Crew OTT Release Date: మరికొన్ని గంటల్లో ఓటీటీలోకి వచ్చేస్తున్న ముగ్గురు ముద్దుగుమ్మల రూ.100 కోట్ల సినిమా

Crew OTT Release Date: ఓటీటీలో ఈ వీకెండ్ మనల్ని టైంపాస్ చేయడానికి మరో బాలీవుడ్ మూవీ రాబోతోంది. ఈ ఏడాది ఆ ఇండస్ట్రీ నుంచి వచ్చిన అతి కొద్ది సినిమాల్లో ఒకటి క్రూ (Crew). టబు, కరీనా కపూర్, కృతి సనన్ నటించిన ఈ సినిమా బాక్సాఫీస్ దగ్గర రూ.100 కోట్లకుపైగా వసూలు చేసింది. ఇక ఇప్పుడు నెట్‌ఫ్లిక్స్ ఓటీటీలోకి అడుగుపెట్టబోతోంది.

క్రూ(Crew) ఓటీటీ రిలీజ్ డేట్

బంగారం స్మగ్లింగ్ చేసే ముగ్గురు ఎయిర్ హోస్టెస్ ల చుట్టూ తిరిగే క్రూ (Crew) మూవీ థియేటర్లలో ప్రేక్షకులను బాగా ఆకర్షించింది. అందులోనూ బాలీవుడ్ కు చెందిన ముగ్గురు సీనియర్ హీరోయిన్లు టబు, కరీనా కపూర్, కృతి సనన్ నటించిన మూవీ ఇది. ఈ సినిమా శుక్రవారం (మే 24) నుంచి నెట్‌ఫ్లిక్స్ లో స్ట్రీమింగ్ కు సిద్ధమవుతోంది.

రాజేష్ ఎ కృష్ణన్ డైరెక్ట్ చేసిన ఈ మూవీని బాలాజీ మోషన్ పిక్చర్స్, అనిల్ కపూర్ ఫిల్మ్, కమ్యూనికేషన్ నెట్‌వర్క్ సంయుక్తంగా నిర్మించాయి. థియేటర్లలో సక్సెసైన ఈ సినిమా ఇప్పుడు ఓటీటీలోనూ అదే స్థాయిలో ప్రేక్షకులను ఆకట్టుకుంటుందన్న ఆశాభావంతో మేకర్స్ ఉన్నారు. ముగ్గురు ఎయిర్ హోస్టెస్ ల బంగారం స్మగ్లింగ్ కు కామెడీని జోడించి ఈ సినిమాను తెరకెక్కించారు.

క్రూ మూవీ గురించి..

నష్టాల్లో ఉన్న ఓ ఎయిర్ లైన్స్ లో పనిచేసే ముగ్గురు ఎయిర్ హోస్టెస్ ల చుట్టూ ఈ క్రూ మూవీ తిరుగుతుంది. ఎప్పటికైనా తమ జీతాలు పెరిగి జీవితాలు బాగుపడతాయన్న ఆశతో ఉన్న వారికి తమ ఎయిర్ లైన్స్ దివాళా తీసిందన్న నిజం తెలుస్తుంది. అప్పటి నుంచి బంగారం స్మగ్లింగ్ లోకి వాళ్లు దిగుతారు. కస్టమ్స్ వారి కళ్లు గప్పి ఈ స్మగ్లింగ్ చేస్తూ బాగానే సంపాదిస్తారు.

విలాసవంతమైన జీవితాన్ని గడుపుతుంటారు. అయితే వీళ్ల ఈ స్మగ్లింగ్ ఎంత కాలం నడుస్తుంది? వీళ్లు చేసే స్మగ్లింగ్ తెలిసిపోయి జైలుకు వెళ్లే పరిస్థితి వస్తుందా అన్నది ఈ క్రూ మూవీ చూస్తే తెలుస్తుంది. మార్చి 29న థియేటర్లలో ఈ సినిమా రిలీజైంది. ప్రపంచవ్యాప్తంగా 9 రోజుల్లోనే రూ.100 కోట్ల కలెక్షన్ల మార్క్ టచ్ చేసి సంచలనం సృష్టించింది.

నెట్‌ఫ్లిక్స్ లేటెస్ట్ రిలీజెస్

నెట్‌ఫ్లిక్స్ ఓటీటీలో ఈ మధ్య కాలంలో బాలీవుడ్ ఇండస్ట్రీ నుంచి లాపతా లేడీస్, సైతాన్, ఆర్టికల్ 370లాంటి సినిమాలు కూడా రిలీజైన విషయం తెలిసిందే. ఈ సినిమాలు కూడా బాక్సాఫీస్ దగ్గర సక్సెస్ సాధించాయి. ఇప్పుడు నెట్‌ఫ్లిక్స్ లోనూ రికార్డులు క్రియేట్ చేస్తున్నాయి. లాపతా లేడీస్ అయితే యానిమల్ మూవీ రికార్డును కూడా బ్రేక్ చేయడం విశేషం. మరి ఈ క్రూ మూవీ ఏం చేస్తుందో చూడాలి.