Mangalavaaram Box Office Collections: లాభాల్లోకి మంగళవారం.. లేటెస్ట్ బాక్సాఫీస్ కలెక్షన్లు ఎంతంటే?

Mangalavaaram Box Office Collections: పాయల్ రాజ్‌పుత్ నటించిన మంగళవారం మూవీ బాక్సాఫీస్ దగ్గర దూసుకెళ్తోంది. ఆర్ఎక్స్ 100 ఫేమ్ అజయ్ భూపతి డైరెక్ట్ చేసిన ఈ సినిమా.. ఇప్పటి వరకూ రూ.14 కోట్ల గ్రాస్ వసూళ్లు సాధించడం విశేషం. ఈ కలెక్షన్లతో మేకర్స్ సేఫ్ జోన్ లోకి వచ్చేయగా.. ఇక నుంచి వచ్చే కలెక్షన్లీ లాభాలే అనుకోవచ్చు.

ఈ సినిమాకు తొలి రోజే మిశ్రమ స్పందన వచ్చింది. మంచి ఓపెనింగ్స్ కూడా లభించాయి. అయితే మూడో రోజు అయిన ఆదివారం వరల్డ్ కప్ ఫైనల్ కారణంగా మంగళవారం కలెక్షన్లపై ప్రభావం పడింది. ఆ రోజు కేవలం రూ.కోటి మాత్రమే వసూలు చేసింది. లేదంటే ఈపాటికి ఈ మూవీ కలెక్షన్లు మరింత భారీగా ఉండేవనడంలో సందేహం లేదు.

సినిమా ఊహించినదాని కంటే పెద్ద సక్సెస్ కావడంతో మంగళవారమే (నవంబర్ 21) మంగళవారం టీమ్ సక్సెస్ పార్టీ కూడా చేసుకుంది. ఈ సందర్భంగా మూవీలో ప్రత్యేక పాత్ర పోషించిన ప్రియదర్శిని క్యారెక్టర్ ను కూడా పరిచయం చేశారు. ఓ ఊరు.. ఆ ఊళ్లో ప్రతి మంగళవారం జరిగే అనూహ్య సంఘటనల చుట్టూ సినిమా తిరుగుతుంది.

ఇందులోనూ పాయల్ ఓ బోల్డ్ పాత్రలో నటించింది. అజయ్ భూపతి డైరెక్షన్ లోనే వచ్చిన ఆర్ఎక్స్ 100 సినిమాలో పాయల్ ఎలా రెచ్చిపోయింది నటించిందో మనం చూశాం. తాజాగా మంగళవారం కూడా హిట్ కావడంతో ఈ ఇద్దరి కాంబినేషన్ మరో లెవల్ కు వెళ్లింది. ఈ సినిమాకు కాంతారా ఫేమ్ అజనీష్ లోకనాథ్ మ్యూజిక్ అందించాడు. మంగళవారం ఓటీటీ హక్కులను ఆహా సొంతం చేసుకోగా.. డిసెంబర్ రెండో వారం నుంచి స్ట్రీమింగ్ అయ్యే అవకాశాలు ఉన్నాయి.