Latest OTT Releases: ఈ వీకెండ్‍లో చూసేందుకు.. ఓటీటీల్లోకి లేటెస్ట్‌గా తెలుగులో వచ్చిన సినిమాలు, వెబ్‍సిరీస్‍లు ఇవే..

Latest OTT Releases: ఓటీటీ ప్లాట్‍ఫామ్‍ల్లో సినిమాలు, వెబ్ సిరీస్‍లు చూడాలనుకుంటున్న వారికి తాజాగా మరిన్ని అందుబాటులోకి వచ్చాయి. తెలుగులో లేటెస్ట్‌గా కొన్ని చిత్రాలు, సిరీస్‍లు స్ట్రీమింగ్‍కు అందుబాటులోకి వచ్చాయి. ఈ వీకెండ్‍లో వాటిని చూసి కాలక్షేపం చేయవచ్చు. విజయ్ దేవరకొండ నటించిన ఖుషి సినిమా, నిత్యామీనన్ ప్రధాన పాత్ర పోషించిన ‘కుమారి శ్రీమతి’ సిరీస్ తాజాగా స్ట్రీమింగ్‍కు వచ్చాయి. ఇలా మరిన్ని కూడా లేటెస్ట్‌గా ఓటీటీల్లోకి వచ్చాయి. ఆ వివరాలివే..

ఖుషి

విజయ్ దేవరకొండ, సమంత హీరోహీరోయిన్లుగా నటించిన ఖుషి సినిమా నేడు (అక్టోబర్ 1) నెట్‍ఫ్లిక్స్ ఓటీటీ ప్లాట్‍ఫామ్‍లో స్ట్రీమింగ్‍కు అందుబాటులోకి వచ్చింది. తెలుగు, తమిళం, మలయళం, కన్నడ, హిందీ భాషల్లో స్ట్రీమింగ్ అవుతోంది. ఖుషి చిత్రానికి శివ నిర్వాణ దర్శకత్వం వహించారు.

కుమారి శ్రీమతి

నిత్యామీనన్ ప్రధాన పాత్రలో నటించిన ‘కుమారి శ్రీమతి’ వెబ్ సిరీస్ సెప్టెంబర్ 28న అమెజాన్ ప్రైమ్ వీడియో ఓటీటీ ప్లాట్‍ఫామ్‍లో అడుగుపెట్టింది. తెలుగుతో పాటు హిందీ, తమిళం, మలయాళంలోనూ స్ట్రీమింగ్ అవుతోంది. గోమతేశ్ ఉపాధ్యే ఈ సిరీస్‍కు దర్శకత్వం వహించారు.

సప్తసాగరాలు దాటి (సప్తసాగర దాచె ఎల్లో)

రక్షిత్ శెట్టి హీరోగా నటించిన లవ్ ఎమోషనల్ కన్నడ మూవీ సప్తసాగర దాచె ఎల్లో అమెజాన్ ప్రైమ్ వీడియో ఓటీటీలో రెండు రోజుల కిందట స్ట్రీమింగ్‍కు వచ్చింది. తెలుగులో సప్తసాగరాలు దాటి పేరుతో ఈ సినిమా స్ట్రీమింగ్ అవుతోంది. కన్నడ, మలయాళం, హిందీలోనూ అందుబాటులో ఉంది. ఈ చిత్రానికి హేమంత్ ఎం రావు దర్శకత్వం వహించగా.. రుక్మిణి వసంత్ హీరోయిన్‍గా నటించారు.

కింగ్ ఆఫ్ కొత్త

మలయాళ స్టార్ హీరో దుల్కల్ సల్మాన్ నటించిన కింగ్ ఆఫ్ కొత్త సినిమా డిస్నీ+హాట్‍స్టార్ ఓటీటీ ప్లాట్‍ఫామ్‍లో స్ట్రీమింగ్‍కు సెప్టెంబర్ 29న అందుబాటులోకి వచ్చింది. మలయాళం, తెలుగు, తమిళం, కన్నడ భాషల్లో ఈ సినిమా స్ట్రీమింగ్ అవుతోంది. గ్యాంగ్‍స్టర్స్ బ్యాక్‍డ్రాప్‍లో యాక్షన్ ఎంటర్‌టైనర్‌గా కింగ్ ఆఫ్ కొత్త మూవీ వచ్చింది.

పాపం పసివాడు

సింగర్ శ్రీరామ చంద్ర ప్రధాన పాత్ర పోషించిన ‘పాపం పసివాడు’ వెబ్ సిరీస్ తొలి సీజన్ ఆహా ఓటీటీ ప్లాట్‍ఫామ్‍లో సెప్టెంబర్ 29వ తేదీ నుంచి స్ట్రీమింగ్ అవుతోంది. ప్రతీ విషయంలో కన్‍ఫ్యూజ్ అయ్యే యువకుడి పాత్ర చేశారు శ్రీరామ్. కామెడీ ప్రధానంగా ఈ పాపం పసివాడు సిరీస్ ఉంది. లలిత్ కుమార్ ఈ సిరీస్‍ను డైరెక్ట్ చేశారు.

ఆర్‍డీఎక్స్.. తెలుగులో..

మలయాళంలో సూపర్ హిట్ అయిన ఆర్‍డీఎక్స్ సినిమా ఇటీవలే నెట్‍ఫ్లిక్స్ ఓటీటీ ప్లాట్‍ఫామ్‍లో స్ట్రీమింగ్‍కు వచ్చింది. అయితే, తాజాగా తెలుగు డబ్బింగ్ ఆడియో వెర్షన్ కూడా అందుబాటులోకి వచ్చింది. ఈ యాక్షన్ మూవీలో షేన్ నిగమ్, ఆంటోనీ వర్గీస్, నీరజ్ మాధవ్ ప్రధాన పాత్రలు పోషించారు.