King of Kotha Teaser: “రాజు వచ్చేశాడు”: పవర్‌పుల్, ఇంటెన్స్‌గా దుల్కర్ ‘కింగ్ ఆఫ్ కోటా’ టీజర్

King of Kotha Teaser: యంగ్ స్టార్ హీరో దుల్కర్ సల్మాన్ నటిస్తున్న ‘కింగ్ ఆఫ్ కోటా’ సినిమా టీజర్ విడుదలైంది. మొత్తంగా ఐదు భాషల్లో పాన్ ఇండియా చిత్రంగా ఇది వస్తోంది. కాగా, నేడు (జూలై 28) కింగ్ ఆఫ్ కోటా మూవీ టీజర్ విడుదలైంది. మలయాళం టీజర్‌ను దుల్కర్ తండ్రి, సీనియర్ హీరో మమ్మూట్టి లాంచ్ చేశాడు. తెలుగు టీజర్‌ను టాలీవుడ్ సూపర్ స్టార్ మహేశ్ బాబు రిలీజ్ చేశాడు. ఈ కింగ్ ఆఫ్ కోటా టీజర్ చాలా పవర్‌ఫుల్‍గా, ఇంటెన్స్‌గా ఉంది.

కోటా అనే ఊరికి గ్యాంగ్‍స్టర్‌లా దుల్కర్ ఈ కింగ్ ఆఫ్ కోటా సినిమాలో ఉండనున్నాడని టీజర్ చూస్తే అర్థమవుతోంది. “రాజు గారు తిరిగి వచ్చేశారు” అనే డైలాగ్ వచ్చాక దుల్కర్ ఎంట్రీ ఉంది. కోటా ఊర్లో ప్రజలను విలన్ల నుంచి రక్షించే గ్యాంగ్‍స్టర్‌గా దుల్కర్ నటిస్తున్నట్టు టీజర్ ద్వారా తెలుస్తోంది. దుల్కర్ యాక్టింగ్ అదిరిపోయింది. ఒకటిన్నర నిమిషాలు ఉన్న టీజర్ గ్యాంగ్‍స్టర్లు, యాక్షన్ సీన్లు, పోలీసులతో చాలా ఇంట్రెస్టింగ్‍గా ఉంది. కింగ్ ఆఫ్ కోటా టీజర్‌ను ఒకే యూట్యూబ్ లింక్‍తో మూవీ యూనిట్ విడుదల చేసింది. యూట్యూబ్ వీడియో సెట్టింగ్స్ ఆడియో ట్రాక్ ఆప్షన్‍లో ఐదు భాషల్లో కావాల్సినది యూజర్లు ఎంపిక చేసుకోవచ్చు.

కింగ్ ఆఫ్ కోటా మూవీకి అభిలాష్ జోషీ దర్శకత్వం వహించాడు. ఈ సినిమా టీజర్‌లో ముఖ్యంగా బ్యాక్‍గ్రౌండ్ మ్యూజిక్ ఓ హైలైట్‍గా ఉంది. జేక్స్ బెజోయ్ ఈ చిత్రానికి మ్యూజిక్ అందించాడు. నిమిశ్ రవి సినిమాటోగ్రఫీ కూడా అదిరిపోయింది. 1980-90ల బ్యాక్‍డ్రాప్‍లో ఈ చిత్రం తెరకెక్కుతోంది. ఇక నిర్మాణ విలువలు కూడా బాగా ఉన్నట్టు టీజర్ చూస్తే అర్థమవుతోంది. దుల్కర్ సల్మాన్‍కు చెందిన వేఫారర్ ఫిల్మ్స్, జీ స్టూడియోస్.. కింగ్ ఆఫ్ కోటా చిత్రాన్ని నిర్మిస్తున్నాయి.

కింగ్ ఆఫ్ కోటా సినిమాలో దుల్కర్ సల్మాన్ సరసన ఐశ్వర్య లక్ష్మి నటిస్తోంది. డ్యాన్సింగ్ రోజ్ షబీర్, ప్రసన్న, నైలా ఉష, చెంబన్ వినోద్, గోకుల్ సురేశ్, షమ్మీ తిలకన్ కీలకపాత్రల్లో నటిస్తున్నారు. ఈ చిత్రాన్ని ఆగస్టులో విడుదల చేయాలని చిత్ర యూనిట్ భావిస్తోంది. మలయాళంలో రూపొందిన ఈ చిత్రం తెలుగు, హిందీ, కన్నడ, తమిళంలోనూ రిలీజ్ కానుంది. తెలుగు వెర్షన్‍కు దుల్కర్ సల్మాన్ తన పాత్రకు డబ్బింగ్ చెప్పాడు.