Hi Nanna Teaser: నాని, మృణాల్ ఠాకూర్ ముద్దు సీన్లు.. ఎమోషనల్‌గా హాయ్ నాన్న టీజర్
Nani Hi Nanna Movie Teaser: దసరా మూవీ తర్వాత నేచురల్ స్టార్ నాని హీరోగా చేస్తున్న సినిమా హాయ్ నాన్న. సినిమాపై మొదటి నుంచి మంచి అంచనాలు నెలకొనగా తాజాగా హాయ్ నాన్న టీజర్‌ను విడుదల చేశారు మేకర్స్.
నేచురల్ స్టార్ నాని, సీతారామం బ్యూటి మృణాల్ ఠాకూర్ జంటగా నటిస్తున్న చిత్రం 'హాయ్ నాన్నా'. వైరా ఎంటర్‌టైన్‌మెంట్స్‌పై మోహన్ చెరుకూరి (సీవీఎం), డాక్టర్ విజయేందర్ రెడ్డి తీగల నిర్మాతలుగా నిర్మిస్తున్న హాయ్ నాన్న సినిమాతో శౌర్యువ్ దర్శకుడిగా పరిచయం అవుతున్నారు. పాన్ ఇండియాగా వస్తున్న ఈ సినిమాలో నానికి కూతురిగా బేబీ కియారా ఖన్నా నటించింది. మొదటి నుంచే సినిమాపై అంచనాలు పెరగ్గా.. పోస్టర్స్ సాంగ్స్ ఆకట్టుకున్నాయి.
ఇప్పుడు తాజాగా హాయ్ నాన్న టీజర్‌ను విడుదల చేశారు మేకర్స్. టీజర్‌లో డైనింగ్ టేబుల్‌ వద్ద కూతురితో నాని భోజనం చేస్తుంటాడు. "ప్లేట్‌లో ముగ్గులు వేస్తుందంటే.. ఏదో అయ్యే ఉంటది.. ఏమైంది మా మహి కుట్టికి" అని నాని అడుగుతాడు. "మా క్లాసులో వరుణ్ అనే ఒక అబ్బాయి ఉన్నాడు" అని చెప్పి వెళ్లిపోతుంది నాని కూతురు. దీంతో "అబ్బాయిల గురించి మాట్లాడే వయసా?' అని నాని అనడం ఆకట్టుకునేలా ఉంది.
"ఇతనే మా నాన్న. నా బెస్ట్ ఫ్రెండ్. నాపై ఎప్పుడూ కోప్పడడు.. అని అనుకున్నా" అంటూ నాని కూతురు చెప్పే డైలాగ్‌ బాగుంది. టీజర్ ద్వారా సినిమాలో తండ్రీ కూతుళ్ల మధ్య అనుబంధంతోపాటు ప్రేమ కథ, కుటుంబ విలువలు ఉన్నట్లు చూపించారు. మృణాల్ ఠాకూర్, నాని సీన్స్ బాగున్నాయి. పెళ్లి పెట్టుకుని నానితో ప్రేమలో పడిన అమ్మాయిగా మృణాల్ కనిపించింది. నాని, మృణాల్ ఇద్దరూ ముద్దు సీన్లతో ఆకట్టుకున్నారు. లవ్, లైఫ్, ఫ్యామిలీ ఎమోషన్స్ అన్ని కలగలపి ఫీల్ గుడ్ ఎంటర్టైనర్ అని తెలుస్తోంది.
కాగా హాయ్ నాన్న సినిమాను డిసెంబర్ 21న విడుదల చేసేందుకు ప్లాన్ చేశారు. అయితే, సలార్ చిత్రం డిసెంబర్ 22న రిలీజ్ కానుండటంతో హాయ్ నాన్న వాయిదా పడే అవకాశం ఉందని సమాచారం వచ్చింది. కానీ, తాజాగా టీజర్ ద్వారా హాయ్ నాన్న రిలీజ్‌పై క్లారిటీ ఇచ్చారు. హాయ్ నాన్న సినిమాను డిసెంబర్ 7న తెలుగుతోపాటు హిందీ, తమిళం, కన్నడ, మలయాళ భాషల్లో విడుదల చేయనున్నట్లు తెలిపారు. ఇక హాయ్ నాన్న సినిమాకు ఖుషి ఫేమ్ హేషమ్ అబ్దుల్ వాహాబ్ సంగీతం అందించారు.
