Guppedantha Manasu October 26th Episode: భ‌ర్త సేవ‌ల‌కు వ‌సుధార‌ ఫిదా - శైలేంద్ర ఎటాక్ - రిషిని సేవ్ చేసిన అనుప‌మ‌

Guppedantha Manasu October 26th Episode: త‌న శ‌త్రువులు ఎవ‌రో చెప్ప‌మ‌ని వ‌సుధార‌ను అడుగుతాడు రిషి. శైలేంద్ర‌, దేవ‌యాని పేర్లు చెబితే రిషి న‌మ్మ‌డ‌ని వ‌సుధార అనుకుంటుంది. త‌న ద‌గ్గ‌ర ఆధారాలు లేక‌పోవ‌డంతో వారి పేర్లు చెప్ప‌దు. వ‌సుధార ఉద‌యం లేవ‌గానే కాఫీ క‌ప్‌తో ఆమెకు ఎదురుగా రిషి క‌నిపిస్తాడు. నీ కోస‌మే స్పెష‌ల్‌గా ఈ కాఫీ ప్రిపేర్ చేసుకొని వ‌చ్చాన‌ని వ‌సుధార‌తో అంటాడు రిషి.

వసుధారకు సేవలు…

ఇలా భ‌ర్త చేతితో ఇచ్చిన కాఫీ తాగే అదృష్టం ఎంత మంది భార్య‌ల‌కు ఉంటుందో తెలియ‌దు కానీ నేను మాత్రం ల‌క్కీ. మీ లాంటి భ‌ర్త‌ను పొందినందుకు అని రిషిపై పొగ‌డ్త‌లు కురిపిస్తుంది వ‌సుధార‌. అత‌డి ప్రేమ‌కు వ‌సు ఫిదా అవుతుంది. నాది సేమ్ ఫీలింగ్ అని రిషి బ‌దులిస్తాడు. కాఫీ తాగ‌కుండా రిషినే చూస్తూ ఉండిపోతుంది. కాఫీ తొంద‌ర‌గా తాగితే క‌ప్ తీసుకెళ్తాన‌ని రిషి చెబుతాడు. మీతో సేవ‌లు చేయించుకోవ‌డం నేను ఊహించుకోలేన‌ని, త‌న‌కు ఇబ్బందిగా ఉంటుంద‌ని రిషితో అంటుంది వ‌సుధార‌. మీరు రిషి సార్‌...ఎప్పుడు జెంటిల్‌మెన్‌లా ఉండాలి అని అంటుంది. నిన్ను ఇబ్బంది పెట్టే ప‌నులు నేను చేయ‌న‌ని రిషి బ‌దులిస్తాడు.

శైలేంద్ర యాక్టింగ్‌...

రిషి, వ‌సుధార అడ్రెస్‌ తెలియ‌క‌పోవ‌డంతో శైలేంద్ర అస‌హ‌నానికి లోన‌వుతాడు. రిషికి ఫోన్ చేసి ఎక్క‌డికి వెళ్లారో క‌నుక్కోవాల‌ని అనుకుంటాడు. కానీ వ‌సుధార ఫోన్ లిఫ్ట్ చేసి అత‌డికి క్లాస్ ఇస్తుంది. రిషి, వ‌సుధార ఆచూకీ కోసం ధ‌ర‌ణిని పావుగా వాడుకోవాల‌ని అనుకుంటాడు. ధ‌ర‌ణి ఫోన్ ద్వారా వ‌సుధార వ‌సుధార తో చాటింగ్ చేయాల‌ని అనుకుంటాడు. కానీ ధ‌ర‌ణి ఫోన్ లాక్ లో ఉంటుంది.

వ‌సుధార‌తో చాటింగ్‌…

త‌న అవ‌స‌రం కోసం ధ‌ర‌ణిపై ప్రేమ‌ను కురిపిస్తాడు. భ‌ర్త యాక్టింగ్‌ను ధ‌ర‌ణి క‌నిపెడుతుంది. ధ‌ర‌ణి ఫోన్ లాక్ ఓపెన్ చేసి ఇవ్వ‌డంతో ఆమె పేరుతో వ‌సుధార‌తో చాటింగ్ చేస్తాడు. వ‌సుధార‌, రిషితో పాటు మ‌హేంద్ర యోగ‌క్షేమాలు అడుగుతాడు. ఆ త‌ర్వాత మీరు ఎక్క‌డున్నారు అని మెసేజ్ చేస్తాడు. ఆ మెసేజ్‌లు శైలేంద్ర పంపించాడ‌ని అనుమానించిన వ‌సుధార తాను ఉన్న ఏరియా ఫోటో తీసి పంపిస్తుంది. ప్లేస్ ఎక్క‌డ‌న్న‌ది చెప్ప‌దు. కానీ ఆ ప్లేస్ ఏదో చూడ‌గానే శైలేంద్ర క‌నిపెడ‌తాడు. త‌న‌కు కావాల్సిన ఇన్ఫ‌ర్మేష‌న్ దొర‌క‌డంతో హ్యాఫీగా ఫీల‌వుతాడు.

