Das Ka Dhamki Day 1 Collections: దాస్ కా ధమ్కీ తొలి రోజు కలెక్షన్లు.. విశ్వక్‌సేన్ కెరీర్‌లోనే హయ్యెస్ట్

Das Ka Dhamki Day 1 Collections: ఈ ఉగాదికి టాలీవుడ్ యువ నటుడు విశ్వక్‌సేన్ మరో కొత్త మూవీతో ప్రేక్షకుల ముందుకు వచ్చాడు. ఈ సినిమా పేరు దాస్ కా ధమ్కీ. తానే డైరెక్ట్ చేసిన ఈ సినిమా బుధవారం (మార్చి 22) రిలీజైంది. సినిమా రిలీజ్ కు ముందే మంచి బజ్ క్రియేట్ కావడంతో అది కాస్తా తొలి రోజు కలెక్షన్లపై ప్రభావం చూపింది.

మూవీ ప్రీ రిలీజ్ ఈవెంట్ కు జూనియర్ ఎన్టీఆర్ రావడంతో మరింత హైప్ క్రియేట్ అయింది. దీంతో తొలి రోజు విశ్వక్‌సేన్ కెరీర్లోనే అత్యధిక వసూళ్లు సాధించిందీ దాస్ కా ధమ్కీ మూవీ. ప్రపంచవ్యాప్తంగా తొలి రోజు ఈ సినిమా ఏకంగా రూ.8.88 కోట్లు వసూలు చేయడం విశేషం. ఉగాది రోజు హాలిడే కావడంతో సినిమా మంచి వసూళ్లు సాధించగలిగింది.

వచ్చే వారం మార్చి 30న దసరా మూవీ రిలీజ్ కానుండటంతో అప్పటి వరకూ ఈ దాస్ కా ధమ్కీయే బాక్సాఫీస్ దగ్గర వసూళ్ల వర్షం కురిపించే అవకాశాలు ఉన్నాయి. ఈ సినిమాలో విశ్వక్ సరసన నివేదా పేతురాజ్ నటించింది. వన్మయి క్రియేషన్స్ బ్యానర్ కింద కరాటే రాజు ఈ చిత్రాన్ని నిర్మించాడు. ఈ సినిమాకు స్టోరీని ప్రసన్న కుమార్ బెజవాడ అందించాడు.

సంజ‌య్ రుద్ర అనే డాక్ట‌ర్‌గా, కృష్ణ‌దాస్ అనే వెయిట‌ర్‌గా రెండుపాత్ర‌ల్లో విశ్వ‌క్‌సేన్ చ‌క్క‌టి న‌ట‌న‌ను క‌న‌బ‌రిచాడు. నెగెటివ్ షేడ్స్ క్యారెక్ట‌ర్‌లో చెల‌రేగిపోయాడు. వెయిట‌ర్ పాత్ర‌లో కామెడీ టైమింగ్ బాగుంది.

కీర్తిగా నివేథా పేతురాజ్ గ్లామ‌ర్‌తోపాటు యాక్టింగ్‌కు ఇంపార్టెన్స్ ఉన్న పాత్ర‌లో క‌నిపించింది. మంచివాడిగా న‌టించే ఓ నెగెటివ్ షేడ్ క్యారెక్ట‌ర్‌లో రావుర‌మేష్ క‌నిపించారు. హీరో స్నేహితులుగా నాగ‌మ‌హేష్‌, హైప‌ర్ ఆది కామెడీ కొన్ని చోట్ల వ‌ర్క‌వుట్ అయ్యింది. లియోన్ జేమ్స్ మ్యూజిక్‌లో రెండు సాంగ్స్ బాగున్నాయి.