Naga Chaitanya: ఆమిర్‌ఖాన్‌ లాల్‌ సింగ్‌ చడ్డాలో నాగచైతన్య లుక్‌ చూశారా?

బాలీవుడ్‌ మిస్టర్‌ పర్ఫెక్షనిస్ట్‌ ఆమిర్‌ ఖాన్‌ నటించిన లాల్‌ సింగ్ చడ్డా ఈ ఏడాది మోస్ట్ అవేటెడ్‌ మూవీ. ఈ సినిమా కోసం పాన్‌ ఇండియా లెవల్లో ఫ్యాన్స్‌ అంతా ఆసక్తిగా ఎదురు చూస్తున్నారు. హాలీవుడ్‌ మూవీ ఫారెస్ట్‌ గంప్‌కి రీమేక్‌ అయిన ఈ సినిమాలో ఆమిర్‌ను ఓ కొత్త క్యారెక్టర్‌లో చూడబోతున్నారు. ఈ మూవీ ఆగస్ట్‌ 11న రిలీజ్‌ కానుండగా.. ఇప్పటికే మేకర్స్‌ ప్రమోషనల్‌ ఈవెంట్స్‌ మొదలుపెట్టారు.

ఈ సినిమాను తెలుగులో మెగాస్టార్‌ చిరంజీవి సమర్పిస్తున్నాడు. దీంతో ఇటు తెలుగు రాష్ట్రాల్లోనూ ఈ సినిమాపై అంచనాలు భారీగా ఉన్నాయి. ఈ మధ్యే చిరంజీవి కోసం ఆమిర్‌ఖాన్‌ ఈ లాల్‌ సింగ్ చడ్డా స్పెషల్‌ స్క్రీనింగ్‌ కూడా ఏర్పాటు చేశాడు. దీనికి సంబంధించిన ఫొటోలు వైరల్‌ అయ్యాయి. ఈ సినిమాలో టాలీవుడ్‌ హీరో నాగ చైతన్య స్పెషల్‌ పాత్రలో కనిపించనున్న విషయం తెలిసిందే.

బుధవారం (జులై 20) ఈ మూవీ మేకర్స్‌ నాగ చైతన్య పోస్టర్‌ను రిలీజ్‌ చేశారు. ఈ సినిమాలో అతడు బాలరాజు క్యారెక్టర్‌లో కనిపించనున్నాడు. మూవీలో హీరోకు అతడు క్లోజ్‌ ఫ్రెండ్‌. ఆ లెక్కన ఇందులో చైతూది కీలకపాత్రే. ఈ పోస్టర్‌ ద్వారా లాల్‌ సింగ్‌ చడ్డా మూవీని ఆగస్ట్‌ 11నే రిలీజ్‌ చేయనున్నట్లు మేకర్స్‌ మరోసారి కన్ఫర్మ్‌ చేశారు.

తెలుగులో నాగ చైతన్య లుక్ పోస్టర్ ను చిరంజీవి రిలీజ్ చేశాడు. ఈ సందర్భంగా అతడో ఫన్నీ క్యాప్షన్ ఉంచాడు. లాల్ సింగ్ చడ్డా చెడ్డీ బడ్డీ బాలరాజును మీకు పరిచయం చేస్తున్నాను. అలనాటి బాలరాజు మనవడు మన అక్కినేని నాగచైతన్యే ఈ బాలరాజు అని చిరంజీవి అన్నాడు.