ధ‌ర‌ణి భ‌యం...

త‌న త‌న భ‌ర్త ఏదో కుట్ర చేస్తున్నాడ‌ని, అత‌డితో జాగ్ర‌త్త‌గా ఉండ‌మ‌ని ధ‌ర‌ణి పేరుతోనే ఇన్‌డైరెక్ట్‌గా వ‌సుధార‌ను బెదిరిస్తాడు శైలేంద్ర‌. నువ్వు చెప్ప‌క‌పోయినా రిషి, వ‌సుధార ఎక్క‌డున్నారో త‌న‌కు తెలిసిపోయింద‌ని ధ‌ర‌ణితో అంటాడు శైలేంద్ర‌. ఇప్పుడు నేను ఏం చేయాలో అది చేస్తాన‌ని అంటాడు. భ‌ర్త దుర్మార్గ‌పు ఆలోచ‌న‌లు చూసి ధ‌ర‌ణి భ‌య‌ప‌డిపోతుంది.

అను అడ్రెస్‌...

అర‌కులో ఉండ‌టానికి మ‌హేంద్ర ఇబ్బందులు ప‌డ‌టం వెనుక ఏదో బ‌ల‌మైన కార‌ణం ఉండి ఉంటుంద‌ని రిషి అనుకుంటాడు. అను పేరుతో మ‌హేంద్ర క‌ల‌వ‌రించ‌డం, ఆమె ఎవ‌ర‌ని అడిగితే దాచ‌డం కూడా రిషి అనుమానం బ‌ల‌ప‌డుతుంది. మ‌హేంద్ర‌, అను క‌లిసిన పార్కుకు వెళితే ఆమెకు సంబంధించిన ఏదో ఒక ఇన్ఫ‌ర్మేష‌న్ దొరుకుతుంద‌ని రిషి అనుకుంటాడు. రిషి ఒంట‌రిగా బ‌య‌ట‌కు వెళుతుండ‌టం చూసి మ‌హేంద్ర కూడా డౌట్ ప‌డ‌తాడు. రిషిని ఫాలో అవుతాడు. కానీ మ‌ధ్య‌లో రిషిక‌నిపించ‌కుండా పోవ‌డంతో నిరాశ‌గా వెనుదిరుగుతాడు.

రిషికి యాక్సిడెంట్…

జ‌గ‌తి గురించి తెలుసుకోవ‌డం కోసం మ‌హేంద్ర‌ ఉన్న రిసార్ట్‌కు కాకుండా పార్క్‌కు బ‌య‌లుదేరుతుంది అనుప‌మ మ‌రోవైపు. రిషి అడ్రెస్ క‌నిపెట్టిన శైలేంద్ర‌ అత‌డిని చంప‌డం కోసం రౌడీల‌ను నియ‌మిస్తాడు. రిషి ఒంట‌రిగా బ‌య‌ట‌కు వెళ్ల‌డం చూసిన రౌడీలు అత‌డిపై ఎటాక్ చేసేందుకు ప్లాన్ చేస్తారు. రిషికి యాక్సిడెంట్ చేసి చంపాల‌ని అనుకుంటారు. చివ‌రినిమిషంలో అనుప‌మ వ‌చ్చి రిషిని సేవ్ చేస్తుంది. . మీకు ఇక్క‌డ శ‌త్రువులు ఎవ‌రైనా ఉన్నారా....జీప్‌ డ్రైవ‌ర్ కావాల‌నే మీకు యాక్సిడెంట్ చేయాల‌ని ప్ర‌య‌త్నించాడ‌ని అత‌డి తీరు చూస్తే అర్థ‌మైంద‌ని రిషిని హెచ్చ‌రిస్తుంది అనుప‌మ‌. వెంట‌నే ఇక్క‌డి నుంచి వెళ్లిపోతే మంచిద‌ని స‌ల‌హా ఇస్తుంది.

రిషి, అనుప‌మ కలిసి...

రిషిని అత‌డి రిస్టార్ట్ ద‌గ్గ‌ర త‌న కారులోనే డ్రాప్ చేస్తుంది అనుప‌మ‌. రిషి, అనుప‌మ క‌లిసి కారులో రావ‌డం చూసి మ‌హేంద్ర‌ షాక‌వుతాడు. మ‌హేంద్ర స్టే చేస్తోన్న రిసార్ట్ అదే కావ‌డంతో అత‌డి గురించి రిషిని అడ‌గాల‌ని అనుప‌మ అనుకుంటుంది. కానీ ఆడ‌గ‌లేక‌పోతుంది. అక్క‌డితో నేటి గుప్పెడంత మ‌న‌సు సీరియ‌ల్ ముగిసింది.