OTT Action Thriller: పది నెలల తర్వాత ఓటీటీలోకి తెలుగులోనూ వచ్చిన సూపర్ హిట్ హాలీవుడ్ యాక్షన్ థ్రిల్లర్ మూవీ
OTT Action Thriller: ఓటీటీలోకి ఓ యాక్షన్ థ్రిల్లర్ హాలీవుడ్ మూవీ తెలుగులోనూ అందుబాటులోకి వచ్చింది. థియేటర్లలో రిలీజైన సుమారు పది నెలల తర్వాత ఇంగ్లిష్, హిందీ, తెలుగు, తమిళం భాషల్లో ఈ మూవీ ఓటీటీలో స్ట్రీమింగ్ అవుతోంది.
OTT Action Thriller: హాలీవుడ్ యాక్షన్ థ్రిల్లర్ మూవీస్ ని అభిమానించే ప్రేక్షకులకు ఓ గుడ్ న్యూస్. తాజాగా ఆ జానర్ మూవీ ఒకటి ఓటీటీలోకి వచ్చింది. గతేడాది డిసెంబర్ 8న రిలీజైన ఈ మూవీ.. ఇప్పుడు అమెజాన్ ప్రైమ్ వీడియోలో ఇంగ్లిష్ తోపాటు తెలుగులోనూ అందుబాటులోకి రావడం విశేషం. ఈ సినిమా పేరు ఫాస్ట్ ఛార్లీ.
ఫాస్ట్ ఛార్లీ ఓటీటీ స్ట్రీమింగ్
అమెరికన్ యాక్షన్ థ్రిల్లర్ మూవీ ఫాస్ట్ ఛార్లీ గురువారం (సెప్టెంబర్ 26) నుంచి ఓటీటీలో స్ట్రీమింగ్ కు వచ్చింది. ఈ సినిమా ఇంగ్లిష్ తోపాటు తెలుగు, హిందీ, తమిళం భాషల్లో ఒకేసారి డిజిటల్ ప్రీమియర్ అయింది. ఫిలిప్ నోయ్స్ డైరెక్ట్ చేసిన ఈ మూవీలో పియర్స్ బ్రోస్నన్ లీడ్ రోల్లో కనిపించాడు.
మొరెనా బాకారిన్, జేమ్స్ కాన్ లాంటి వాళ్లు నటించారు. 2001లో వచ్చిన గన్ మాంకీస్ అనే నవల ఆధారంగా ఈ ఫాస్ట్ ఛార్లీ మూవీని తెరకెక్కించారు. గతేడాది డిసెంబర్ 8న రిలీజైన ఈ సినిమాకు పాజిటివ్ రివ్యూలు వచ్చాయి. యాక్షన్ థ్రిల్లర్ జానర్ సినిమాలు ఇష్టపడే వాళ్లు ఈ ఫాస్ట్ ఛార్లీ మూవీని బాగా ఎంజాయ్ చేస్తారు.
చైనీస్ మూవీ కూడా తెలుగులో..
ఇక ప్రైమ్ వీడియోలోకే గురువారం (సెప్టెంబర్ 26) ఓ చైనీస్ మూవీ కూడా తెలుగులో అందుబాటులోకి వచ్చింది. ఈ సినిమా పేరు క్లౌడీ మౌంటేన్స్. మాండరిన్ తోపాటు తెలుగు, ఇంగ్లిష్, హిందీ, తమిళం భాషల్లో ఈ మూవీ స్ట్రీమింగ్ అవుతోంది.
ప్రకృతి విపత్తుల కారణంగా ప్రమాదంలో చిక్కుకున్న ఓ చిన్న ఊరు, అక్కడ కొత్తగా నిర్మించిన టన్నెల్ ను కాపాడటానికి తండ్రీకొడుకులు కలిసి చేసే ప్రయత్నమే ఈ సినిమా. 2021లో రిలీజైన ఈ మూవీ మూడేళ్ల తర్వాత ఇప్పుడు ఇండియాలోనూ వివిధ భాషల్లో అందుబాటులోకి వచ్చింది.
తెలుగులో మరో మూడు సినిమాలు..
గురువారం (సెప్టెంబర్ 26) తెలుగులోనూ మరో మూడు సినిమాలు కూడా రావడం విశేషం. నెట్‌ఫ్లిక్స్, ఆహా వీడియో, ఈటీవీ విన్ ఓటీటీల్లో ఈ మూవీస్ ఉన్నాయి. వీటిలో ఒకటి నాని నటించిన బ్లాక్ బస్టర్ మూవీ సరిపోదా శనివారం. గత నెల 29న థియేటర్లలో రిలీజై రూ.100 కోట్లకుపైనే వసూలు చేసిన ఈ సినిమా.. గురువారం నుంచి నెట్‌ఫ్లిక్స్ లో స్ట్రీమింగ్ అవుతోంది.
ఇక ఈటీవీ విన్ ఓటీటీలో ఓ చిన్న సినిమా ఆర్టీఐ స్ట్రీమింగ్ కు వచ్చింది. సమాచార హక్కు చట్టం విశిష్టతను చాటుతూ సాగే ఓ లీగల్ థ్రిల్లర్ మూవీ ఇది. మరోవైపు ఆహా వీడియోలో మలయాళ మర్డర్ మిస్టరీ థ్రిల్లర్ మూవీ చాప్రా మర్డర్ కేస్ తెలుగులో స్ట్రీమింగ్ అవుతోంది.