Krishna Mukunda Murari Today Episode: కృష్ణ వ‌ర్సెస్ ముకుంద - పోటీ మామూలుగా లేదుగా - మురారి టార్చ‌ర్‌

Krishna Mukunda Murari October 11th Episode: కృష్ణతో చేసిన ఛాలెంజ్‌లో ఓడిపోవ‌డం త‌ట్టుకోలేక‌పోతుంది ముకుంద‌.వినాయ‌కుడి సెల‌బ్రేష‌న్స్‌లో మురారితో ఆమె వేసిన స్టెప్పులు, త‌న‌కు ఇచ్చిన వార్నింగ్ ప‌దే ప‌దే గుర్తురావ‌డంతో కోపంతో ర‌గిలిపోతుంది. కృష్ణ‌ను ఎదుర్కోవాలంటే ఆవేశంతో కాకుండా ఆలోచ‌న‌తో ముందుకు సాగాల‌ని అనుకుంటుంది. ఈ సారి మ‌రో కొత్త ప్లాన్ వేస్తుంది. భ‌వానీ, రేవ‌తి తిరిగి వ‌చ్చేలోపు కృష్ణ‌ను ఇంటి నుంచి గెంటేయాల‌ని అనుకుంటుంది. ముకుంద వేసిన ఎత్తును కృష్ణ తిప్పికొట్టిందా? లేదా? అన్న‌ది నేటి ఎపిసోడ్‌లో ఆస‌క్తిక‌రంగా మార‌నుంది.

బాబాయ్ ఐడియా...

బాబాయ్ ప్ర‌భాక‌ర్ ఇంట్లో నుంచి వెళ్లిపోతూ త‌న‌కు ఇచ్చిన స‌ల‌హా గురించి కృష్ణ ఆలోచిస్తుంది. త‌న కాపురానికి ముకుంద అడ్డు రాకూడ‌దంటే ఆద‌ర్శ్ ఇంటికి తిరిగి రావ‌డం ఒక్క‌టే మార్గ‌మ‌ని అనుకుంటుంది. ఆద‌ర్శ్ ఎప్ప‌టికీ తిరిగా రాడ‌ని ముకుంద ఆడించిన డ్రామాను బ‌య‌ట‌పెట్టి ఆమెకు షాకివ్వాల‌ని ఫిక్స్ అవుతుంది. ఆ దిశ‌గా ప్ర‌య‌త్నాలు మొద‌లుపెడుతుంది. కృష్ణ వ‌ర్సెస్ ముకుంద పోరులో ఈ సారి గెలుపు ఎవ‌రిద‌న్న‌ది తెలియాలంటే నేటి బుధ‌వారం నాటి కృష్ణ ముకుంద మురారి సీరియ‌ల్ చూడాల్సిందే.

మురారి టార్చ‌ర్‌...

కృష్ణ త‌న‌కు రోజురోజుకు ద‌గ్గ‌ర కావ‌డంతో మురారి హ్యాపీగా ఫీల‌వుతుంటాడు. ఆమెకు త‌న మ‌న‌సులో మాట చెప్పాల‌ని అనుకుంటాడు. కానీ ముకుంద ప్ర‌తిసారి అడ్డుప‌డ‌టం స‌హించ‌లేక‌పోతాడు. ముకుంద టార్చ‌ర్‌ను త‌ట్టుకోలేక‌, ఆమెకు అర్థ‌మ‌య్యేట‌ట్టు వివ‌రించ‌లేక‌ త‌న‌లో తానే కుమిలిపోతాడు. అత‌డి క‌ష్టాల‌కు చెక్ ప‌డిందా లేదా అన్న‌ది చూడాల్సిందే.