Bigg Boss 7 Telugu Elimination: బిగ్‍బాస్‍లో అనూహ్య ఎలిమినేషన్.. ఈవారం ఆ కంటెస్టెంట్ ఔట్!

Bigg Boss 7 Telugu Elimination: బిగ్‍బాస్ తెలుగు 7వ సీజన్ 10 వారం ముగింపునకు వచ్చేసింది. దీంతో ఈ వారం కూడా ఓ కంటెస్టెంట్ ఎలిమినేట్ కానున్నారు. హౌస్ నుంచి బయటికి వెళ్లనున్నారు. అయితే, 10వ వారం ఎవరు ఎలిమినేట్ కానున్నారో సమాచారం లీకుల ద్వారా బయటికి వచ్చింది. సింగర్ భోలే షావలి.. ఈ వారం బిగ్‍బాస్ నుంచి ఎలిమినేట్ కానున్నారని లీకుల ద్వారా తెలుస్తోంది.

జానపద గాయకుడు, మ్యూజిక్ కంపోజర్ అయిన భోలే షావలి పాట బిడ్డగా బాగా పాపులర్ అయ్యారు. బిగ్‍బాస్ హౌస్‍లోనూ బాగా ఎంటర్‌టైన్ చేస్తున్నారు. టాస్కుల్లోనూ చురుగ్గా పాల్గొంటున్నారు. క్రమంగా ఇతర కంటెస్టెంట్లతోనూ భోలే షావలి.. భేష్ అనిపించుకుంటున్నారు. అయితే, 10వ వారం ఆయన అనూహ్యంగా ఎలిమినేట్ కానున్నారని లీక్‍ల ద్వారా సమాచారం వెల్లడైంది.

10వ వారం గౌతమ్ కృష్ణ, రతిక, ప్రిన్స్ యావర్, భోలే షావలి, శివాజీ నామినేషన్లలో ఉన్నారు. వీరిలో భోలే షావలి ఎలిమినేట్ కానున్నట్టు టాక్. నామినేషన్లలో ఉన్న మిగిలిన నలుగురి కంటే ఓట్లు తక్కువ రావడం కారణంగానే భోలే హౌస్ నుంచి బయటికి రానున్నారని తెలుస్తోంది.

ఈ వారం ప్రారంభంలో ఓటింగ్ సరళి ప్రకారం రతిక ఎలిమినేట్ అవుతుందని అంతా అనుకున్నారు. భోలే షావలికి మంచి ఓటింగ్ శాతం వచ్చింది. అయితే, ఆ తర్వాత రతికకు ఓటింగ్ పెరిగినట్టు తెలుస్తోంది. దీంతో అనూహ్యంగా 10వ వారం భోలే షావలి ఎలిమినేట్ కానున్నారని సమాచారం. 

అయితే, భోలే షావలిని హౌస్‍లో మిస్ అవుతామంటూ కొందరు ఇప్పటికే సోషల్ మీడియాలో పోస్టులు పెట్టేస్తున్నారు. భోలే బాగా ఎంటర్‌టైన్ చేశారని రాసుకొస్తున్నారు. రతికను సేవ్ చేసేందుకు భోలే షావలిని బిగ్‍బాస్ బలి చేస్తున్నారని మరికొందరు ఆరోపిస్తున్నారు.

బిగ్‍బాస్ ద్వారా భోలే షావలి టాలెంట్ చాలా మందికి తెలిసింది. సందర్భాన్ని బట్టి అప్పటికప్పుడు ఆయన ట్యూన్ కట్టి.. పదాలు అల్లి పాటలు పాడేస్తారు. ఆయన ప్రతిభ చాలా మందికి నచ్చింది. కొన్ని చిత్రాల్లోనూ భోలే షావలి పాటలు పాడారు. ప్రైవేట్ ఆల్బమ్‍లు కూడా చేశారు. తన టాలెంట్‍తో బిగ్‍బాస్ ద్వారా ప్రేక్షకులను భోలే అలరించారు. మరింత పాపులర్ అయ్యారు.