Kalki 2898 AD Release Trailer: కల్కి 2898 ఏడీ రిలీజ్ ట్రైలర్ వచ్చేసింది.. మొదటి ట్రైలర్ కంటే కళ్లు చెదిరేలా ఫైనల్ వార్..-kalki 2898 ad release trailer final war out prabhas deepika padukone nag ashwin amitabh bachchan ,ఎంటర్‌టైన్‌మెంట్ న్యూస్
తెలుగు న్యూస్  /  ఎంటర్‌టైన్‌మెంట్  /  Kalki 2898 Ad Release Trailer: కల్కి 2898 ఏడీ రిలీజ్ ట్రైలర్ వచ్చేసింది.. మొదటి ట్రైలర్ కంటే కళ్లు చెదిరేలా ఫైనల్ వార్..

Kalki 2898 AD Release Trailer: కల్కి 2898 ఏడీ రిలీజ్ ట్రైలర్ వచ్చేసింది.. మొదటి ట్రైలర్ కంటే కళ్లు చెదిరేలా ఫైనల్ వార్..

Hari Prasad S HT Telugu
Jun 21, 2024 08:57 PM IST

Kalki 2898 AD Release Trailer: కల్కి 2898 ఏడీ రిలీజ్ ట్రైలర్ వచ్చేసింది. ఫైనల్ వార్ అంటూ శుక్రవారం (జూన్ 21) చెప్పిన సమయం కంటే రెండు గంటలు ఆలస్యంగా వచ్చినా.. తొలి ట్రైలర్ కంటే కళ్లు చెదిరే రీతిలో ఉంది.

కల్కి 2898 ఏడీ రిలీజ్ ట్రైలర్ వచ్చేసింది.. మొదటి ట్రైలర్ కంటే కళ్లు చెదిరేలా..
కల్కి 2898 ఏడీ రిలీజ్ ట్రైలర్ వచ్చేసింది.. మొదటి ట్రైలర్ కంటే కళ్లు చెదిరేలా..

Kalki 2898 AD Release Trailer: ప్రభాస్ నటించిన కల్కి 2898 ఏడీ మూవీ రిలీజ్ ట్రైలర్ ను మేకర్స్ ప్రేక్షకుల ముందుకు తీసుకొచ్చారు. శుక్రవారం (జూన్ 21) సాయంత్రం 6 గంటలకు రావాల్సిన ఈ ట్రైలర్.. రెండు గంటల 45 నిమిషాలు ఆలస్యంగా 8.45 గంటలకు రిలీజైంది. అయితే ఈ వెయిటింగ్ ను మరచిపోయేలా మొదటి ట్రైలర్ కంటే కూడా ఈ రిలీజ్ ట్రైలర్ అద్భుతంగా ఉంది.

కల్కి 2898 ఏడీ రిలీజ్ ట్రైలర్

కల్కి 2898 ఏడీ రిలీజ్ ట్రైలర్ కూడా వచ్చేసింది. ఫైనల్ వార్ అంటూ మూవీ మేకర్స్ సినిమా రిలీజ్ కు ఆరు రోజుల ముందు ఈ ట్రైలర్ తీసుకొచ్చారు. తొలి ట్రైలర్ లాగే ఈ రెండో ట్రైలర్ కూడా ప్రేక్షకులను మెస్మరైజ్ చేసేలా ఉంది. ఈ రిలీజ్ ట్రైలర్ లో ప్రభాస్, అమితాబ్ మధ్య ఫైట్ సీన్లు ఆకట్టుకునేలా ఉన్నాయి. 

దీపిక కడుపులో ఆ భగవంతుడే ఉన్నాడంటాడు అమితాబ్.. ఆ బిడ్డను చంపడానికి ప్రత్యర్థులు చూస్తుంటారు. దానిని అడ్డుకోవడానికి అశ్వత్థామ పాత్రలోని అమితాబ్ ముందు నిలిస్తే.. అతని అడ్డు తప్పించడానికి భైరవ పాత్రలోని ప్రభాస్ ఫైట్ చేస్తాడు. ఈ ఇద్దరి ఫైట్, కళ్లు చెదిరిపోయేలాంటి విజువల్స్, ట్రైలర్ చివర్లో అవతార్ మూవీలోలాగా ఓ పెద్ద రోబోనేసుకొని ఫైట్ కు రావడం హైలైట్స్ గా చెప్పొచ్చు.

కల్కి 2898 ఏడీ మూవీలో దీపిక కడుపులో ఉన్న ఆ బిడ్డ ఎవరు? ఆ బిడ్డను బయటకు రాకుండా చేయడానికి ఎవరు ప్రయత్నిస్తారు? వాళ్లకు భైరవ ఎందుకు సాయం చేస్తాడు? ఈ యుద్ధంలో చివరికి గెలిచేదెవరు? ఈ ప్రశ్నలకు మూవీలోనే సమాధానం దొరకనుంది. దానికి కూడా మరీ ఎక్కువ సమయం ఏమీ లేదు. జూన్ 27నే ప్రపంచవ్యాప్తంగా ఈ మూవీ ప్రేక్షకుల ముందుకు రాబోతోంది.

6 నుంచి 8కి వాయిదా.. అయినా..

నిజానికి కల్కి 2898 ఏడీ ట్రైలర్ సాయంత్రం 6 గంటలకే రిలీజ్ చేయాల్సి ఉంది. కానీ మేకర్స్ రెండు గంటల పాటు వాయిదా వేశారు. ఈ విషయాన్ని సరిగ్గా ట్రైలర్ రిలీజ్ సమయానికి చెప్పారు. "సారీ డార్లింగ్స్.. ఇది ఫైనల్ వార్ కదా.. కాస్త వేచి చూడాల్సిందే.. ప్లీజ్.. 8 పీఎం షార్ప్.." అని సోషల్ మీడియా ఎక్స్ ద్వారా అభిమానులకు చెప్పింది.

8 పీఎం షార్ప్ అని చెప్పినా.. ఆ సమయానికి కూడా ట్రైలర్ రాలేదు. అరగంట గడిచిపోయినా ఏ సమాచారం ఇవ్వలేదు. మొత్తానికి 8.45 గంటలకు ఈ రిలీజ్ ట్రైలర్ ను మేకర్స్ ప్రేక్షకుల ముందుకు తీసుకొచ్చారు.

కల్కి 2898 ఏడీ రన్‌టైమ్

కల్కి 2898 ఏడీ మూవీ 3 గంటల 56 సెకన్ల నిడివితో చాలా పెద్ద సినిమాగా రానుంది. ఈ మధ్యే సెన్సార్ పనులు పూర్తి చేసుకున్న ఈ మూవీకి యూ/ఎ సర్టిఫికెట్ ఇచ్చారు. అయితే మూడు ప్రపంచాల చుట్టూ తిరిగే ఈ మూవీ మూడు గంటల పాటు ఉండటమే మైనస్ అవుతుందా అన్న కామెంట్స్ కూడా వినిపిస్తున్నాయి. కాశీ, కాంప్లెక్స్, శంబాలా అనే మూడు వేర్వేరు ప్రపంచాల చుట్టూ తిరిగే కథే ఈ కల్కి 2898 ఏడీ మూవీ అని డైరెక్టర్ నాగ్ అశ్విన్ చెప్పిన విషయం తెలిసిందే.

WhatsApp channel