Polimera 3: పొలిమేర 3 కూడా వస్తోంది.. స్టార్ హీరోతో మూడో పార్ట్.. డైరెక్టర్ అనిల్ కామెంట్స్-maa oori polimera 2 director anil vishwanath about maa oori polimera 3 ,ఎంటర్‌టైన్‌మెంట్ న్యూస్
తెలుగు న్యూస్  /  Entertainment  /  Maa Oori Polimera 2 Director Anil Vishwanath About Maa Oori Polimera 3

Polimera 3: పొలిమేర 3 కూడా వస్తోంది.. స్టార్ హీరోతో మూడో పార్ట్.. డైరెక్టర్ అనిల్ కామెంట్స్

Sanjiv Kumar HT Telugu
Oct 27, 2023 11:09 AM IST

Director About Polimera 3: ప్రస్తుతం క్రేజీ బజ్ క్రియేట్ చేసుకున్న చిత్రాల్లో మా ఊరి పొలిమేర 2 ఒకటి. అయితే, ఈ మధ్య కాలంలో సీక్వెల్స్, ఫ్రాంచైజీలు వస్తున్న నేపథ్యంలో పొలిమేర 3 కూడా రానుందని తాజాగా డైరెక్టర్ అనిల్ విశ్వనాథ్ ఆసక్తికర విషయాలు తెలిపారు.

మా ఊరి పొలిమేర 3పై డైరెక్టర్ అనిల్ విశ్వనాథ్ కామెంట్స్
మా ఊరి పొలిమేర 3పై డైరెక్టర్ అనిల్ విశ్వనాథ్ కామెంట్స్

Maa Oori Polimera 3: 2021లో నేరుగా ఓటీటీలోకి వచ్చి సెన్సేషన్ క్రియేట్ చేసింది మా ఊరి పొలిమేర. ఇప్పుడు దీనికి సీక్వెల్‌గా వస్తున్న చిత్రమే మా ఊరి పొలిమేర 2. శ్రీకృష్ణ క్రియేష‌న్స్ బ్యానర్‌పై గౌరు గ‌ణ‌బాబు స‌మ‌ర్ప‌ణ‌లో గౌరికృష్ణ నిర్మాత‌గా రూపొందుతున్న ఈ చిత్రానికి డా. అనిల్ విశ్వ‌నాథ్ ద‌ర్శ‌కుడు. స‌త్యం రాజేష్‌, డా. కామాక్షి భాస్కర్ల, గెట‌ప్ శ్రీను, రాకెండ్ మౌళి, బాలాదిత్య, సాహితి దాస‌రి, ర‌వి వ‌ర్మ‌, చిత్రం శ్రీను, అక్ష‌త శ్రీనివాస్‌ ముఖ్య పాత్ర‌ల్లో న‌టించారు.

మా ఊరి పొలిమేర చిత్రాన్ని నేరుగా ఓటీటీలోకి తీసుకొచ్చిన నిర్మాతలు దానికి సీక్వెల్‌గా తెరకెక్కిన మా ఊరి పొలిమేర 2 సినిమాను మాత్రం థియేటర్లలో విడుదల చేయనున్నారు. నవంబర్ 3న ప్రపంచవ్యాప్తంగా థియేటర్లలో విడుదల చేయనున్నారు మేకర్స్. ఇక దీనికి సంబంధించిన పోస్టర్స్, ట్రైలర్ విపరీతంగా ఆకట్టుకున్నాయి. మొదటి పార్టు కంటే రెండో పార్ట్ మరింత భయంకరంగా ఉంటుందని ట్రైలర్ రిలీజ్ ఈవెంట్‌లో బన్నీ వాసు తెలిపారు.

అయితే, ప్రస్తుతం సినీ ఇండస్ట్రీలో సీక్వెల్స్, ప్రీక్వెల్స్, ఫ్రాంచైజీలు, సినిమాటిక్ యూనివర్స్ ల ట్రెండ్ కొనసాగుతున్నాయి. ఇప్పుడు పొలిమేరను సైతం ఫ్రాంచైజీలుగా ముందుకు తీసుకెళ్దామని మేకర్స్ భావిస్తున్నారట. తాజాగా దీనికి సంబంధించి డైరెక్టర్ అనిల్ విశ్వనాథ్ ఆసక్తికర వ్యాఖ్యలు చేశారు. మొదటి పార్ట్ కంటే సెకండ్ పార్ట్ పది రెట్లు థ్రిల్ ఇస్తుందన్నారు డైరెక్టర్ అనిల్ విశ్వనాథ్. అంతేకాకుండా మూడో పార్టుకు కథ రాయడం కూడా ప్రారంభించినట్లు ఆయన తెలిపారు.

"లూప్ హోల్స్, బ్లాక్స్ వదిలాను. వాటిని సరిచేసుకుంటూ మూడో పార్టును కూడా రెడీ చేస్తాను" అని డైరెక్టర్ అనిల్ విశ్వనాథ్ పేర్కొన్నారు. అయితే, మూడో పార్ట్ మరింత పెద్ద స్థాయిలో ఉంటుందని, అందులో స్టార్ హీరోలను కూడా యాడ్ చేస్తానని డైరెక్టర్ చెప్పినట్లుగా తెలుస్తోంది. అంటే, డైరెక్టర్ అనిల్ విశ్వనాథ్ పొలిమేరతో తన స్థాయిని పెంచుకుంటూ పోయేలే ప్లాన్ చేసుకుంటున్నట్లు అర్థమవుతోంది.

WhatsApp channel