Palmistry for Govt Job: ప్రభుత్వ ఉద్యోగం కోసం ప్రయత్నిస్తున్నారా- అయితే మీ చేతిలో ఈ రేఖ ఉందా చూసుకొండి

హస్త సాముద్రికం ప్రకారం అరచేతిలోని ఒక్కో భాగం మనకు రాసి పెట్టి ఉన్న యోగాలను సూచిస్తుంది. అందులో ప్రభుత్వ ఉద్యోగం గురించి తెలియజేసేది సూర్య పర్వత భాగం. ఈ భాగం ఆధారంగా ఆ వ్యక్తి జీవితంలో శుభ అశుభ ఫలితాలను అంచనా వేస్తారు. అసలు ఈ భాగం ఎక్కడ ఉంటుందా అని చెక్ చేసుకుంటున్నారా.. హస్త సాముద్రికం ప్రకారం అరచేతిలోని ఉంగరం వేలి కింద ఉండే భాగాన్ని సూర్య పర్వతం అని పిలుస్తారు. సూర్య పర్వతానికి చాలా ప్రాముఖ్యత ఉంటుంది. ఈ పర్వతం బలంగా ఉంటే అతని గౌరవం జీవితాంతం పెరుగుతూనే ఉంటుంది.

రిస్క్ లేకుండా రెగ్యూలర్ ఇన్‌కమ్ వచ్చే ఆప్షన్స్‌లో ఒకటి ప్రభుత్వ ఉద్యోగం. ఈ గీత మన చేతిలో ఉందో లేదో ఇలా తెలుసుకోవచ్చని జైపూర్‌లోని పాల్ బాలాజీ ఆస్ట్రాలజీ ఇనిస్టిట్యూట్ డైరక్టర్, జ్యోతిష్యుడు అయిన డాక్టర్ అనీశ్ వ్యాస్ అంటున్నారు.

ప్రభుత్వ ఉద్యోగ రేఖ

అరచేతిలో సూర్యుని రెండు రేఖలు బృహస్పతి పర్వతంపై శిలువ గుర్తులో ఉంటే ఆ వ్యక్తికి ప్రభుత్వ ఉద్యోగం వచ్చే అవకాశం ఉన్నట్లే. ప్రభుత్వ ఉద్యోగ రేఖ అనేది విధి రేఖతో కలిసి ఉంటుంది. గురు పర్వతం, శని పర్వతం మధ్యగా ఆ విధి రేఖ వెళుతూ ఉంటే ఆ వ్యక్తి అదృష్టవంతుడు. ప్రభుత్వ ఉద్యోగ యోగం ఉన్నట్లు పరిగణిస్తారు. ప్రభుత్వ ఉద్యోగంలోనూ ఉన్నత స్థాయి పదవిలో ఉంటాడు. ఈ గీత స్పష్టంగా, ఎక్కడా తెగిపోకుండా వెళ్తూ ఉంటేనే ప్రభుత్వ ఉద్యోగం వస్తుందని చెబుతున్నారు. ఒకవేళ ఈ రేఖ స్పష్టంగా ఉండి నిటారుగా లేకపోతే ఉద్యోగంలో సమస్యలు లేదా బదిలీలు ఎక్కువగా ఉంటాయట. దీంతో పాటు మరికొన్ని గుర్తుల ద్వారా కూడా ప్రభుత్వ ఉద్యోగ యోగాన్ని అంచనా వేయొచ్చు.

అరచేతిపై గురు పర్వతం గుర్తు..

హస్త సాముద్రికం ప్రకారం అరచేతిలోని గురు పర్వతంలో ఏదైనా గుర్తు ఉన్న వ్యక్తి కూడా ప్రభుత్వ ఉద్యోగం చేస్తాడు. దీంతోపాటు చేతిరేఖలపై త్రిభుజం లాంటి త్రికోణ చిహ్నం ఉంటే లేదా విధి రేఖను తాకే ఏదైనా రేఖ ఉంటే అటువంటి వారికి కూడా ప్రభుత్వ ఉద్యోగాలు వచ్చే అవకాశం ఉంది. చేతుల్లో గీతలు స్పష్టంగా లేకపోవడం, గీతలు తెగిపోయిన వారు ప్రభుత్వ ఉద్యోగం పొందడంలో నానా తంటాలు పడుతుంటారు. కానీ, డబ్బు కొరత లేకుండా కాలం గడిపేస్తుంటారు.

బుధ పర్వతం సూచించే చిహ్నం..

బుధ పర్వతంలో ఉండే గుర్తు కూడా ప్రభుత్వ ఉద్యోగ రేఖ చాలా తక్కువ మందిలో కనిపిస్తుంది. అరుదుగా కనిపించే ఈ రేఖతో పాటు ఎక్కువ రేఖలు ఉండటం అదృష్టాన్ని సూచిస్తుంది. ఈ రేఖలు ఉన్నవారు పనిలో ఎక్కువగా కష్టపడి పని చేస్తుంటారు. వారికి ప్రభుత్వ ఉద్యోగంతో పాటు సొంత వ్యాపారం కూడా కలిసి వస్తుంది.

గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.