Guntur Kaaram Kurchi Madatha petti song promo: గుంటూరు కారం నుంచి మాస్ బీట్ సాంగ్ ప్రోమో వచ్చేసింది

Guntur Kaaram Kurchi Madatha petti song promo: సూపర్ స్టార్ మహేష్ బాబు నటిస్తున్న గుంటూరు కారం మూవీ నుంచి ఓ మాస్ సాంగ్ ప్రోమోను మేకర్స్ శుక్రవారం (డిసెంబర్ 29) రిలీజ్ చేశారు. మహేష్, శ్రీలీల అదిరిపోయే స్టెప్పులతోపాటు సాంగ్ మాస్ బీట్ స్పెషల్ అట్రాక్షన్ గా నిలుస్తున్నాయి. కుర్చీ మడత పెట్టి అని సాగిపోయే ఈ పూర్తి పాట శనివారం (డిసెంబర్ 30) రిలీజ్ చేయనున్నారు.

గుంటూరు కారం మూవీ రిలీజ్ దగ్గర పడుతున్న కొద్దీ మేకర్స్ ప్రమోషన్ల స్పీడు పెంచారు. అందులో భాగంగానే ఇప్పుడీ మాస్ సాంగ్ ను అభిమానుల ముందుకు తీసుకొస్తున్నారు. సాంగ్ మొదట్లోనే ఆ కుర్చీని మడత పెట్టి అంటూ మహేష్ పక్కా మాస్ డైలాగ్ విసురుతాడు. తర్వాత శ్రీలీలతో కలిసి స్టెప్పులు ఇరగదీశాడు. చాలా ఫాస్ట్ గా సాగిపోయే బీట్ కు తగినట్లు మహేష్, శ్రీలీల పోటీ పడి స్టెప్పులేశారు.

సంక్రాంతి సినిమాలంటేనే మాంచి ఊపు మీదుంటాయి. అలాంటి సినిమాల్లో ఇలాంటి మాస్ సాంగ్ లేకుండా ఎలా ఉంటుంది? అందుకే మేకర్స్ ఈ అదిరిపోయే ప్లాన్ వేశారు. జనవరి 12న గుంటూరు కారం రిలీజ్ కానున్న విషయం తెలిసిందే. డ్యాన్స్ లో ఇరగదీసే శ్రీలీల చీరకట్టులో నడుము మడతలు చూపిస్తూ ఈ మాస్ బీట్ కు తగినట్లు చెలిరేగిపోయింది.

ఇక చాలా వరకూ క్లాస్ గా ఉండే స్టెప్పులేసే మహేష్ కూడా ఈ పాటలో స్పీడు పెంచాడు. త్రివిక్రమ్ డైరెక్షన్ లో వస్తున్న గుంటూరు కారం సినిమాపై భారీ అంచనాలు ఉన్నాయి. సంక్రాంతి బరిలో ఉన్న ఈ సినిమాకు హనుమాన్, ఈగల్, నా సామి రంగ లాంటి సినిమాల నుంచి పోటీ ఉంది. ప్రస్తుతం న్యూఇయర్ సెలబ్రేషన్స్ కోసం అమెరికా వెళ్లిన మహేష్ బాబు.. రాగానే గుంటూరు కారం ప్రమోషన్లలో బిజీ కానున్నాడు.

గుంటూరు కారం సినిమాలో మరో హీరోయిన్‍గా మీనాక్షి చౌదరి నటిస్తున్నారు. జగపతి బాబు, రమ్యకృష్ణ, జయరాం, ప్రకాశ్ రాజ్, సునీల్ ఈ చిత్రంలో కీలకపాత్రలు పోషిస్తున్నారు. హాసినీ, హారిక క్రియేషన్స్ పతాకంపై ఎస్.రాధాకృష్ణ (చినబాబు) ఈ మూవీని నిర్మిస్తున్నారు. అతడు, ఖలేజా తర్వాత మహేశ్ - త్రివిక్రమ్ కాంబోలో వస్తున్న మూడో సినిమాగా గుంటూరు కారం ఉంది.