Hi Nanna OTT Platform: హాయ్ నాన్న ఓటీటీ ప్లాట్‌ఫామ్ ఇదే - నాని మూవీ ఓటీటీలోకి వ‌చ్చేది అప్పుడేనా?

Hi Nanna OTT Platform: నాని, మృణాల్ ఠాకూర్ హీరోహీరోయిన్లుగా న‌టించిన హాయ్ నాన్న మూవీ శుక్ర‌వారం ప్రేక్ష‌కుల ముందుకొచ్చింది. తండ్రీకూతుళ్ల అనుబంధానికి బ్యూటీఫుల్ ల‌వ్ స్టోరీని జోడించి తెర‌కెక్కిన ఈ సినిమాకు శౌర్యువ్ ద‌ర్శ‌క‌త్వం వ‌హించాడు. కాగా ఈ సినిమా ఓటీటీ ప్లాట్‌ఫామ్ ఫిక్స‌యింది.

హాయ్ నాన్న స్ట్రీమింగ్ హ‌క్కుల‌ను నెట్‌ఫ్లిక్స్ ద‌క్కించుకున్న‌ది. తెలుగుతో పాటు మిగిలిన ద‌క్షిణాది భాష‌ల‌కు క‌లిపి 37 కోట్ల‌కు ఈ సినిమా డిజిట‌ల్ రైట్స్‌ను నెట్‌ఫ్లిక్స్ కొనుగోలు చేసిన‌ట్లు స‌మాచారం.

హాయ్ నాన్న మూవీ రిప‌బ్లిక్ డే కానుక‌గా జ‌న‌వ‌రి చివ‌రి వారంలో నెట్‌ఫ్లిక్స్‌లో రిలీజ‌య్యే అవ‌కాశం ఉన్న‌ట్లు స‌మాచారం. హాయ్ నాన్న సినిమాలో శౌర్యువ్ ద‌ర్శ‌కుడిగా టాలీవుడ్‌లోకి ఎంట్రీ ఇచ్చాడు. శృతిహాస‌న్ , బేబీ కియారా కీల‌క పాత్ర‌ల్లో న‌టించారు. ద‌స‌రా హిట్ త‌ర్వాత నాని, సీతారామం స‌క్సెస్ త‌ర్వాత మృణాల్ ఠాకూర్ న‌టించిన సినిమా ఇది.

డిఫ‌రెంట్ ల‌వ్‌స్టోరీతో తెర‌కెక్కిన హాయ్ నాన్న సినిమాలో నాని, మృణాల్ ఠాకూర్ త‌మ కెమిస్ట్రీతో అభిమానుల‌ను ఆక‌ట్టుకున్నారు. ఈ సినిమాలో నాని విరాజ్ అనే ఫ్యాష‌న్ ఫొటోగ్రాఫ‌ర్‌గా క‌నిపించ‌గా...వ‌ర్ష‌, య‌శ్న అనే డ్యూయ‌ల్ షేడ్ క్యారెక్ట‌ర్‌లో మృణాల్ న‌టించింది.