Bigg Boss Avinash: ఆ సినిమా కోసం రాజమోళి నన్ను అడిగారు.. జబర్దస్త్ అవినాష్ కామెంట్స్.. వీడియో వైరల్

Bigg Boss 8 Telugu October 10th Episode Highlights: బిగ్ బాస్ తెలుగు 8 సీజన్ రసవత్తరంగా మారింది. అయితే, వైల్డ్ కార్డ్ కంటెస్టెంట్స్ ఎంట్రీ ఇవ్వడంతో ఈ బిగ్ బాస్ 8 తెలుగు సీజన్ మరింత జోరందుకుంది. ఆరో వారం నామినేషన్స్‌ ఇదివరకులా కాకుండా డీసెంట్‌గా జరిగాయి.

ఒక్కో గెటప్‌లో ఇంటి సభ్యులు

ఇక గత రెండు రోజుల నుంచి హౌజ్‌లో బీబీ హోటల్ టాస్క్ నడుస్తోంది. ఈ టాస్క్‌లో ఓజీ క్లాన్ సభ్యులు అంతా హోటల్ స్టాఫ్‌గా యాక్ట్ చేస్తుంటే రాయల్ క్లాన్ మెంబర్స్‌లో ఒక్కొక్కరికి ఒక్కో గెటప్ ఇచ్చారు. గౌతమ్ హ్యాండ్సమ్ క్రిమినల్ అయితే, గంగవ్వ మహారాణి, ఆమెకు అసిస్టెంట్‌గా నయనికి రోల్స్ ఇచ్చారు.

స్పై పాత్రలో మెహబూబ్

ఇక సూపర్ స్టార్ జిగేల్ బాబుగా అవినాష్, అతనితో సీక్రెట్‌గా డేటింగ్ చేస్తున్న పొగరుబోతు రిచెస్ట్ అమ్మాయిగా రోహిణికి పాత్రలు ఇచ్చారు. రోహిణిని కనిపెట్టమని తన డాడ్ ఏర్పాటు చేసిన స్పై పాత్రలో మెహబూబ్, అతనికి అసిస్టెంట్‌గా, ఆరాధించే అమ్మాయిగా హరితేజ నటిస్తోంది. ఫుడ్ బ్లాగర్‌గా టేస్టీ తేజ చేస్తున్నాడు.

మారిపోయిన పాత్రలు

ఈ పాత్రల్లో మొదటి రోజు అయిన బుధవారం (అక్టోబర్ 9) అంతా బాగానే చేసి నవ్వించారు. ముఖ్యంగా అవినాష్, రోహిణి, హోటల్ వెయిటర్‌గా, కస్టమర్ల వస్తువులు దొంగతనం చేస్తూ మళ్లీ వాళ్లకిచ్చే దొంగగా మణికంఠ కామెడీతో ఆకట్టుకున్నారు. సాయంత్రం సమయం అయేసరికి హౌజ్‌లో కొంతమంది పాత్రలను మార్చేశారు.

నబీల్ కొడుకుగా

స్పైగా ఉన్న మెహబూబ్‌ను హరితేజకు కొడుకుగా చేశారు. సెక్యూరిటీ గార్డ్‌గా ఉన్న పృథ్వీరాజ్‌ను బీబీ హౌటల్ ఓనర్ నబీల్‌కు కుమారుడిగా పాత్ర ఇచ్చారు. గౌతమ్‌కు ఆకతాయి అబ్బాయిగా రోల్ మార్చేశారు. ఇక ఫుడ్ బ్లాగర్‌గా ఉన్న టేస్టీ తేజను అవినాష్, రోహిణికి అసిస్టెంట్‌గా చేశారు. దాంతో అవినాష్, రోహిణికి సేవలు చేస్తూ, గొడుగు పడుతు కామెడీ చేసేందుకు ప్రయత్నించాడు టేస్టీ తేజ.

టైటానిక్ 2 తీద్దామనుకుంటున్నారు

రాత్రి హోటల్ స్టాఫ్ యష్మీ, మెనేజర్ ప్రేరణతో మసాజ్ చేయించుకున్నాడు సూపర్ స్టార్ జిగేల్ బాబు అయిన అవినాష్. తర్వాత అవినాష్‌కు తేజ గొడుగు పడుతుంటే గార్డెన్ ఏరియాలో ఇద్దరూ నడుచుకుంటూ మాట్లాడుకున్నారు. "టైటానిక్ 2 సినిమా తీద్దామనుకుంటున్నారు. ఎస్ఎస్ రాజమౌళి గారు నన్ను అప్రోచ్ అయ్యారు. టైటానిక్ 2 తీయాలని అనుకుంటున్నారట" అని అసిస్టెంట్ దగ్గర గొప్పలు చెప్పుకునే హీరోగా అవినాష్ కామెడీ చేశాడు.

బయటకు వెళ్లిపోతావేంట్రా

దానికి "అది నిన్న రాత్రి జరిగిందా.. ఏది రాత్రి జరిగిందా. మీ డ్రీమ్‌లో అడిగి ఉంటారు" అని టేస్టీ తేజ కౌంటర్ ఇచ్చి కామెడీ చేసేందుకు ట్రై చేశాడు. అలా నడుచుకుంటూ బిగ్ బాస్ ఎగ్జిట్ గేట్ వరకు నడుచుకుంటూ వెళ్లారు. "డోర్ ఓపెన్ చేస్తే వెళ్తావారా" అని అవినాష్ అన్నాడు. దాంతో నవ్వేసిన తేజ.. "దానికి ఇంకా టైమ్ ఉంది" అని మెల్లిగా చెప్పాడు. ఇలా తన కామెడీతో నవ్వించేందుకు బాగా ట్రై చేశాడు జబర్దస్త్ అవినాష్.