ మూవీ డిసెంబర్ లో ఓటీటీలోకి అడుగుపెట్టనుంది. డిస్నీ ప్లస్ హాట్‌స్టార్ లో మూవీ స్ట్రీమింగ్ కాబోతోంది.

పాణి - థ్రిల్లర్ మూవీ

జోజు జార్జ్ లీడ్ రోల్లో నటించిన మూవీ పాణి. ఈ సినిమాను అతడే డైరెక్ట్ చేశాడు. అక్టోబర్ 24న థియేటర్లలో రిలీజైన ఈ సినిమా కూడా డిసెంబర్లో ఓటీటీలోకి అడుగుపెట్టే అవకాశం ఉంది. అయితే మేకర్స్ ఇప్పటి వరకూ ఈ మూవీ ఓటీటీ ప్లాట్‌ఫామ్, రిలీజ్ తేదీపై ఎలాంటి అధికారిక ప్రకటన చేయలేదు.

ఐ యామ్ కాథలన్ - రొమాంటిక్ కామెడీ

ప్రేమలు మూవీ ఫేమ్ నస్లేన్ కే గఫూర్ నటించిన మూవీ ఐ యామ్ కాథలన్. ఈ సినిమా ఈ నెలలోనే థియేటర్లలో రిలీజైంది. డిసెంబర్లో ఓటీటీలోకి అడుగుపెట్టనుంది. అయితే ఐ యామ్ కాథలన్ మూవీ ఓటీటీ ప్లాట్‌ఫామ్, రిలీజ్ డేట్ పై త్వరలోనే అధికారిక ప్రకటన రానుంది.

ఫుటేజ్ - థ్రిల్లర్ మూవీ

ఈ ఏడాది ఆగస్ట్ లో రిలీజైన మలయాళం థ్రిల్లర్ మూవీ ఫుటేజ్. సైజు శ్రీధరన్ డైరెక్ట్ చేసిన ఈ సినిమాలో గాయత్రి అశోక్, మంజు వారియర్, విశాక్ నాయర్ లాంటి వాళ్లు నటించారు. ఈ సినిమా కూడా డిసెంబర్లో ఓటీటీలోకి వచ్చే అవకాశం ఉన్నా.. ఓటీటీ ప్లాట్‌ఫామ్, రిలీజ్ డేట్ పై త్వరలోనే అధికారిక ప్రకటన వచ్చే అవకాశం ఉంది.

మురా - రివేంజ్ డ్రామా

మరో మలయాళం రివేంజ్ డ్రామా మురా. ఈ సినిమా కూడా నవంబర్ లోనే ప్రేక్షకుల ముందుకు వచ్చింది. వచ్చే నెలలో ఓటీటీలోకి అడుగుపెట్టబోతోది. డిస్నీ ప్లస్ హాట్‌స్టార్ ఓటీటీలో ఈ సినిమా స్ట్రీమింగ్ కానుంది. స్ట్రీమింగ్ తేదీపై అధికారిక ప్రకటన త్వరలోనే రానుంది.

ఆనంద్ శ్రీబాలా - మిస్టరీ థ్రిల్లర్ మూవీ

ఆనంద్ శ్రీబాలా నవంబర్ 15న థియేటర్లలో రిలీజైన మలయాళం మిస్టరీ థ్రిల్లర్ మూవీ. అపర్ణ దాస్, అర్జున్ అశోకన్, సంగీతాలాంటి వాళ్లు నటించిన ఈ సినిమా డిసెంబర్లో ఓటీటీలోకి రానుంది. ఐఎండీబీలో 8.8 రేటింగ్ ఉన్న ఈ మూవీ ఓటీటీ ప్లాట్‌ఫామ్ పై కూడా అధికారిక ప్రకటన రాలేదు.