Bigg Boss 7 Telugu Elimination: ఈవారం ఎలిమినేషన్‌లో ఊహించని ట్విస్ట్.. అమ్మాయిలే కారణం.. ఆమె ఔట్

Bigg Boss 7 Telugu 2.0 Elimination: బిగ్ బాస్ 7 తెలుగు సీజన్‌లో ప్రస్తుతం 15 మంది కంటెస్టెంట్స్ ఉన్నారు. సెప్టెంబర్ 3న ప్రారంభం అయిన బిగ్ బాస్ 7 తెలుగులోకి 14 మంది కంటెస్టెంట్స్ అడుగు పెట్టారు. వారిలో కిరణ్ రాథోడ్ మొదటి వారం, షకీలా రెండో వారం, సింగర్ దామిని భట్ల మూడో వారం, రతిక రోజ్ నాలుగో వారం వరుసగా నలుగురు అమ్మాయిలు ఎలిమినేట్ అయ్యారు. అలాగే ఐదో వారం శుభ శ్రీ రాయగురు కూడా ఎలిమినేట్ అయి వెళ్లిపోయింది.

నామినేషన్ల ప్రక్రియ

బిగ్ బాస్ చరిత్రలోనే వరుసగా ఐదు వారాలు అమ్మాయిలు ఎలిమినేట్ కావడం ఇది తొలిసారి. శుభ శ్రీ ఎలిమినేషన్ రోజునే బిగ్ బాస్ 7 తెలుగు 2.0 స్టార్ట్ అయింది. దీంతో హౌజ్‌లోకి కొత్తగా ఐదుగురు కంటెస్టెంట్స్ ఎంట్రీ ఇచ్చారు. వారిలో అర్జున్ అంబటి, నయని పావని, పూజా మూర్తి, సింగర్ భోలే షావలి, అశ్వినీ శ్రీ ఉన్నారు. కొత్త కంటెస్టెంట్స్ వచ్చి రాగానే నామినేషన్ ప్రక్రియ ప్రారంభించారు. దీంతో బిగ్ బాస్ 7 తెలుగు ఆరో వారం నామినేషన్లలో ఏడుగురు కంటెస్టెంట్స్ ఉన్నారు.

ఊహించని ట్విస్ట్

బిగ్ బాస్ 6వ వారం నామినేషన్లలో ఉన్న అమర్ దీప్, ప్రిన్స్ యావర్, శోభా శెట్టి, నయని పావని, టేస్టీ తేజ, పూజా మూర్తి, అశ్విని శ్రీలకు ఓటింగ్స్ నిర్వహించారు. వీరిలో ప్రిన్స్ యావర్, అమర్ దీప్ మొదటి రెండు స్థానాలతో టాప్‌లో ఉండగా.. నయని పావని, శోభా శెట్టి చివరి రెండు స్థానాలతో డేంజర్ జోన్‌లో ఉన్నారు. ఈ నేపథ్యంలో ఆరో వారం ఎలిమినేషన్‌‌లో ఊహించని ట్విస్ట్ ఉండనుంది.

ఎలిమినేషన్ కాకుండా

బిగ్ బాస్ 7 తెలుగులో ఈవారం ఎలిమినేషన్ ఉండకపోవచ్చని సమాచారం. ఎందుకంటే ఎలిమినేషన్ నిర్వహిస్తే ఆడియెన్స్ ఓటింగ్ ప్రకారం మళ్లీ ఒక అమ్మాయే ఎలిమినేట్ కావాలి. అలా జరిగితే వరుసగా అమ్మాయిలు ఎలిమినేట్ కావడంతో బిగ్ బాస్ షోపై నెగెటివ్ ప్రభావం పడే అవకాశం ఉంది. అందుకే, ఎలిమినేషన్ అని చెప్పి.. వారికి సీక్రెట్ రూమ్ టాస్క్ ఇవ్వనున్నారని తెలుస్తోంది.

ఎక్కువ అవకాశాలు

అమ్మాయిల ఎలిమినేట్ అయ్యే ఛాన్స్ ఉందన్న కారణంతో దాన్ని రద్దు చేసి సీక్రెట్ రూమ్‌లోకి పంపిస్తారని బిగ్ బాస్ వర్గాల నుంచి వచ్చిన సమాచారం. ఇలా కాకుండా ఎప్పటిలానే ఎలిమినేట్ చేస్తే మాత్రం కార్తీక దీపం మోనిత అలియాస్ శోభా శెట్టి, హాట్ బ్యూటి నయని పావనిలో ఒకరు ఎలిమినేట్ కానున్నారు. గత ఎపిసోడ్‌లో ప్రిన్స్ యావర్‌కు నయని సపోర్ట్ చేయడంతో ఆమెకు ఫాలోయింగ్ పెరిగింది. కాబట్టి.. ఎక్కువగా శోభా శెట్టి ఎలిమినేట్ అయ్యే అవకాశాలు కనిపిస్తున్నాయి.